¹ Pampela ya ifi fintu, eli Yesu aabukile kwitala lya cishiba ca Galileya, ici icao kwitwa libela. ² Ibumba iliulu lyali mukonkele pakuti bali bwene ifishibilo ifi ali kucila kuli babo abalwlele. ³ Ili Yesu aninine ulupili eli kulya aikele na ba sambile bakwe. ⁴ (Lomba ica kucilila, ica kucilila caba Yuda, cali palamine.) ⁵ Ili Yesu aloleshe ne kubo ibumba ilikulu lilo kwisa ku ye, eli alabile kuli Filipo, "Pano ni kwisa uku tulukuya mukushita shinkwa uwakuti balye?" ⁶ (Eli Yesu alabile uku mwesha Filipo, pakuti ye alishi ifi ali mukucita.) ⁷ Filipo kaasuka ati, "Indalama imyanda ibili tekutipo tushile shinkwa wakuti tulye nangu ka nini. ⁸ Umo paba sambile bakwe, Andulu umu kwabo simoni Petulo, kalabila kuli Yesu ati, ⁹ "Kuliko umwaice kuli uukwete ba shinkwa ba sano ne sabi libili, mbukil ilibumba nindo tuli utu?" ¹⁰ Yesu ka labila ati, "Ebeni abantu bekale panshi." Lomba kwali icani icingi kuli ilya ncende. Eli abantu ba ikele panshi, koti makana asano mu mpendwa. ¹¹ Pano Yesu ka bula ilya shinkwa ili apepele, ka peela abo abaikele. Efi akitile ne kwi sabi, kablya koti ni fyefyo ifi ku fwaya. ¹² Ili abantu bonse baikutile, kalabila ku basambile bakwe, "Pano longanikeni ifyashala, ukweba ati pe poswapo neli kamo." ¹³ Kaba longanika imiseke ikumi na ibili ukwisula ifyashelepo ukimi muli shinkwa usano iibaliile. ¹⁴ Eli, ili abantu ba bwene ifishibilo ifi akicile, bali labile ati, "Fyacine uyu ni kasesema uwa lailwe mu calo." ¹⁵ Pano Yesu kalanguluka ati bali mukwisa noku mumona kukupasha pa bufumu, alibwelele kabili ku lupili umwine. ¹⁶ Ili cali icungulo, ba sambile bakwe balile ku cishiba. ¹⁷ Ka baninina ubwato, balukuya kwi tala lya Kapenamu. Kwa lifitile iyo impindi, Yesu ninshi tangaisa kuli bo. ¹⁸ Lomba kabesha uukosele wali pupile, ne cishiba calimishe amaukapala. ¹⁹ Pano ili ba obele intafu ama kumi atatu, bali bwene Yesu alu kwisa alu kwenda pa menshi ukwisa mu pepi noe bwato, pano aba sambile bakwe bali tinine. ²⁰ Sombi kalabila kuli bo ati, "Nine! Mwitina." ²¹ Eli balu kulanguluka ati alu kunina ne bwato bwali fikile ku mulundu kwenka uku balu kuya. ²² Ubushiku bwakonkelepo, ibumba ilyamakene kwitala lya cishiba bali bwene ati takwalipo bumbi ubwato bwenka bulya, ubo Yesu atanininemo ba basambile bakwe ukubako baile beeka aba sambile bakwe. ²³ Ukubako, eko aali naimbi amato aafumine ku Tibelia pepi ne ncende uku balile shinkwa ili Yesu apepele. ²⁴ Ili ibumba lya ishibile Yesu naba sambile bakwe ba kulya, benka bo kaba nina ubwato ukwabukila ku kapenamu uku fwaya Yesu. ²⁵ Ili ba musangile kwitala lya cishiba, bali labile ati, "Wemu sambishi, ni kwisa wishile kuno?" ²⁶ Yesu kabasuka ati, ukulabila, "Cine, cine, mukalu kumfwaya, tepakuti mulabona ifishibilo, nipa mulandu mwalile shinkwa ne kwikuta. ²⁷ Mupengela ifyakulya ifyonaika, pengeleni ica kulya ico icitwala ku mweo wape uo umwana wa muntu apeela, uo Lesa wishi abiika ici kakatiko pali ye." ²⁸ Eli balabile kuli ye, Tukite shani, ukweba ati tubombe imilimo ya kwa Lesa?" ²⁹ Yesu kaasuka ne kulabila kuli bo ati, "Uyu emulimo wakwa Lesa: Ukweba ati musumine mu umo uubatumine." ³⁰ Bali labile kuli ye ati, "Cisa cishibilo ici ukucita, pakuti tukabone noku kusumina? ukakita shani? ³¹ Ba shifwe balilile makana mu mpanga, koti fintu calembwa, alipele shinkwa kwiulu." ³² Eli Yesu aasukile, "Cine, cine, ta alipo ni mose amupele shinkwa ukufuma kwiulu, ni Tata eumupela shinkwa wa cine ukufuma kwiulu. ³³ Pakuti shinkwa Lesa ni uyo ufuma kwiulu ulapela umweo." ³⁴ Pano ka balabila kuli ye ati, "Shikulu mula kutupa uyo shinkwa pefye." ³⁵ Yesu lalbila kuli bo, "Nine