¹ O le upu moni ou te fai atu ai i luma o Keriso. Ou te le pepelo, ua molimau mai ia a'u lo'u loto fuatia ifo ile Agaga Paia ² o loo i ai ia te au le faanoanoa tele ma le tiga e le aunoa i lo'u loto. ³ Auā ou te mafaia ona fia anatema o a'u ia te'a ma Keriso e sui a'i o'u uso, e lo'u aiga i la le tino. ⁴ O sa Isaraelū i latou. O tamafai i latou, ua ia foi le mamalu, ma feagaiga, ma sauniga o le tulafono, ma le tapuaiga, ma upu na folafolaina. ⁵ O ia te i latou tupuga mai ia te i latou foi le Keriso i la le tino, o lē pule aoao ia, o le Atua e viia e faavavau. Amene. ⁶ Ae le peiseai ua iu vale le afioga a le Atua. Auā o tagata mai ia Isaraelu, e le o Isaraelu i latou uma lava. ⁷ E lē o suli uma foi o Aperaamo o ana fanau moni foʻi. Ae peitai, "O le a valaauina au fanau, e ala mai ia Isaako." ⁸ O lona uiga lenei, o le fanau a le tino, e le o fanau a le Atua i latou. Ae peitai o fanau o i le upu ua folafolaina, e ta'ua i latou o le fanau/suli. ⁹ Auā o lenei le upu na folafolaina: " O faapenei i le la tausaga, ou te sau ai, e maua foi e Sara sana tama tane." ¹⁰ E le na o lea, a ua to foi Repeka i le tasi, o lo matou tamā o Isaako lea; ¹¹ ao lei fanau mai ana tama, a o lei fai foi e i laua se mea lelei, poo se mea leaga, ina ia tumau le finagalo o le Atua i la le filifiliga, ¹² e le ona o galuega, a ona o le na valaau mai - na fetalai atu ai te ia, "E auauna le ulumatua i le uii." ¹³ E pei ona tusia: "Ua ou alofa ia Iakopo, a ua ou 'inoino ia Esau." ¹⁴ O lenei, o le a ea sa matou upu o le a fai atu? O iai ea le amiloletonu i le Atua? Aua nei faapea. ¹⁵ Auā na ia fetalai atu ia Mose, "Ou te alofa atu i le ou te fia alofa atu iai, ou te alofa mutimutivale foi i le ou te fia alofa mutimutivale i ai." ¹⁶ O lenei, e le mai le ua manao, e le mai le ua tausinio, poo lē a e mai le Atua o lē alofa mutimutivale. ¹⁷ Auā ua faapea mai le tusi ia Farao, "O lenei lava le mea ua ou faatu ai ia te oe, ina ia ou faaalia lo'u mana ia te oe, ina ia ta'ua foi lo'u igoa i le lalolagi uma lava." ¹⁸ O lenei, e alofa ia i le ua ia finagalo i ai; a e faamaaa e ia i le ua ia finagalo i ai. ¹⁹ Ona e fai mai lea ia te a'u, " Aisea le mea e saili ai pea o ia? O ai ea e tetee atu i lona finagalo?" ²⁰ Nai lo lea, le tagata e, o ai ea oe e te tali atu ai i le Atua? E fai atu ea le mea ua liuina i lē na te faia, “Se a le mea ua e faia ai faapea iā te aʻu?” ²¹ 21 Pe e lē pule ea le fai ipu omea i le omea e fai ai i i le paluga e tasi o le tasi ipu o le mea lelei, ao le tasi o le mea faatauvaa? ²² Afai ua onosai le Atua, ma ua matuā faapalepale i ipu o le toasa ua faatatauina i le malaia, ina ua finagalo o ia e faaali mai ai lona toasa, ma faailoa mai ai lona mana? ²³ Ae faapefea pe afai na te faia lenei mea ina ia mafai ona ia faailoa atu le oa o lona mamalu i luga o ipu o le alofa mutimutivale, lea na ia saunia muamua mo le mamalu? ²⁴ Ae fa‘apefea pe ‘āfai na ia faia fo‘i lenei mea mo i tatou, o ē na vala‘auina fo‘i e ia, e lē gata i tagata Iutaia, ae atoa fo‘i ma tagata o Nuu ese? ²⁵ E pei ona fetalai mai o ia i le Hosea, " O le a ou ta'ua ou tagata/nuu e le o ni o'u tagata/so'u nuu, o lē ua alofaina sa le alofaina. ²⁶ O le mea fo‘i lea na fai atu ai ‘iā te i latou, E lē o so‘u nu‘u ‘outou, ona ta‘ua ai lea o i latou o atalii o le Atua soifua." ²⁷ Ua alaga foi Isaia ia Isaraelu, "E ui lava ina faapei o le oneone i le sami le toatele o le fanauga a Isaraelu, e faaolaina e ua totoe, ²⁸ auā o le a faataunuuina lava e Ieova lana afioga i le lalolagi atoa ma le lē faatuai”. ²⁹ E pei ona fai mai foi anamua o Isaia, "Ana le faatotoeina e le Alii o Sapaota ni fanau mo i tatou, poo ua avea i tatou e pei o Sotoma, ma faatatauina i tatou i Koromo. ³⁰ O lenei, o le a ea sa tatou upu? Ua maua le amio tonu e Nuu ese, na latou saili i le amiotonu, ole amiotonu lava lea e maua i le faatuatua. ³¹ A o Isaraelu, na saili ile tulafono o le amiotonu, e lei oo i latou i le tulafono o le amiotonu. ³² Aisea e le fai ai? Aua latou te le i sailia i le faatuatua ae peiseai o galuega. Auā na latou tausuai i le maa e tausuai ai., ³³ e pei ona tusia, "Faauta ou te tuu i Siona le maa e tausuai ai, ma le papa e tautevateva ai, e le mā foi se tasi e faatuatua ia te ia."