¹ Ona o lea mea, o a‘u o Paulo, o lē ua noanoatia ia Keriso Iesu ona o outou o Nuu ese, ² ou te manatu ua outou faalogologo i le sauniga o le alofa tunoa o le Atua na tuuina mai ia te au mo outou. ³ Na faailoa mai ia te au le mea lilo e ala i le faaaliga, e pei ona ou tusia i ni upu itiiti/puupuu. ⁴ Pe a outou faitau i lenei mea, o le a outou malamalama ai i loʻu iloa i lenei mea lilo e uiga iā Keriso. ⁵ E lei faailoaina mai foi lenei mea lilo i le fānauga a tagata i isi tupulaga. A o lenei ua faaalia mai e le Agaga i ana aposetolo paia ma perofeta. ⁶ O lenei upu moni na lilo, o tagata o Nuu ese o suli, ma o itutino faatasi ma le tino, ma ua latou maua le folafolaga iā Keriso Iesu e ala i le tala lelei. ⁷ Auā ua avea a‘u ma auauna o lenei tala lelei o le meaalofa o le alofa tunoa o le Atua na foa‘iina mai iā te a‘u i le galuega a lona mana. ⁸ Ia iā te a‘u, e ui lava o a‘u o le aupito itiiti i le au paia uma a le Atua, ua tuuina atu lenei alofa tunoa, e talai atu ai i Nuu ese le oa o Keriso e lē masuesueina, ⁹ ma faailoa mai i tagata uma le fuafuaga, o le mea lilo na natia i le tele o tausaga e le Atua, o lē na faia mea uma lava. mea. ¹⁰ O lenei fuafuaga na faailoa mai e ala i le ekalesia ina ia iloa ai e alii sili ma faipule i mea o i le lagi le uiga tele o le poto o le Atua. ¹¹ Ua tupu lenei mea e tusa ma lona finagalo talu anamua lava, na ia faataunuuina ia Keriso Iesu lo tatou Alii. ¹² Auā o Keriso ua tatou maua ai le lototele ma le faalatalata ma le mautinoa, ona o lo tatou faatuatua iā te ¹³ ia. O le mea lea ou te fai atu ai iā te outou, aua nei faavaivai ona o o‘u puapuagā ona o outou, o lo outou mamalu lea. ¹⁴ O le mea lea ou te tootuli ai i le Tamā, ¹⁵ o lē ua faaigoa ai aiga uma i le lagi ma le lalolagi. ¹⁶ Ou te tatalo ina ia foaiina mai e ia iā te outou, e tusa ma le tele o lona mamalu, ia faamalosia outou i le mana e lona Agaga, oi le tagata o loo i totonu o outou. ¹⁷ Ou te tatalo ina ia nofo Keriso i o outou loto e ala i le fa‘atuatua, ma ia mauaa ma faavaeina outou i lona alofa, ¹⁸ ina ia mafai ai ona outou malamalama faatasi ma le au paia uma o le Atua, po o le ā le lautele, le umi, ma le maualuga, ma le loloto, ¹⁹ ma ia iloa le alofa o Keriso, e sili atu nai lo le iloa, ina ia faatumuina outou i le tumu uma o le Atua. ²⁰ O lenei, ia iā te ia o lē na te mafaia ona faia mea silisili i mea uma tatou te ole atu ai ma mafaufau i ai, e tusa ma lona mana o lo‘o galue i totonu ia te i tatou, ²¹ ia iā te ia le viiga i le ekalesia atoa ma Keriso Iesu i tupulaga uma e faavavau faavavau lava. Amene.