¹ Oute faapea atu, na tuulafoa'i e le Atua ona tagata? Aua ne'i faapea. Aua o a'u o le Isaraelu, o le suli o Aperaamo, o le ituaiga a Peniamina ² E le i tuulafoa'ina e le Atua ona tagata, na ia iloa mai anamua. Tou te le o iloa ea le tala a le tusi ia Elia, i lona molia o Isaraelu i le Atua? ³ "Le Alii e, ua latou fasiotia au perofeta, ua latou faaleagaina au fata faitaulaga. Ua na o a'u o totoe, ma o lo o latou saili fo'ie fasioti ia te a'u." ⁴ Ae o le a le tali a le Atua ia te ia?. "Ua ou tuuesea mo a'u tagata e fitu afe, o i latou e le i ifo faatasi atu ia Paala". ⁵ E ui i lea, e oo mai i le taimi nei, e i ai lava lelei o totoe ona o le filifiliga i le alofa tunoa. ⁶ Ae afai o le alofa tunoa, o lona uiga e le o toe fua faatatauina i galuega. Ne i le toe avea le alofa tunoa o se alofa tunoa. ⁷ O le a la?. O le mea o saili e Isaraelu, latou te le o maua, a o latou na filifilia ua latou maua, ae ua faamaaaina le tele o i latou. ⁸ E pei ona tusia: "Ua tuuina atu e le Atua ia i latou le agaga o le matamoe, e i ai mata ae le vaai, e i ai taliga ae le lagona seia oo mai i le aso" ⁹ Ona fai mai lea o Tavita, "Ia avea la latou laulau 'ai ma mailei, o se togafiti, ma ni mea faigata e fai ma taui mo i latou. ¹⁰ Ia faapogisaina o latou mata, ia latou le iloa, ina ia fa'aauau ai pea ona latou savavali ma o latou tua e faano'uno'u ¹¹ Oute faapea atu, "Na lavelavea i latou ma oo ina pa'u'u?" Talosia ia aua ne'i faapea. Ae ia avea la latou agasala, e fai ma auala e oo atu ai le faaolataga i nuuese, ma ia faalotoleagaina ai i latou. ¹² Afai o le latou agasala ua faatamaoaigaina ai nuuese, po o le a se matautia o le manuia e oo ia i tatou pe ana latou taliaina le folafolaga. ? ¹³ A o lenei o le a ou talanoa atu ia te outou nuuese, o le a lava le umi e avea ai a'u ma aposetolo i nuuese, oute mitamita lava i la'u galuega. ¹⁴ Ma oute faatupuina le loto leaga ia i latou o lo'u lava tino. Ma tatou faaolaina nisi o i latou. ¹⁵ Aua afai o le teenaina o i latou ua fai lea ma faaleleiga mo le lalolagi, pe faafefea pe ana taliaina e i latou i le ola mai le oti?. ¹⁶ Afai o ulua'i fua e paia, e faapea fo'i le laau atoa. Afai e paia a'a, e faapena fo'i i lala. ¹⁷ Ae afai ua gaui nisi o lala, afai o oe o le lala olive vao, ua faapipiina mai oe ia i latou, ma ua e maua faatasi ma i latou le manuia mai le aa o le laau o le olive. ¹⁸ Aua e te manatu faamaualuga i ona la. Ae afai e te manatu faamaualuga, e le o oe ua mafua ai le manuia o aa, ae o le aa ua e manuia ai. ¹⁹ E te faapea ifo, "Na gauia lala ina ia mafai ona faapipii atu a'u." ²⁰ E moni, ona o lo latou le talitonu na gausia ai i latou, ae na faatumauina oe ona o lou faatuatua. Aua e te faamaualuga i ou manatu, a ia e mata'u. ²¹ Aua afai e le i faasaoina e le Atua lala moni, e le faigata fo'i ona le faasaoina oe. ²² Ia outou iloa lelei le agaalofa ma le toasa o le Atua: na oo mai lona toasa i le 'au Iutaia na pa'u'u, ae na oo mai lona agaalofa i luga o outou, pe a outou tumau i lona alofa. Aua a leai, e faapea fo'i ona tipiina ese outou. ²³ E oo fo'i ia i latou, afai latou te le tumau ai pea i le le talitonu, e toe faapipiina mai i latou. Aua e mafai e le Atua ona toe faapipiina mai i latou. ²⁴ Aua afai na sala'eseina mai outou mai i le olive vao, ma faapipiina atu outou i le olive moni, e le faigata ona toe faapipiina mai lala o le olive moni. ²⁵ O'u uso e, oute le manao ina ia outou le iloa lenei mea lilo, ina ia outou le atamamai i o outou manatunatuga: Ua oo mai le faamaaaina o loto o nisi o Isaraelu, ina ia mafai ona ulufale uma mai le numera atoa o nuuese. ²⁶ Ona faaolaina uma lea o Isarelu, e pei ona tusia: "E sau mai Siona le Faaola. O le a ia aveesea le amioletonu mai ia Iakopo, ²⁷ o La'u feagaiga lea ma i latou, ina ua ou aveesea a latou agasala." ²⁸ E tusa ai ma le faamoemoe o le talalelei, o i latou o fili mo lou lelei. Ae tusa ai ma le faamoemoe o le filifiliga, e alofaina i latou ona o o latou tuaa. ²⁹ Aua o meaalofa ma le valaau a le Atua e le mafai ona toe suia. ³⁰ Aua sa outou faalogogata i le Atua, a o lenei ua outou maua le alofa mutimutivale ona o lo latou faalogogata. ³¹ O le ala lava lea e tasi aua ua faalogogata Iutaia. E i'u ina faaalia lea alofa mutimutivale ia i latou, e pei ona sa faaali atu ia te outou. ³² Aua ua avea e le Atua le faalogogata o tagata uma, e fai ma mea e faaalia ai lona alofa mutimutivale i tagata uma. ³³ Aue, i le loloto ma le oa o le poto ma le malamalama o le Atua! E mafai faafefea ona fesiligia ana faamasinoga, aua e le mafai ona tatou iloa ona ala! ³⁴ Aua o ai ua ia iloa le manatu o le Alii, po o le ua avea ma ana faufautua? ³⁵ Po o ai ua ia muamua foa'i se mea i le Atua, e tatau i le Atua ona toe totogi?. ³⁶ Aua o mea uma e aumai ia te Ia, e ui atu ia te Ia, ua ia te Ia fo'i mea uma. Ia ia te Ia le viiga e faavavau lava. Amene.