¹ Panuma ya ifi fintu Yesu kaya mu Galileya, pakuti yee tafwailepo ukya mu Yudeya pakuti aba Yda balu kufwaya uku mwipaya. ² Nomba, umutebeto waba Yuda uwa nsakwe wali palamine. ³ Napali checho abakwabo ka balabila kuli ye, "Ushe iyi ncingo ne kuya ku Yudeya, pa kweba ati aba sambile bobe nabo babone imilimo yobe iyu cita. ⁴ Takulipo umo ucite fili fyonse mubufishi kani ye umwine alu kufwaya uku boneka pa menso kutuba. Kani wacita ifi fintu, ninshi wailangisha kwisonde." ⁵ Apopene abakwabo taba musminepo. ⁶ Yesu ne pali fyefyo ka labila kuli bo, "Impindi yandi taingesa, sombi impindi yenu yaliba ipekanishiwe lyonse. ⁷ Icalo tekuti cimi patepo, sombi nebo cili mpatile pakuti nebo ndapela bunte pa mibele yaciko ibipile. ⁸ Kabiye kumulebeto, nebo nshili kuyapo kumilebeto pakuti impindi yandi taingafikapo." ⁹ Panuma ili ali labile ifi fintu kuli bo, kaikala mu Galileya. ¹⁰ Sombi ili aba kwabo baile kumitebeto, eli naye aile, taile pa menso kutuba sombi mubunfishi. ¹¹ Neba Yuda bali kumu fwaya kumutebeto neku labila, "Alipi?" ¹² Kwali ukwanshyanya, pakati kama bumba pali ye. Bambi kabalabila ati, "Mwalalume umu weme." Bambi kaba labila ati, "Awe , alalufya amabumba ya bantu." ¹³ Na cingabefyo takwalipo neli umo uwali ku labila pa menso kutu ba pa mulandu katina aba Yuda. ¹⁴ Eli imitebeto yafikile pakati, Yesu alingile mwi tempuli ne kutampa uku sambisha. ¹⁵ Eli aba Yuda ba papile ukweba ati, "Ngoyu muntu alishibishe shani ifi fintu? Neku sambila ta sambililapo." ¹⁶ Yesu ali basukile neku labila, "Ama fundisho yandi tayalipo yandi, sombi yauyo uwantumine. ¹⁷ Kani umuntu alu kufwaya ukucita ifya pa lwakwe, akeshiba pali bubu busambishi, kani cali fumine kuli Lesa nagu uku ilabilila pa lwandi. ¹⁸ Onse uyo uilabilila pa lwakwe alaifwaila mucinshi pa lwakwe, sombi uyo onse ufwaya muncinshi uku fuma kukli uyo uwa mutumine, uyo umuntu wacine kabili na muliye tamupo uku bifya. ¹⁹ Tamu pelenipo ama funde Mose? Lelo pali mwebo tapapo ulama ama funde. Nindo mulu ku fwaila uku njipaya?" ²⁰ Ne bumba kalyasuka, "uli ne kibanda , nani ulu kufwaya uku kwipaya?" ²¹ Yesu kasuka ne kulabila kuli bo, "na bomba umulimo, na bonse mwapap pa mulandu wa cico. ²² Mose ali mupele uku sembululwa (tacilipo ati ca fumine kuli Mose, sombi ku fikolwe fyakwe), kabili ne pe Sabata mulu kusembula umwana lume. ²³ Kani umwanalume apokelela ku sembululwa pe Sabata pakuti ifunde lyakwa Mose tali tiobekele, cindo ici muko nkalipilila pakuti ne ndilengele umuntu uwa bumi ubu pwililikile pa bushiku bwe Sabata? ²⁴ Mwi mpingwila kumi bwenekele, sombi pingwileni mu bulungami." ²⁵ Bambi aba ku Yelusalemu ka balabila, "Talipo nyuyu ubalu ku fwaya ukwipaya? ²⁶ Boneni, alu kulabila pa menso kutuba, kabili tapalipo ifi balabile kuli ye. Tekweba ati abatekeshi bali mwishibile ati uyu ni