¹ Cristo fíxonos libres para sermos libres. Por iso, non vos poñades un xugo de escravitude como o que tiñades; estade firmes. ² Ollade para min, eu, Paulo, asegúrovos que se vos ciruncidades, Cristo non vos serve de nada. ³ Eu dou testemuño a tódalas persoas, de que se vos deixades circuncidar, estades obrigados a cumprir a lei. ⁴ Os que procurades ser xustos pola lei estades afastados de Cristo; caestes da graza! ⁵ Porque, a través do Espírito, pola fe, agardamos a esperanza segura da xustiza. ⁶ En Cristo Xesús nada vale circuncidarse ou non, senón só a fe traballando mediante o amor. ⁷ Iades correndo ben. Que vos impediu obedecer á verdade? ⁸ Esta certeza non vén de quen vos chama. ⁹ Un chisco de fermento leveda toda a masa. ¹⁰ Confío no Señor que vos garde para non crer noutra cousa que non sexa a verdadeira boa nova. Calquera que sexa que vos estea amolando terá o seu castigo. ¹¹ Irmáns, se eu aínda proclamo a circuncisión, por que sigo a ser perseguido?. Nese caso a pedra da cruz, que era de tropezo, deixaría de selo. ¹² En canto aos que vos están amolando, que bo sería que eles mesmos se mutilaran! ¹³ Porque a vós, irmáns, chamóusevos á liberdade. Non a usedes para que a natureza pecaminosa campe, mais servídevos en amor os uns aos outros. ¹⁴ porque toda a lei está cumprida nunha palabra: amarás o teu próximo como a ti mesmo. ¹⁵ Pero se vos mordedes e comedes uns aos outros, tende conta de non vos consumir entre vós. ¹⁶ Pero eu digo: camiñade no Espírito e afastádevos do querer natural do pecado. ¹⁷ Porque este querer está defronte do Espírito, e os desexos do Espírito están enfronte aos do querer natural do pecado. Pois estes loitan entre eles, por tanto non sodes quen de facer as cousas que queredes. ¹⁸ Agora ben, se vos guía o Espírito, non estades suxeitos á lei. ¹⁹ Os feitos da natureza de pecado son moi claros: fornicación, impureza e lascivia. ²⁰ Idolatría, meigallos, enemizades, liortas, ciumes, iras, pelexas, divisións, sectarismos, ²¹ envexas, borracheiras, orxías e cousas semellantes. Chamo a vosa atención de que os que están afeitos a estas cousas non herdarán o reino de Deus. ²² Pero o froito do Espíritu é amor, gozo, paz, paciencia, amabilidade, bondade, fe, ²³ mansedume e dominio propio. Contra estas cousas non hai lei. ²⁴ Pois aqueles que pertencen a Cristo Xesús crucificaron os desexos da natureza humana coas súas paixóns e desexos. ²⁵ Se nós vivimos polo Espírito, camiñemos tamén no Espírito. ²⁶ Non sexamos fachendosos, provocándonos uns aos outros, envexándonos uns aos outros.