¹ O lenei, o a‘u foi, o lē ‘ua noanoatia ona o le Alii, ou te aioi atu iā te outou ia outou sāvavali e tusa ma le vala‘au na vala‘auina ai outou. ² Ou te aioi atu iā te outou, ia outou nonofo ma le loto maulalo, ma le agamalu, ma le onosa‘i, ma ia onosai i le alofa. ³ Ia outou faia le mea sili ina ia tausia le lotogatasi i le Agaga i le noataga o le manuia. ⁴ E tasi le tino, e tasi le Agaga, faapeio na valaauina o outou i le faamoemoe e tasi ua valaauina ai outou. ⁵ E tasi le Alii, e tasi le faatuatuaga, e tasi le papatisoga, ⁶ e tasi le Atua, o le Tamā foi lea o tagata uma lava, o lē pule i mea uma lava, o le ua i ai i mea uma lava, o loo i totonu foi ia te outou uma. ⁷ A ua foa‘iina mai iā te i tatou ta‘ito‘atasi o le alofa tunoa e tusa ma le fua o le meaalofa a Keriso. ⁸ E pei ona fai mai o le Tusi, “Ina ua afio a‘e o ia i le mea maualuga, na ia taitai faatagataotaua le tāfeaga, na ia foa‘i atu fo‘i meaalofa i le nu‘u.” ⁹ O le a le uiga o le "na afio a'e," vagana ai na alu ifo foi o ia i vaega maualalalo o le lalolagi? ¹⁰ O lē na alu ifo, o le tagata lava lea na afio a‘e i luga a‘e o le lagi uma, ina ia fa‘atumuina e ia o mea uma lava. ¹¹ Na tuuina mai e Keriso foi nisi e fai ma aposetolo, o isi e fai ma perofeta, o isi e faievagelia, o isi foʻi e fai ma faifeʻau ma faiaoga/aʻoaʻo, ¹² ina ia faaauupegaina ai le au paia o le Atua mo le galuega o le auaunaga, mo le atiina aʻe o le tino o Keriso, ¹³ seʻia oo atu i tatou uma i le lotogatasi i le faatuatua. ma le iloa o le Alo o le Atua, ma oo i le fua o le ua matua, e tatau ma le tumu o Keriso. ¹⁴ Ua fa‘atupuina i tatou e Keriso ina ia lē toe avea i tatou ma fanau e felafoa‘iina e peau, ua aveina e matagi uma o a‘oa‘oga, ma togafiti a tagata i a latou togafiti fa‘a‘ole‘ole. ¹⁵ Ae ia tautala i le mea moni ma le alofa, ia tatou tutupu aʻe i mea uma lava iā te ia, o le ulu lava ia, o Keriso lea. ¹⁶ O Keriso fo‘i na te atiina a‘e le tino uma, e faapipi‘iina ma fusia faatasi i itu tino taitasi, ae a galulue fa‘atasi vaega taitasi, ona tupu ai lea o le tino, ina ia ati a‘e ai o ia lava i le alofa. ¹⁷ O le mea lea, ou te fai atu ai ma tautino i lenei mea i le Alii, e lē tatau ona outou toe savavali faapei o Nuu ese, i le valea o o latou mafaufau/loto. ¹⁸ Ua fa‘apouliuligia i latou i lo latou malamalama, ua fa‘ateaeseina i le ola o le Atua, ona o le valea o lo‘o i totonu iā te i latou, ona o le ma‘a‘a o o latou loto. ¹⁹ Ua latou lē mā ma ua latou tuʻinanau i latou lava, ma ua latou faia mea leaga uma ma le matapeʻapeʻa. ²⁰ Ae e lē o le auala lenā na e aʻoaʻoina ai outou i le mataupu iā Keriso. ²¹ Ou te manatu foi ua outou fa‘alogo iā te ia, ma ua a‘oa‘oina outou iā te ia, faapei o le upu moni iā Iesu. ²² Ua aoaoina foi outou ina ia tuu ese mea o lo outou olaga na muai ola ai, ia to‘ese le tagata tuai. O le toeaina lea e leaga ona o ona tu’inanau taufaavalea. ²³ Ua a‘oa‘oina foi outou ia faafouina i le agaga o o outou mafaufau, ²⁴ ma ia oofu i le tagata fou ua faia i le fa‘atusa o le Atua, i le amiotonu ma le paia. ²⁵ O le mea lea, ia lafoaʻi le pepelo, ma ia outou taitoatasi ma tautala faamaoni i lē la te tuaoi, auā o itutino lava i tatou o le tasi i le isi. ²⁶ A outou ita, aua le agasala ai. Aua ne'i goto le la o e ita pea ²⁷ Aua neʻi tuuina atu e outou se mea e mautu ai le tiapolo. ²⁸ O lē na gaoi, aua nei toe gaoi. Ae lelei ina faamalosi o ia i galuega a ona lava lima o i mea e aoga, ia maua e ia se mea e avatu i le ua mativa. ²⁹ Aua neʻi alu atu se upu leaga mai i o outou gutu. Faaaogā na'o upu e lelei e ati ae/fa'amafanafana ai i latou o lo'o mana'omia, 'ina ia fa'afiafiaina ai ē o loo fa'alogologo. ³⁰ Aua foi tou te fa‘atigā i le Agaga Pa‘ia o le Atua, auā o ia na fa‘amaufa‘ailogaina ai outou mo le aso o le togiola. ³¹ Ia tuu ese le loto ita uma, ma le lotoa, ma le ita, ma le misa, ma le tauemu, atoa ma mea leaga uma lava. ³² Ia agalelei le tasi i le isi, ia agamalu, ia fefaamagaloai, faapei ona faamagaloina outou e le Atua ia Keriso.