1 Ona ō mai ai lea o isi faresaio ma aoao tulafono ia Iesu mai Ierusalema. Ua latou faapea ane, 2 “Aisea ua solia ai e ou soo uputuu a toeaina? 3 Ua tali atu o ia, ua fa‘apea atu ia te i latou, “Se a foi le mea tou te soli ai le poloaiga a le Atua ona o a outou uputu‘u? 4 Auā ua fetalai mai le Atua, ‘‘Ia e ava i lou tamā ma lou tinā, i le ma lea, o lē upu leaga i lona tamā po o lona tinā. ia fasiotia lava ia. 5 A ua outou fai mai, Ai sē fai atu i lona tamā po o lona tinā, “Po o le ā lava le fesoasoani tou te maua mai iā te aʻu, o le meaalofa lea e ave i le Atua,” 6 e lē manaomia e lenā tagata ona ava i lona tamā. Ua faapea ona outou faaleaogaina ai le afioga a le Atua ona o a outou uputuu/tu ma aga. 7 O outou tagata pepelo! Ua tonu ai le valoaga a Isaia iā te outou ina ua ia faapea mai, 8 Ua ava mai lenei nuu ia te aʻu i o latou laugutu, ao o latou loto ua mamao mai ia te aʻu. 9 Ua latou tapuaʻi fua mai iā te aʻu, auā ua latou aoao atu poloaiga a tagata e fai ma a latou mataupu.’” 10 Ona vala‘au atu lea o ia i le motu o tagata, ua faapea atu ia te i latou, “Fa‘alogo mai ia ma ia malamalama; 11 E leai se mea e alu i le gutu e leaga ai le tagata; a o mea e sau mai le gutu, o le mea lea e leaga ai le tagata.” 12 Ona ō mai ai lea o le au soo ia Iesu, ‘Ua e iloa ea ua tausuai le au faresaio ina ua faalogo i lea upu? 13 Ua tali atu Iesu, ua faapea atu, “O laau uma e lei totōina e lo‘u Tama o i le lagi, e liaiina ia. 14 Tuu pea ia i latou, o taitai tauaso i latou. Afai e taitaiina e le tauaso le isi tauaso, e pauu uma i laua i le lua." 15 Ua tali atu Peteru, ua faapea atu ia Iesu, “Faamatala maia ia te i matou lenei faataoto.” 16 Ua fetalai atu Iesu, “Tou te lē i malamalama ea? 17 Tou te lē iloa ea o mea uma e ulu atu i le gutu e alu atu i totonu o le manava ma alu atu i le faleui/ma alu atu i fafo o le tino/ona lafoaiina lea i le maliuga? 18 Ae o mea e sau mai le gutu e sau mai le loto. O mea ia e leaga ai le tagata. 19 Auā e tupu mai i le loto o mafaufauga leaga, o le fasioti tagata, o le mulilua, o le faitaaga, o le gaoi, o le molimau pepelo, ma le taufaaleaga. 20 O mea ia e leaga ai le tagata. Ae o le ʻai ma lima e lei fafano, e lē leaga ai se tagata.” 21 Ona maliu ese ai lea o Iesu i lea mea, ua maliu atu i le itumalo o aai o Turo ma Saitonu. 22 Fa‘auta foi, na sau le fafine Kanana mai lea nuu. Ua alaga o ia ma faapea atu, “Le Alii e, le Alo o Tavita, ia e alofa mai ia te au! O la‘u tama ua matuā uluitinoina lava e temoni.” 23 A ua le tali atu Iesu ia te ia i se upu. Ua ō mai ona soo ma aioi mai ia te ia, ua faapea mai, “Tuu ese atu ia te ia, auā ua mulimuli mai o ia, ma alaga mai ia te i tatou.” 24 A ua tali atu Iesu, ua faapea atu, “E lei auina atu au i se tasi, tau lava o mamoe o le aiga o Isaraelu ua leiloa.” 25 A ua sau o ia ma ifo i ona luma, ua faapea mai, "Le Alii e, ia e fesoasoani mai ia te au. Ua tali atu o ia, ua faapea atu, 26 “E lē tatau ona ave areto a le fanau ma lafo i taifau.” 27 Ua fai mai o ia, “Ioe, le Alii e, a e oo lava i taifau laiti e aai i mea e pauu mai i laulau a o latou matai.” 28 Ona tali atu lea o Iesu, ua fa‘apea atu ia te ia, “Funa e, ua tele lou fa‘atuatua; ia faia ia te oe e pei ona e manao ai." Sa faamaloloina lana tama teine mai lena lava itula. 29 Ua tuua e Iesu lea mea ma alu atu i tafatafa o le Sami o Kalilaia. Ona alu ae lea o ia i le mauga ma nofo ai. 30 Ua ō mai iā te ia le motu o tagata e toatele. Ua latou aumai foi o ē ua afaina vae/aao/feoai i tootoo, o ē tauaso, o ē gugu, ma ē pipili atoa ma isi e toatele o ē mamai. Sa latou tuuina atu i latou i vae o Iesu, ma sa ia faamaloloina i ai latou. 31 Ona ofo ai lea o le motu o tagata ina ua latou vaai atu i tagata gugu ua tautala, o ē pipili ua faamaloloina, o ē pipili ua savavali, o ē tauaso ua pupula. Na latou vivii atu i le Atua o Isaraelu. 32 Ua valaau atu Iesu i ona soo ina ia latou o mai ia te ia, ua faapea atu, “‘Ua ou alofa i le motu o tagata, auā ua tolu aso talu ona latou nonofo ma a‘u, ae leai foi ni a latou mea e ai; ." 33 Ona fai mai lea o ona soo ia te ia, O fea tatou te maua ai ni areto i le mea tuufua faapea e maoona ai le motu o tagata e toatele? 34 Ua fetalai atu Iesu ia te i latou, E fia a outou areto? Ua fai mai i latou, E fitu, ma nai i'a laiti. 35 Ona fetalai atu lea o Iesu i le motu o tagata e nonofo i lalo/taooto i lalo. 36 Ua tago o ia i areto e fitu ma i‘a, ua faafetai, ona tofitofi ai lea o areto ma avatu i le au soo. Na tufatufa atu e le au soo i le motu o tagata. 37 Ua aai tagata uma ma ua maoona. Ona latou faaputuina lea o ato e fitu ua tumu i mea na totoe. 38 O ē na aai e fa afe o tane, ae lei faitaulia fafine ma tamaiti. 39 Ona tuuina atu lea e Iesu o le motu o tagata e ō, ona maliu ae lea o ia i le vaa ma alu atu i le itumalo/nuu o Makatala