¹ A o oe, ‘ia e tautala atu i le mea e fetaui ma le a‘oa‘oga moni. ² Ia aoao atu foi i toeaina ia latou amio pulea, ma le mamalu, ma le mafaufau, ma le fa‘amaoni i le fa‘atuatua, ma le alofa, ma le onosai. ³ E faapena foʻi ona aʻoaʻo atu i fafine matutua ia amio lelei, aua le taufaaleaga po o le pologa i le uaina tele, a ia avea i latou ma aoao i le lelei, ⁴ ma ia aoao fafine talavou ia alolofa i a latou tane ma ia alolofa i a latou fanau, ⁵ ia le gaoiā, ia tausi lelei i o latou aiga, ma ia usiusitai i a latou lava tane, ina ia lē ta‘uleagaina/upuleagaina le afioga a le Atua. ⁶ E faapena foʻi ona faalaeiau i tauleleʻa ia faaaogā le mafaufau lelei. ⁷ Ia tuu atu ia te oe i mea uma lava e fai ma fa‘aaoao o galuega lelei. I la outou aoao atu, ⁸ ia outou faaalia le faamaoni, ma le mamalu, ma le upu moni e sili atu i le faitioina, ina ia māasiasi soo se tasi e tetee mai iā te outou ona e leai se mea leaga e fai mai ai e uiga iā i tatou. ⁹ E tatau i pologa ona gauai i o latou matai i mea uma lava, ina ia faafiafia ai i latou ma aua neʻi finau ma i latou, ¹⁰ ina ia aua neʻi gaoi mai iā i latou, a ia faaalia le faamaoni atoatoa, ina ia latou viia ai i mea uma lava le aʻoaʻoga a le Atua lo tatou Faaola. . ¹¹ Auā ua fa‘aalia mai le alofa tunoa o le Atua mo le fa‘aolataga o tagata uma lava. ¹² E a‘oa‘oina ai i tatou e tete‘e atu i le amio leaga ma tu‘inanau o le lalolagi, ma ia ola amio pulea, amio sa‘o, ma amio Atua i lenei olaga, ¹³ a o tatou tulimatai atu i le mauaina o lo tatou fa‘amoemoe manuia, o le fa‘aali mai o le mamalu o lo tatou Atua silisili ma lo tatou Fa‘aola o Iesu Keriso. ¹⁴ Na foa‘i mai e Iesu o ia lava mo i tatou, ina ia togiolaina ai i tatou i le amioletonu uma, ma fa‘amamāina ai mo ia lava o lona lava nu‘u, o ē naunau e fai galuega lelei. ¹⁵ Ia e tautala atu i nei mea, ma fa‘amalosi atu i tagata ia latou faia ia mea, ma ia apoapoai/fa‘atonuina atu ma le pule uma lava. Aua ne‘i fa‘alēaogāina oe e se tasi.