¹ Estou dicindo que o herdeiro, namentres é un neno, non é diferente do escravo, aínda que sexa dono da súa propiedade, ² senón que está baixo a tutela de administradores e titores ata que se cumpra a tutela establecida polo seu pai. ³ Así tamén, nós, cando eramos nenos estabamos escravizados polos principios elementais do mundo. ⁴ Pero cando se cumpriu o tempo, Deus enviou o seu Fillo nado dunha muller baixo a lei, ⁵ para para redimir a aqueles que están baixo a lei para que puidésemos ser adoptados como fillos. ⁶ E porque vós sodes fillos, Deus enviou o Espírito do seu Fillo aos nosos corazóns, que clama: "Meu Pai". ⁷ Así que xa non es un escravo, senón un fillo, e se es un fillo, tamén es un herdeiro por medio de Deus. ⁸ Daquela, cando non coñeciades a Deus, erades servos daqueles deuses que pola súa natureza non o son realmente. ⁹ Pero agora que coñecestes a Deus, ou mellor dito, que sodes coñecidos por Deus, como é posible que volvedes a principios febles, inútiles e elementais? Queredes ser escravos de novo? ¹⁰ Andades a gardar os días especiais, as lúas novas, as estacións e os anos. ¹¹ Temo que o meu traballo por vós fose en van. ¹² Rógovos, irmáns, que vos fagades coma min, xa que eu me fixen coma vós. Tratástesme ben. ¹³ Sabedes que cando eu vos anunciei o evanxeo a primeira vez estaba doente. ¹⁴ Vós non me rexeitastes por isto, pola contra, recibístesme como un mensaxeiro de Deus, como a Cristo Xesús mesmo. ¹⁵ Onde está agora o sentir de bendición que tivestes? Porque teño por certo que, se vos fose posible, sacaríadesvos os ollos e mos dariades a min. ¹⁶ Volvinme agora o voso inimigo por dicirvos a verdade? ¹⁷ Eles poñen empeño en convencervos para que vos unades a eles pero non para ben. Queren que vos separedes de min para que os prefirades a eles. ¹⁸ É bo ter paixón polas cousas boas sempre, e non só cando estou presente con vós. ¹⁹ Meus filliños, outra vez estou sufrindo dores de parto por vós ata que Xesús Cristo sexa formado en vós. ²⁰ Gustaríame estar agora aí presente e mudar o meu ton, porque me tendes abraiado. ²¹ Dicídeme, os que desexades sometervos á lei, non escoitades o que a lei di? ²² Porque está escrito que Abraham tivo dous fillos, un da serva e outro da muller libre. ²³ Pero o fillo da serva naceu segundo os desexos da carne, e o fillo da libre en cumprimento da promesa. ²⁴ Isto pode ser interpretado como unha alegoría xa que estas dúas mulleres representan dous pactos. Un procede do Monte Sinai e deu a luz a fillos para ser escravos; Este é Agar. ²⁵ Agora ben, Agar representa o Monte Sinai que está en Arabia e ela representa o actual Xerusalén, pois vive na escravitude cos seus fillos. ²⁶ Pero a Xerusalén de arriba é libre, e ela é a nosa nai. ²⁷ Porque está escrito: "alégrate ti, estéril, a que non das a luz. Clama e berra de ledicia ti que non estás a sufrir dores de parto. Porque os fillos da abandonada son máis numerosos cos da que ten marido." ²⁸ Vós, irmáns, como Isaac, sodes fillos da promesa. ²⁹ Naquel tempo aconteceu o mesmo que agora: o que naceu segundo os desexos da carne perseguiu ao que naceu segundo o Espírito. ³⁰ Pero que di a Escritura? "Bota fóra á escrava e ao seu fillo; porque o fillo da escrava non partirá a herdanza co fillo da libre". ³¹ Polo tanto, irmáns, non somos fillos da escrava, senón da libre.