¹ Ia e faamanatu atu ia te I latou ia latou gaua’i I e ua iai le pule, ma pulega uma, ia usiusitai ia te I latou, ma ia nofo sauniuni e fai galuega lelei uma. ² Aua nei upuleaga atu I se tasi, aua nei faamisa, ai ia agamalu, ia faaalia le loto maualalo I tagata uma. ³ Aua sa avea I tatou ma e valelea, ma e faalogogata. Na taitaiina ese ma faatagata o taua ina I tatou e o tatou mana’o ma tu’inanau. Na tatou ola I le leaga ma le loto fua. Na avea I tatou ma e inoino ma le feitaga’I o le tasi I le tasi. ⁴ Ae ina ua oo mai le agalelei o lo tatou Atua lo tatou faaola, ua aliali mai ai foi ma lona alofa mo tagata. ⁵ E le ona o galuega a le amiotonu na matou faia, ae ona o lona alofa mutimutivale na ia faaolaina ai I tatou. Na ia faaola mai ia te I tatou e ala mai I le faataeleina o le tagata fou ma le faafouina e le Agaga Paia. ⁶ Ua matua faamiligi tele mai ai e le Atua lona Agaga Paia I luga ia te I tatou e ala mai I le faaola o Iesu Keriso. ⁷ O le mea lea ua ta’uamiotonuina ai I lona alofa tunoa, ina ia avea I tatou ma suli ma le faamoemoe i le ola e faavavau. ⁸ E matua talitonuina lenei feau. Ou te manao ia te oe ia e matua faamalosi atu i nei mea, ina ia una’ia ai e ua talitonu I le Atua ona tuuina atu I latou I galuega lelei. O mea nei e lelei ma e aoga foi mo tagata uma. ⁹ Ia taumafai e alo ese ma finauga valea, ma tala o gafa, ma femisa’iga ma finauga e faatatau I le tulafono. O mea nei e leai se aoga ma le faatauvaa. ¹⁰ Ia tetee atu I se tasi e faatupu le fevaevaeaiga ia te outou, pe a uma ona tuu iai ni lapata’iga e tasi pe lua. ¹¹ Ua tatou iloa foi, o le tagata e liliu ese mai le mea moni ae ola I le agasala ua ia faasala o ia ia te ia lava. ¹² A ou auina atu Aretima poo Tuiko ia te oe, ia faa vave ona e sau ia te au I Nikopoli. Aua ua ou filifili ou te nofo iina I le vaitaimi o le tau malulu. ¹³ Ia e matua taumafai I lou Malosi ia auina mai Sena le loia ma Apolo, ina ia le mativa I la’ua I se mea e tasi. ¹⁴ Ia a’oa’oina o tatou tagata ina ia faamalosia I latou ona faia galuega lelei e saunia ai mo mana’oga faanatinati, ae aua nei aunoa ma se fua. ¹⁵ O loo alolofa atu I latou uma o lou matou mafuta. Ia alofa atu ia te I latou uma o loo alolofa mai ia te I matou I le faatuatua. Ia ia te outou uma le alofa tunoa.