¹ Panuma yafifi kwalinecitenje kuba kYunda, naba Yesu Balilie ku Jelusalemu. ² Uko kuJelusalemu pamulyango wambelele pali icibalukwita muci Alabic ati Betesida, Muline mishiko isanu. ³ Icibumba icikuklu cabantu abalwele, impofu, ifilema, nebominine lukoso balikupembelela ukuwilamo-mo. ⁴ Inkalamba yaba Lesa yalikuseluka nekufundaula amenda pampindi imo noyo uwaingilamo ili yacifundaukile aalukupuluka kufwakukatashiwa konse. ⁵ Eku alinemuntu umbi uwali nebulwashi pamyaka amakumi atatu. ⁶ Ulu Yesu amubwene alilele, alilabile kuli ye, ''Ulukufwayo kutendeluka?'' ⁷ Umulwele nekwasuka, ''Sombi shikulu, nshikwetepo neliumo uwakumposa mucishiba ili amenda yafundaulwe. Ulu naisa, umbi ancilila aingila kale. ⁸ Yesu alilabile kuliye, ''Ima, pinta ubulobobe, nekwima.'' ⁹ Penkapo umuntu alitendulukile, nekupintobulo bwakwe nekwenda. Nomba ubo bwalibushiku bwe sabata. ^{10 11} Abayunda balimwipwishe uwatendulwike, ''Kasuba kesabata tekwelelwawe ukupinta ubulo bobe.'' Aliasukile, ''Uyo uwatendulusha angela ati, 'Pintobulo bobe nekwenda.''' ¹² Balimwipwishe, ''Mbaninni uwalabila kuli webo, 'Bula ubulo nekwenda''?'' ¹³ Nangabefyo, uwatendulukile tamwishipo pakwebaati Yesu alikumbulukile, pakukuti abantu balifulile. ¹⁴ Pantangile, Yesu alimusangene mwitempele nekulabila kuli ye ati, ''Bona, ulitendulukile! Wikabifya libili, pakwebaati ifintu fikacitika kuli webo ifibipile.'' ¹⁵ Uyo muntu kaya yuda nekulabila ati ni Yesu uwantendulwishe. ¹⁶ Nomba pamulandu wafifi aba Yunda balimubikile Yesu mukayofi, pakuti ali citilefi fintu pesabata. ¹⁷ Yesu alibaswike, ''Batata bakobombe milimo ukufika nakumpindi ino, nande, icine cine ndukubomba.'' ¹⁸ Pamulandu wanfi, aba Yuda balifwaishe ikucilapo ukumwipaya pakukuti tapulaishe lukoso isabaata, sombi uukoitwa Lesa umwine shikulu, ukulipanga umwine ukupalana na Lesa. ¹⁹ Yesu alibaswike, ''Mucine, cine, umwana teshi ukucita akantu umwine enka, kano fyenkefyo abwene bawishi balukuficita, fyonsefyo bawishi balukucita, ne mwana efyacita. ²⁰ Pakuti bawishi balatemwa umwana wabo nekumulanga fyonse ifibo bacita, nekumulanga ifikulu pakuti mukapape. ²¹ Koti fintu bawishi babusha abfwile nekubapelomweo, fyenkefyo nemwana alapelomweo uwo alukutemwa. ²² Pakuti batata tabapingila neli umo, sombi balipele ubupingushi bonsevkumwana. ²³ Pakwebati onse akacindike umwana koti fintu bacindike bawishi. Utalukucindikapo umwana talukucindikapo nabawishi abamutumine. ²⁴ Mucine, cine, uwaufwamashiwi yanjiaya nekumucetekela muli babo abantumine ali nemweo yamuyaya naye takashininwapo, sombi alipitile mumfwa nekuya kumweo. ²⁵ Micine, cine, ndukumweba ati impindi ilukwisa, neyafika pano, ulu abafwile bakomfwa ishiwi lyamwana waba Lesa, nebakomfwa bakekala. ²⁶ Koti nibawishi ifibali nemweo, alipele nemwana pakwebati muli umweo muliye, ²⁷ nabawishi balipele insambu kumwana ishakupingila pakuti mwana wamuntu. ²⁸ Tekupapa kulimfi, kukesempindi ii wonse uuli mumanda akomfwa ishiwi ²⁹ nabo bakafuma: abo abacitefiweme bakabushiwa kumweo, nabo abacitefisendemo bakabukila kukupingilwa. ³⁰ Nshingacikantu nenku. Koti fintungufwa, ndpingula, nebupingushi bwandi bulungeme pakuti shilukulondapo ukufwaya kwanji sombi uyo uuntumine. ³¹ Kani nedukuishimikila, ukushika kwanji kungekala kwabufi. ³² Ekwali umbi uwashimikile pamulandu wandi, nandendishi ati ukushimikoko kwacine. ³³ Mwalitumine kuli Yoane, nekushimikila bucine. ³⁴ Sombi ukushimika ukunapokelele takwafuminepo kumuntu. Nalabilamfi pakwebati mukapuluke. ³⁵ Yoane walimushobo wakutuba nekwaka, impindi inini mwalukusumina ukusangalala mukusweta kwakwe. ³⁶ Pano ukushimika ukundinako kulicili pali kuko ukwakwa Yoane, pankito iyi batata bampele kukuikosha, yenkeyo milimo iyincita, ilandangisha ukwebaati batata balinyumine. ³⁷ Nabatata abantumine balashimikila palinebo. Tamwalukulyumfwepo ishiwi lyabo neli kubonapo ifumbi lyabo. ³⁸ Tamukwetepo amashiwi anjimwe pakuti tamulukucetekelapo muli uyo uu batumine. ³⁹ Mulafwaya-fwaya mumalembo pakuti mulalanguluka ati mulio emuli umweo, lomba ayo amalembo alashimika ifyapalinebo, ⁴⁰ sombi tamulukufwayapo ukwisa kulinebo ukweba ati mube nemweo. ⁴¹ Nebo nshipokapo ukucindikwa ukufuma kubantu, ⁴² sombi ndishi ati tamukwetepo ukutemwa kwaba Lesa mukati kenu. ⁴³ Ndishile mwishina lyaba tata, nekubulo kuncetekela. Kani umbi aisa mwishina lyakwe umwine, mukamupokelela. ⁴⁴ Ungacetekela shani, mwebalukucindikanshanya sombi ubuleme ba Lesa tamulukubupensela? ⁴⁵ Aikona ukulanguluka ati nebo nkamushinineni kuli batata. Uyo uwamushinineni ni Mose, muliye emo mupema. ⁴⁶ Kani mwacentekela Mose, nanebo ngamulukuncetekela, pakuti alilembee ifyakulinebo. ⁴⁷ Kani tamulukucetekelapo ukulemba kwakwe, mbamukacetekela shani amashiwi anji?''