shinkwa wa mweo; uyo onse uwisa ku nebo takekatwapo insala, ne onse uusumina muli nebo ta kamfwe icilaka. ³⁶ Ukubako nali mwebele uku mwalimbwene, pano tamwasumine. ³⁷ Uyo onse uo Tata ampela alesa kuli nebo, na uyo uwisa kuli nebo nshimuposapo. ³⁸ Pati naishile pano panshi ukufuma kwiulu tekucila ukufwaya kwana sombi ukufwaya kwakwe uwantumine. ³⁹ Uku ekufwaya kwakwe uyo uwantumine, ukweba ati nilufyapo neli umo abo abo ba mpeele ba kubushiwa pa bushiku bwaku pelako. ⁴⁰ Uku ekufwaya kwakwa Tata, uyu ondse uwabona umwa na ne kumu sumina akaba ne mweo wape pano nkamu busha mu kupwa kwa mpindi." ⁴¹ Pano aba Yuda bali lishenye pa kumfwa ati, ''Ene shinkwa uwafuma kwiulu." ⁴² Kaba labila, "Uyu talipo ni Yesu mwana Yosefu, uo ba wishi naba nyina tuli beshi? Mba findo alu kwebela ati mfumine kwiulu?" ⁴³ Yesu ka asuka ne kuli bo ati, ''Lekeni ukuilishanya mwenka. ⁴⁴ Takulipo ungesa kuli ne kani Tata untumine amukula, na nebo nkamu buusha mu kasuba ka kupelako. ⁴⁵ Cili lembelwe muli ba kasesema, ''Onse uwaumfwa ne ku sambilila alesa kuli nebo. ⁴⁶ Teku kutila onse alimona Tata, kano enka uwafuma kuli Lesa- ewabona Tata. ⁴⁷ Cine, cine, uusumina akaba ne umweo wa pe. ⁴⁸ Nine shinka wa mweo wa mweo. ⁴⁹ Ba shinwe balilile imakene mu mpanga, balifwa. ⁵⁰ Uyu e shinkwa uwafuma kwiulu, ukweba ati umuntu alyako ekafwa. ⁵¹ Nniebo shinkwa wa mweo uwa fuma kwiulu. Kani umuntu alyako kuli uyu shinkwa, akekala inshiku pe. Shinkwa uo impela mubili wandi. ⁵² Aba Yuda baali kalipile abene benka noku labila at nga kanshi angatupashani umuli wakwe?'' ⁵³ Eli Yesu alabiile ku bo ati, "cine, cine, sombi mwalya umubili wamwana wa muntu no kunwa umulopa we tmungakwata umweo muli mwe. ⁵⁴ Onse uwalyako umubili wandi no kunwako umulopa wandi akaba ne mweo wape kabili nkumubuusha mu kasuba ka ku pelako. ⁵⁵ Pakuti umubili wandi cakulya iciweme, umulopa wandi cakunwa icacine. ⁵⁶ Uyo onse uwalya umubili wandi ne kunwa umulopa wandi ekalilila muli nebo, na nebo muli ye. ⁵⁷ Koti fintu Tata uwa mweo euntumine, ngefi naikala uwa mweo pakuti pali Tata, efi uyo uwalya nebo, nao akaba uwa mweo pakuti pali nebo. ⁵⁸ Uyu eshinkwa uwafuma kwiulu, tefyo ifi ba shinwe balilile ne kufwa ka bafwa. Uyo walya uyu shinkwa akekala inshiku pe." ⁵⁹ Sombi Yesu alabile ifi fintu mwi Sunagogi ili aleku sambisha mu Kapenamu. ⁶⁰ Pano abengi muba sambile ba kwe abaumfwile ifi kabeba ati, ''Ici icepo ciciokosele, nga ninani engofwa?" ⁶¹ Yesu, pakuti alishile umwine ati aba sambile bakwe balo kulishanya pali ifi, kabeka ati, '' Pano ifi fyamulkalifya? ⁶² Mba kani mukabone umwana wa muntu alu kunina alu kuya uko uku aali akale? ⁶³ Pakuti mupashi eupanga umweo; umubili taucitapo cintu. Amashiwi ayo amwebele mupashi, kabili emweo. ⁶⁴ Pano kuli bambi pali mwebo ba tasuminepo.'' Pakuti Yesu alishi ukufuma ku kutampa ebo abali baana abo aba takasuminapo na babo aba kamu posa ku balwani. ⁶⁵ Ali labile ati, ''Ni pamulandu wa ici na labilila kuli mwe ati takupo uwingesa kuli kano capelwa kuli ye ukufuma kuli Tata.'' ⁶⁶ Pa mulandu wa ici, abengi abamu sambile bakwe bali fumine kuli ye kabili taba bwelelepo mu kwenda nankwe. ⁶⁷ Eli Yesu alabile kube kumi na babili, ''Nga mwe tamulu kufwayapo namwe?" ⁶⁸ Eli Simoni Petilo aasukile ati, ''Shikulu, tuye kuli naani? Muli kwete amashiwi ya umweo wape, ⁶⁹ kabili fwebo tulisumine no kwishiba uli wamushilo umo kwa Lesa.' ⁷⁰ Yesu kalabila kuli bo ati, ''Bushe nsha umusalilepo, ne babili, pano lomba umio pali mwebo ni ciwa?'' ⁷¹ Apa lukulabila pali Yuda mwana Simoni Sikalioti, pakuti aati ni ye, umo pa be kumi na babili, uwali mu ku pondokela Yesu.