¹ O ona po ia, na faatoateleina ai le au soo, na faitio ai o Elenisi Iutaia agai i le au Eperu, auā ua galo o latou fafine ua oti a latou tane i le tufatufaina/tufaaga o le fesoasoani i aso taitasi. ² Na valaau e le toasefulu lua le motu o tagata o ē ua mulimuli atu iai latou/ua avea ma soo ma faapea atu, "E lē tatau ona matou tuua o le afioga a le Atua a e tufatufa i oloa. ³ Le au uso e, ia outou filifili i ni tagata se toafitu mai ia te outou, o i latou ua tauleleia, faatumuina e le Agaga ma le poto, ia matou tofia i latou i lenei faiva. ⁴ A o i matou, matou te finafinau i le tatalo/talotaloga ma le faiva o le upu/auauna i le upu. ⁵ Sa fiafia le motu o tagata i la latou tala/upu. Na latou filifili ia Setefano, o lē ua tumu i le faatuatua ma le Agaga Paia, ma Filipo, ma Pokoro, ma Nikanora, ma Tinona, ma Pamena, ma Nikolao o le Anetioka sa lotu i le lotu a sa Iuta. ⁶ Na latou tuu atu i latou i luma o le au aposetolo, ona tatalo lea, ma faaee o latou lima i o latou luga. ⁷ Ua tupu foi le upu/afioga a le Atua, ua matuā faatoateleina le au soo i Ierusalema, o le toatele foi o ositaulaga ua anaana/usitai i le faatuatua. ⁸ A o Setefano, ua tumu o ia i le alofa tunoa ma le mana, ua na faia vavega ma faailoga tetele i luma o tagata. ⁹ Ae na tutu mai lea o isi o le sunako e ta'ua o le sunako o tagata saoloto. o Kurene foi, ma Alesania, ma i latou mai Kilikia ma Asia. Ua fefinauai ma Setefano. ¹⁰ Ae ua le mafaia foi e i latou ona tetee atu i le poto ma le Agaga ua na tautala atu ai. ¹¹ Ona latou totogi ai lea o nisi tagata ina ia fai atu, "Na matou faalogo ia Setefano o loo tautala o ia i upu faifai ia Mose ma faasaga tau atu i le Atua." ¹² Na latou faaoso i tagata, o toeaina, ma le au tusiupu, ma latou o atu ia Setefano ma pue ia te ia ma auina atu o ia i luma o le fono. ¹³ Na latou aumai ni molimau pepelo, ua latou faapea atu, " O lenei tagata e le mafai ona taofi/mapu lona tautala atu i upu e faasagatau ai lenei nofoaga paia ma le tulafono. ¹⁴ Na matou faalogo foi ua ia fai mai o lenei Iesu o Nasareta o le a ia faaumatia lenei mea ma sui ai tu na tuuina mai e Mose ia te i tatou." ¹⁵ O i latou uma na nonofo i le fono, ua pulatoa uma atu ia te ia ma latou iloa ai ona foliga, ua peiseai o se foliga o se agelu.