Kilistu, cingaba? ²⁷ Tulishi uku uyu afumine. (sombi iliKilistu alu kwisa , Taopakabepo ukeshiba uku afumine." ²⁸ Eli Yesu abilikishe mwi tempuli, uku funda ne ku labila, "Mwebo bonse mulinjishi kabili mulishi ne kuna fuma. Shafuminepo kuli ne mwine, sombi uyo uwantumine wacine, kabili kamuka mwishibapo. ²⁹ Ndi mwishi pakuti nafuma kuli ye kabili ali nutumine." ³⁰ Balu kwesha uku mwikata, sombi takupo neli umo uwa tambalikile ukuboko kwakwe pali ye pakuti impindi ninshi taingesa. ³¹ Sombi abenji mwi bumba bali simine muli ye, kabili ka labila ati, "Ni lisa ili Kilistu alu kwisa, ali me kucita ifi papo ifinji ukucita ifi ifi uyu acita. ³² Neba Failiseyo balyunfwile ibumba lilu ku tepeta palwa fifyo ifya kwa yesu, kabili naba cipupila ba kulu naba Faliseyo kaba tuma ifita fya nkondo muku mwikata. ³³ Yesu eli alabile, "Ndinamwe pa mpindi inini, kabili ndeya kuli uyo uwantumine. ³⁴ Mukanfwaya sombi tamukansanganapo; ukuna kuya, tamuka kumanishapo ukwisa." ³⁵ Napali ceco ba Yuda kabatati uku sosanya, "Nipi uyu muntu alu kuya uko ukutatwa ka kumanishepo ukumu sangana? Akuyaku ba Giliki aba salangene ne kuya mu ku funda? ³⁶ Mashiwindo aya ao alabila, "Mukanfwaya sombi tamukansanganepo; uko naya, tamwaka kwanishepo ukwisa?" ³⁷ Pano muku lekelesha, ubushiku ubukulu, ubwa citnge camitebeto, Yesu kaima neku neku bilikisha ati, "Kani uli onse aumfwa icilaka, lekeni ese kuli ne ne kunwa. ³⁸ Uyo onse uwa sumina muli ne, koti nififyo ifi amlembo yalabila , utu olwa twa menshi utwa mweo tatukamapo mukapafu kakwe." ³⁹ Sombi ka labila ifi pa mupashi, abo benka aba musumine eb upokelele; umupashi wali taunga pelwa pakuti Yesu tanga cindamikwa. ⁴⁰ Ama bumba yambi, ili baummfwile ifyebo ifi, ka balabila, "Uyu cacine waku shimika." ⁴¹ Bambi ka balabila, "Uyu ni Kilistu." Sombi bambi ka balabila, "Yesu angafuma ku Galileya? ⁴² Icipingo ta calabilapo ati Kilistu akafuma ku njikale shakwa Davidi na naba kufuma ku Betemu, mu mushi umo Davidi ali?" ⁴³ Ukwa kanikana kwe bumba ka kwima pa mulandu wakwe. ⁴⁴ Bambi mulibo balu kufwaya ukumwikata, sombi takwalipo neli umo uwatambulwilepo ukuboko pali ene. ⁴⁵ Eli ifita fya nkondo fya bwelele kuli bacipupila bakulu ne ba Faliseyo, aba labile kuli bo, Nindo tamu muletele?" ⁴⁶ Ifita fya nkondo ka fyasuka, "Takwabapo neli umo uwala bilapo koti nififi. ⁴⁷ Pano aba Faliseyo kaba basuka, "namwebo kamu lufiwa? ⁴⁸ Kulipo ne ntungulushi shimbi isha musumine, nagu umo muba Faliseyo? ⁴⁹ Sombi ili bumba ilishaishibilepo ifunde, kabashama." ⁵⁰ Nikondemo (umo muba Faliseyo, uwaishibile kuliye bwangu), Neku labila kuli bo. ⁵¹ "Bushe ifunde lyesu lila suminisha kwikata muntu uyo mutanga lubulwisha nekwishiba ifya acita?" ⁵² Balyasukile ne kulabila kuli ye, "Nawebo uli uwaku Galileya? Fwaya ne kusangati takupo kasesema uwisa uku fuma ku Glileya."