¹ Pe tou te le iloa ea, le au uso e, (auā ou te tautala atu i tagata ua iloa le tulafono), e pule le tulafono i le tagata i aso uma e ola ai? ² Auā o le fafine faaipoipo ua noatia i le tulafono i le tane a o ola o ia; ae afai ua oti lana tane, ona talaina lea o ia mai le tulafono o le faaipoipoga. ³ O lenei, a o ola pea lana tane, ae afai e nonofo o ia ma se tasi tane, e ta‘ua o ia o le mulilua. Ae afai e oti lana tane, ua saoloto o ia mai le tulafono, e lē mulilua foi o ia pe a nonofo ma se isi tane. ⁴ O le mea lea, o‘u uso e, ua oti foi outou i le tulafono i le tino o Keriso. Ua faapea foi ona outou faatasi ma le tasi, o lē na toe faatūina mai i ē ua oti, ina ia tatou fuaina mai ni fua i le Atua. ⁵ Auā a o tatou i ai i le tino, o tuinanauga o le agasala, na faagaeeina e le tulafono, sa galue i totonu o o tatou tino, e fua mai ai ni fua e oti ai. ⁶ Ae o lenei, ua tatalaina mai i tatou mai le tulafono. Ua tatou oti i le mea na saisaitia ai i tatou. O le mea lea ina ia tatou auauna ai i le fou o le Agaga, ae lē o le tusi tuai. ⁷ O le ā la sa tatou tala e fai atu? O le tulafono ea o le agasala? Aua nei faapea lava. Ae peitai, ou te lē iloa lava le agasala, pe ana leai le tulafono. Auā ou te lē iloa le matapeapea sei vagana ua fai mai le tulafono, “‘Aua e te manao/tuinanau.” ⁸ Ae na maua e le agasala le avanoa e ala atu ai i le poloaiga, ma ua tupu ai le tuinanau eseese ia te aʻu. Auā ana le aunoa ma le tulafono, na mate ai le agasala./ Aua ua oti le agasala, a o leai se tulafono. ⁹ Sa ou ola muamua e aunoa ma le tulafono, ae ina ua oo mai le poloaiga, ona toe ola mai ai lea o le agasala, ¹⁰ ona ou oti ai lea. O le poloaiga e aumaia ai le ola, ua oo mai ai le oti ia te aʻu. ¹¹ Auā na maua e le agasala le avanoa e ala i le poloaiga ma ou faasesēina ai. Na fasiotia a'u e ala mai i le poloaiga. ¹² E paia fo‘i le tulafono, e paia foi le poloaiga, e tonu ma lelei. ¹³ Pe na avea ea le mea lelei ma oti iā te aʻu? Ia aua lava ne'i tupu lenei mea. Ae peitai o le agasala, ina ia faaalia o le agasala, ua oo mai ai le oti ia te a‘u i le mea lelei, ma o le poloaiga e mafai ai ona avea le agasala ma agasala e le mafaitaulia. ¹⁴ Auā ua tatou iloa o le tulafono e fa‘aleagaga, a o a‘u ou te i le tino. Ua faatauina a‘u i le nofo pologa i le agasala. ¹⁵ Auā o mea ou te faia, ou te le malamalama lelei ai. Auā o le mea ou te loto i ai, ou te lē faia lava, o le mea foi ou te inoino i ai, ou te faia lava. ¹⁶ Ae afai ou te faia le mea ou te le loto i ai, ou te ioe/malilie faatasi/ma te 'au upu faatasi ma le tulafono, e lelei le tulafono. ¹⁷ A o lenei, e lē o a‘u e toe faia lea mea, a o le agasala o lo‘o nofo i totonu ia te a‘u. ¹⁸ Auā ua ou iloa, o lo‘o i totonu ia te a‘u, o lo‘o i lo‘u tino, e lē o ola ai se mea lelei. Auā ua ou loto atu /manao atu mo le lelei, ae lē mafai ona ou faia. ¹⁹ Auā ou te loto i le lelei, ae peitai ou te lē faia, ae ou o le mea leaga ua ou loto i ai, ou te faia lava. ²⁰ O lenei, afai ou te faia le mea ou te lē loto i ai, e lē o a‘u ua toe faia, a o le agasala o lo‘o nofo i totonu ia te a‘u. ²¹ O lenei, ua ou maua le tulafono lenei: Afai ou te mana‘o e fai le lelei, ua ia te a‘u le leaga. ²² Auā ou te olioli i le tulafono a le Atua faatasi ma lo‘u tagata i totonu. ²³ A ua ese le tulafono ua ou iloa i itutino o lo‘u tino. E tau faasaga i le tulafono fou i lo’u mafaufau. E ave aʻu faatagataotauaina i le tulafono a le agasala o loo i totonu o itutino o loʻu tino. ²⁴ Aue, o aʻu o se tagata pagatia! O ai na te laveaiina a'u mai lenei tino o lenei oti? ²⁵ A ia faafetai i le Atua ona o Iesu Keriso lo tatou Alii! O lenei, o aʻu lava, ua ou auauna i le tulafono a le Atua ma loʻu mafaufau. Peitaʻi, ou te auauna i lo'u tino i le tulafono a le agasala.