¹ Apada nua kaitenda Tiro ishu: Iwana, iwarcun shoa tarsispe, kurin isho iufakaruda kurin tsaka iinipu newalikule; nakapanda uufi njapaite naku jnaji Chipre likupe. ² Makutsa yufakau, yufakape uuni inumapipe; Sidón likupe iwendekape, uuni makapan liku yanjiwa, pakjan ka sha na shu. ³ nanaku jnaji makapan uuni liufau liiaji linaka liaji Sijor, napananpe jnaji Nilo likupe njanaita nawendewa vino nashu pjiumi jnaji yakale. ⁴ Kapaimana jnaji Sidón likupe, nini kaku liaji uuni makapawan kjaidudal. Likaite nashu "Kurin pia kewenda njua kurin tsaka kenipe tua njua, kurin tsaka nu tauña aatsia, kurin tsaka yenpetiapape kurin tsaka inaitje ⁵ Liukakenau liaji memoria Egipto likule, mjaida naufaukau lima liaji Tiro. ⁶ Iyuawa Tarsisle, iya ikaule likjuite, sha yufuke uuni yalapi jiuuni. ⁷ ¿Pja kaika pjiyapakua yakale katimadali, njanaitanda jnaji uupipe, pjia pjipa idenpe teku jiipai tekujpe iufakape nisre? ⁸ ¿Kuka paa ikakunata Tiro naku, liatsapa liaji kipeyuliyaka corona, njakapua iwendekape jnaji nenipe, matsiape stanaiki jnaji iwendekape jiipai liku? ⁹ Li paimaniata watsa jnaji matsiaperi naiki jiipai likupe. ¹⁰ Pidjeni jiipai, kainji lidenjikapishu liaji Nilo, litu liaji Tarsis, kurintsu pakape pawentali nini ijaundati Tiro liku. ¹¹ Naminali ipeku likapi uuni makapawan liku likananita jnaji tulikanati likaite kjaida Fenicia naku lipekaru njewau jnaji tarape yufakau. ¹² Likaite: "Kurin katima watsa pjia, naitnda ikau mjayapetakada aatsia inai Sidón itu; piemawau pjiyapaa linaku liaji Chipre; mitsa kurin tsaka nisre pishu imaudaketi. ¹³ Pikapa njapaite jnaji Caldeonai. Jnaji naiki kurin naakapikapali; jnaji asirionai nakada metanwa nashu jnaji mafikali awakadeta. Njareta naa torren asedio shu, napeku njewau jnaji naminanai iipanapen, njanaitana juredali kjenadali shu. ¹⁴ Iwana Tarsispe, kabarcumpen; napeku nakan iipana idawalipia nini. ¹⁵ Apada watsa jaledauka kurin watsa nawaupia Tiro setenta años watsa kainjijaledauka lishu liaji rey. Liwayeketen liaji setenta años, kaiwatsa liaji Tiro nakancioni iyada jnaji naitjepe iwendiakakape aatsianai shu. ¹⁶ Pjipa liaji arpa, washa piawa yakaleshe, shuaji inaru iwendiakaka aatsianai ishu kurindaru nawaupianda, matsia pitokakan, pikanta jure, nataita karu nawaupianu. ¹⁷ Njite liwayakekena naji setenta años, likitsinta watsa Tiro liaji naminali, shunaita tsenaka watsa palata rudjenikapishu shuaji iwendiakakape aatsianai isu, ruwendia kawa nasu pjiumi jnaji yakale jaledaukalikape . ¹⁸ Jnaji napalanta shewali jnite nakadanpe nashu nakada watsana naminali ishu kurin watsa nadawakana jnite naguardakana tesorería liku, likadanpe liaji napalatan nawatsa nashun jnaji yufakape likaitekapishu liaji naminali jnite liawatsa nashu jure naijau nataita karu nashuka nashayaniwa natsiape jnite kakuadape.