¹ Ia outou talia le ua vaivai i le faatuatua, a ele ina ia faamasinoina o masalosaloga. ² O le taofi o le tasi e 'aina mea uma lava; e 'aina e le ua vaivai na o mea e tutupu i le laueleele. ³ Aua nei tau faatauvaaina lē 'ai meaai uma ma le ua le 'ai, auā ne'i avea lē e lē 'ai mea uma e faamasino atu i le ua 'ai. Auā ua talia o ia e le Atua. ⁴ O ai ea oe, o oe lē faasala atu i le auauna a le tasi? E tumau ia pe paū i lona lava alii. Ae faatumauina lava ia, auā e mafaia e le Atua ona faatumau ia te ia. ⁵ O le tasi tagata, e manatu e sili le tasi aso ile tasi aso. Ao le manatu o le isi, ua tutusa aso uma lava. Ia taitoatasi ma talitonuina lona lava mafaufau. ⁶ O lē na te tausia le aso, na te tausia mo le Alii; ao lē e 'ai, e 'ai mo le Alii, ua na avatu le faafetai i le Atua. Ao ia ua le 'ai, ua ia alo ese mai le 'ai mo le Alii; ua ia faafetaia foi le Atua. ⁷ Aua e leai se tasi o i tatou e ola mo ia lava, e le oti foi se tasi mo ia lava. ⁸ Auā afai tatou te ola, tatou te ola mo le Alii, pe afai tatou te oti, tatou te oti mo le Alii. ⁹ Auā o le mea lava lea na maliu ai Keriso, ma ua toe tu mai ai, ma ua soifua ai, ina ia faia o ia ma Alii mo e ua oti atoa ma e o ola. ¹⁰ Ae o oe na, aisea e te faamasino ai lou uso? Ma oe lena, aisea e te inoino ai i lou uso? Auā tatou te tutu uma lava i luma o le nofoa faamasino o le Atua. ¹¹ Auā ua tusia, "Ou te ola a'u," ua fetalai mai ai le Alii, "e tootuli tulivae uma lava ia te a'u, ma laulaufaiva uma lava e tautau le Atua." ¹² O lenei, e taitasi i tatou ma tala i lana amio i le Atua. ¹³ O lenei, aua nei faamasinoina e le tasi le tasi, ae ia filifili le mea lea, aua nei tuu ane e se tasi se mea e tausuai ai, poo se mea e tautevateva ai lona uso. ¹⁴ Ua ou iloa ma ou mautinoa ile Alii o Iesu, e leai se mea e leaga na o ia. Ua na o ia ua manatu ua leaga le mea, ona leaga ai lea ia te ia. ¹⁵ A e afai e faatigaina lou uso i au mea e 'ai, ua e le toe amio alofa. Aua le fano i au mea e 'ai, auā o ia na maliu ai Keriso. ¹⁶ O lenei, aua nei ta'u leagaina lo outou lelei. ¹⁷ Auā o le malo ole Atua, e le o mea e 'ai ma mea e inu; ao le amiotonu ma le filemu, ma le olioli il e Agaga Paia. ¹⁸ Auā o le ua auauna atu ia Keriso i ia mea, ua fiafia i ai le Atua, ua ta'uleleia foi o ia e tagata. ¹⁹ O lenei, ia tatou tausisi i mea e tupu ai le filemu, ma mea e fefaamafanafanai. ²⁰ Aua le lepetia/faaleaga le galuega a le Atua ona o mea e ai. O mea uma e mamā, a e leaga le tagata i lē 'ai i soo se mea e avea ma mafuaaga e leaga ai se tasi. ²¹ E lelei pe a aua le 'ai i aano o manu fasi, pe inu uaina, pe fai foi se mea e leaga ai lona uso. ²² O le faatuatua ua e maua, ia faatumauina ile va o oe ma le Atua. Amuia le ua lē faasalaina o ia e ia, i le mea ua manatu o ia e tatau. ²³ Ao lē masalosalo, ua faasalaina ia pe afai e 'ai, auā e lē mai le faatuatua. Auā o mea uma e lē mai le faatuatua, o le agsala lea.