¹ Ikapa, naminali imetataka watsa jiipai, liwayaketa, jnite limatsiketa liaji naufakaruda, jnite lipekuka kjerre katsa jnaji yufakape linaku liaji jiipai. ² Kainji naiki shu linuwatsa liapiya liaji sacerdote, kainji likashu liaji idenjikada opada ishu, kainji naminali shu; pakuaka ruapiya shuaji inaru mjepakanakdaru tua, kainji nanarute shu; liapiya liaji iwentakada, kainji likashu liaji iwendekada kainji likashu liaji jitkada linaniwa, kainji likashu liaji idewekada, kainji likashu liaji jipakada palata linakjuite, pakuaka liapiya liiaiji yali linakjuite. ³ Liwayaketa pjiumi liaji jiipai likaitekapua liaji yaketi naminali. ⁴ Liaji jiipai metakan, tsudali pja ni jnite liwayakakau, jnite jnaji naiki yufakape jiipa liku nañauku. ⁵ Liaji jiipai kaupitjakan nama jnaji naiki yufakape nini kurin kapua namatsietkawa naufau, matsina natserenta nakaitenda naufau, matsina natserenta nakaitenda naufakaru, matsia jale dauka kuan. ⁶ Namatsika ima liña liaji jiipai, jnite jnaji yufakape nini jnewa limatsikana ima. pjiumi jnaji naiki nawayakakau, tsutsa naiki yufa nini. ⁷ Liaji walidali vino metakan, liwayakakau jnaji katimape neiya nakaute likjuite. ⁸ Liaji pjeminda panderetas yamina, jnite jnaji irapakape katima, yamin nakatimata kakau lira naka. ⁹ Uupi kurin nairaka vino jnite kurin na kanta, jipiti liaji cerveza nashu jnaji irakapeni. ¹⁰ Liaji yakale matsi liufakaw pjiumi jnaji panti taimina maminalinana. ¹¹ Naiya calle liku vino ipuam; pjiumi katimape deepi nakapaka, katimakali iñawa jiipai likjuite. ¹² Liaji yakale maminali liufakau, liaji pantinuma njanaitani kjenani. ¹³ Kaiwatsa pjiumi liajipai yakale kuan, kainji likashu liaji jaiku olivo liufaka napiyunda shu, kainji malitsi uva yada jnatanda ewa kenan. ¹⁴ Nawana watsa kjaida njareta naminali, nawana watsa katima uuni makapan rikijuite. ¹⁵ Mitsa panaya, ikatimata iminali, nanaku jnaji islas ikatimata lipitana liaji Israel Idiote. ¹⁶ Tekjuitepe jiipei femi nakantaka. "Katima linaku liaji apadasta matsiete Jnjite nukaite:" "Nuwayakakau, kjena pja kanua! jnaji matsipe naufau nashashu; jnaji matsipe njanaita matsiadali nunakule." ¹⁷ Ifiuketi, iriri jnite napapinda liufa inaku, yufakape jiipai liku. ¹⁸ Liaji shekukadau jimika ifiuketji ima lifawatsa iriri likule, ninitsa limutukau pamuyua iriri njepana napupinda liku jnaji ventana eenulikupe njamekuwa tsana jnite jnaji tarape yufakau jiipai liku naa tjetjewa. ¹⁹ Liaji jiipai tsupetsa nanaitakan, liaji jiipai natserenta watsan, lipiyu watsan kjaida. ²⁰ Liaji jiipai idewanakaita shu watsan, lidia njinpeu litufi nakule, jnite lipjeyale pantita shu, jnite limatsikana jawiñawatsan jnite lriwau kurin watsa liemau. ²¹ Linuwatsa liajaledauka naminali liña watsa listuludaute eenulikupe jnite jnaji reyes jiipai likupe. ²² Pjiumi naufakau pakuaka, naitana priri riku, naita watsa naa; jnite jure jaledauka nañawatsa naa. ²³ Jnite liaji keeri maajikadakin watsa, jnite liaji jeeri kapaiman watsani, nini liaji naminali litsuludaute litali kanata watsa awakada Sión yada jnite Jerusalén jnite napjeyale jnaji lianciononai katimawliku.