¹ Jnakaiteka jlinaku jliaji jnakapanda jalapukuliriku: Kuantsupa ikasra yufau panti ipukuliku? ² Jimikaru jlima jliaji yakale,jnarapakadanaku jnaji yakalefe? jnaji mayanpe kutsa matsetatsuka mayankana, kutsa jnakuemaka iinuna. ³ Kalaimi jnaji yapakapena jnapitukau, jnapakana kurim jnayawitakana, kalaimi jnapakana, jnintatsa jnapitukau. ⁴ Jniteutsa, jnukaiteka: Makapatsa jnua, jnuiyawatsa kaiwirikutsa; Maumatsautsa pikatimatakana jlima jnawayaketaka sruaji jliitu jliaji jnuyakale. ⁵ Jnintsa jaledauka keruakadanakuna, jlipuakawa kurikawa paani jnaminali jnaji tsuludaunai, jalapukuli pakapakawa papeyajle, jnawakawau jnaji jnapana iiwai, jnite inaikinai iiwanaka awakadaiisru. ⁶ Elam jipaka jliaji wepune, jnanikarudariku jnani atsianai jnite jnekukaruna, jnite Kir iikada pakapa jlidanatakatsupa. ⁷ Jnaji jalapukuli piniwananipe jnapakantakautsana jnekukarunatsu, jnite jnaji yakape jnanaku jnaji mafikalinai jnemakenautsa pantinuma. ⁸ Jlita Juda yuya jliidana; jnite iikadaka ikauleu jnanaku jnaji jlimukawan jliaji yufakada ipanaliku aaji awakadariku. ⁹ Ikapjenina jliapuwa jliyakaleriku jliaji David, aimadankana, jnite iiniwejnina jliaji uuni adaliji jlirikuda jliaji jliufakaruda tewakjete. ¹⁰ Tsa iniwetaka jnaji panti Jerusalenrikupe, jnite tsa iinaka jnawau jnaji jnapana jiretakaru walipe jnadanau. ¹¹ jinaitaka uuni yufakaruda jnapamuyuaka jnaji jnadana jliufakarudau jliaji uuni yaruda uupidali. Kurikadeka iwaupia jlinaku jliaji jinaitalipia jliaji yakale, iiwaupialipia jlinaku uupi. ¹² Jnaminali jnaji tsuludaunai jliwana jliada jnaiyakaru, kuyulekaruna, jneritaka jneewida, jnite jnetaka jnananiu tsaramidali kuyulekana. ¹³ Pikapakje kantsa pakapaka ikatimakjeti, jnakaka, wainuka vaca jnite ovejas, waiñaka jlipe jnite wairaka jaikuteda yaana tewenautsa mayanfa. ¹⁴ Jlikaitenda jnunakuriku jliaji jnaminali jnaji tsuludaunai. "Jniteutsa, jnanaitanda matsi kuriutsa jlietaka jnauyan, jnitautsa mayankana", kaika jliaku jliaji jnaminali jnaji tsuludaunai. ¹⁵ Jnaminali jnaji tsuludaunai jlikaiteka. " Pjia jlikjaule jliaji yapakada, Sebna, yanikada jnapananaku, pjikaite. v ¹⁶ Kuampekapjia aaji jnite kuakaimenaka pikja pjiarudau, aaji yenunkawa paufetakawa aaji jipadanaku? ¹⁷ Pjikapa, tsumitsa Waminali ipekukasrupjia, atsia kjaidete, tsumitsa jlipekukasrupjia tewakale, jlipatutakautsa pjia kaida. ¹⁸ Jlikabukjuetetautsa pjia, jlipekuatsa pjiawa kaiji pelotatsu, yakale makaferikujle. Mayamiutsa pjia nisre, jnite ninwatsa jnemakau jnaji pianikarudape, ¡ Pjipaimanietakautsa jlipana jliaji pjiminali! ¹⁹ Jnuduitautsa pjia pjidenikafete jnite pjiufakafete. Jnuduitakautsa pjia. ²⁰ Jliawatsa jaledauka jnuwanakjauli jliaji jnuinaidali Eliaquin, jliri jliaji Hilcias. ²¹ Jnuetakautsa pitsayan jlinaku jnite jnuruetautsa jlinaku pipitanana, jnite jnuawatsa jlisru pideninpe.Jninirikautsan jnaji yufakapeu Jerusalenriku jnite jlipanarikuper jliaji juda. ²² Jnukadawatsa jlipana itsawina jliaji David jlitedanaku, jlimekukaru, jnite kurinkuka iitan, jlitakan jnite kurim kuka imekukan. ²³ Jnunaitautsa, jlirukarunau kurikawa jnataitaka jnapakani, jnite jlipadamautsau matsiakawa jliniri ipana iikauyau ²⁴ Jnasruetautsa jlinaku jlimatsiaka jlipana jliaji jnaniri, jnite jliekje, jlinakjuiteperitsaka, jnakuanatsa jnaji jnafakarudape tsupe jnite jnaji makadalipe. ²⁵ Jlia jaledaukapjiaka, jlikaiteka jliaji jnaminali jnaji tsuludaunai, jliaji jnañakawa jlirua jliaji tapau jliñakautsau, tseremikautsani jnite jliwakautsau, jnite jliaji jliwiñaka jliyuakautsan, kakuka jliaji waminali.