¹ Ao le tasi tagata e igoa ia Anania, maSafaira lona toalua, na ia faatau atu le fanua, ² ae na ia taofia se vaega o le tupe o le tau o le fanua (na iloa foi e lona toalua) ma ia aumaia le isi vaega ma tuu atu i vae o le au aposetolo ³ A ua fai atu Peteru, Anania, aisea ua faatumu ai e Satani lou loto e te pepelo ai i le Agaga Paia ma e tuu ai ma oe se vaega o le tau o le fanua? ⁴ Ao tumau le fanua e lei faatauina, e lei tumau pea o lau mea totino, ae ina ua uma ona faatau, e lei lalo pea o lau pule? Aisea ua e tuu ai i lou loto e te faia lea mea? E te lei pepelo i le tagata ao le Atua. ⁵ Ua faalogo Anania i nei upu, ona pau ai lea o Anania i lalo ua to lana manava, ona oo ai lea o le mata'u/fefe tele i ai latou uma o e na faalogo i nei mea. ⁶ Ona tūtū lea i luga o taulelea ua aui ia te ia ma ave i fafao ua tanu ai. ⁷ O le maea ai ole tolu o itula, na sau ai lana avā, sa ia leiloa le mea na tupu. ⁸ Na fai atu Peteru ia te ia, "Sei tau mai lava poo ua faatau lo oulua fanua ae pe fia foi sona tau." Na ia tali atu, "Ioe, mo le tau tele lava." ⁹ Ona faapea atu lea o Peteru ia te ia, "E faapefea ona oulua loto gatasi e tofotofo i le Agaga o le Alii? Titilo, o loo tutū i le faitotoa vae o tamaloloa/tane na tanu i lou toalua, latou te ave/amo foi ia te oe i fafo." ¹⁰ Na faafuasei ona pau o ia i lalo i ona vae ma to lana manava. Na ulufale mai taulelea, na latou iloa ai ua oti o ia, ma latou amo/ave ia te ia ua tanu i autafa/tafatafa o lona toalua. ¹¹ Ua oo foi le matau/fefe tele i le ekalesia uma lava ma i latou uma o e na faalogo i nei mea uma. ¹² E tele faailoga ma vavega na faia e lima o le au aposetolo i luma o le nuu. Sa latou faapotopoto uma i le faapaologa o Solomona. ¹³ Ao isi tagata, ua leai se lototele e faatasi atu ai ma i latou, ae peitai, ua faaaloalogia/viia i latou e tagata. ¹⁴ Ua atili ai ona faaopoopoina e le Alii ē ua talitonu/faatuatua, e toatele o tamaloloa/tane ma fafine, ¹⁵ ua oo foi ina latou amo/fata/aveina o i latou e mamai ma faataooto i luga o fata/moega ma nofoa/fala, ina ia lafoia le ata o Peteru i nisi o i latou pe a ui ane o ia. ¹⁶ Na o mai foi le motu o tagata mai aai ua vagavagai o Ierusalema, ua latou aumaia tagata mamai ma i latou ua ua tigaina i agaga leaga, ma ua faamaloloina uma i latou. ¹⁷ Ae ua tu i luga le ositaulaga sili, ma i latou uma na ia te ia (o le itu aiga lea a le au Satukaio): ma ua matuā matataua lava i latou/ matuā leaga o latou loto ¹⁸ ma latou pue atu foi i le au aposetolo ma tuu atu ia te i latou i le falepuipui o le nuu. ¹⁹ Na tatala e le agelu a le Alii faitotoa o le falepuipu i le po ma taitai i latou i fafo, ma faapea atu, ²⁰ "O atu ia, ina tutu i le malumalu ma tautala atu i tagata i upu uma o lenei olaga. ²¹ Ua latou faalogo i ai, ona latou ulufale lea i le malumalu i le tafa o ata ma a'oa'o atu. Ona o sau ai lea o le ositaulaga sili ma i latou sa ia te ia ma faapotopoto le fono, o toeaiina uma o le fanauga a Isaraelu, ona auina atu lea o nisi i le falepuipui ina ia aumaia le au aposetolo. ²² Ua oo atu auauna i le falepuipui ae latou te lei maua i latou, na latou toe foi ma tau iai latou, " ²³ Na matou maua le falepuipui o loo tapunia lelei ma o loo tutu foi leoleo i le faitotoa, na matou tatalaina, ae leai se isi na matou maua i totonu." ²⁴ Ua faalogo i nei upu le taitai o le au o le malumalu, atoa le au ositaulaga sili, ua latou matuā fememeai poo le a se mea e oo iai nei mea. ²⁵ Na sau ai lea o le tasi tagata ua faapea atu iai latou, " O tagata na outou tuu i le falepuipui o loo tutu i le malumalu i latou ma a'oa'o atu i tagata." ²⁶ Ona alu lea o le ta'ita'i 'au, o ia ma auauna, ua taitai mai ia te i latou, a e lei faia ma le faamalosi ; aua ua fefefe i latou i le nuu, ina nei fetogia i latou i maa. ²⁷ Ua latou taitai mai ia te i latou, ona tuu atu ai lea i luma o le fono. Ona fesili mai lea o le ositaulaga sili ia te i latou, ²⁸ ua faapea mai, "Pe na matou le matuā fai atu ea ia te outou ia soia le toe a'oa'o i lena igoa? Faauta foi, ua outou faatumu i Ierusalema i a outou aoaoga ma outou fia faaoo mai i luga ia i matou le toto o lena tagata." ²⁹ Ona tali atu lea o Peteru ma le au aposetolo, " E tatau ona matou usitai i le Atua ae le o tagata. ³⁰ O le Atua o matou tamā na faatuina a'e Iesu, o lē na outou fasiotia i lo outou faatautau i le laau. ³¹ Na aveina o ia e le Atua ma tuu i lona aao taumatau ina avea o ia ma Perenise ma Faaola, ina ia salamō Isaraelu ma faamagaloina o agasala. ³² O matou o molimau i nei mea uma, atoa foi ma le Agaga Paia, o lē ua foaiina e le Atua mo i latou e usiusitai/anaana ia te ia." ³³ Ina ua faalogo ai le fono atoa, ona matua ita/lotoa tele ai latou ma latou mananao e fasioti i le au aposetolo. ³⁴ Ae o le Faresaio e igoa ia Kamalielu, o le faiaoga o ia o le tulafono na faaaloalogia e tagata uma, na ia tulai i le fono ma poloaia/faatonu i latou e tuuina atu i latou i fafo seia toe itiiti ane. ³⁵ Na ia fai atu iai latou, "Outou Isaraelu e, toe mafaufau lelei poo le a la outou mea o loo manatu e fai i nei tagata. ³⁶ Ae lei oo mai i nei aso, na tulai mai ai Tiuta, sa fai atu o ia o se tasi o tagata taua, ae toatele tagata na auai/faatasi/mulimuli ia te ia, e tusa ma le fa selau. Na fasiotia o ia ao i latou na mulimuli ia te ia, na faataapeapeina ma e leai se mea na mau. ³⁷ Ua mavae lea tagata, na tulai mai Iuta o Kalilaia i aso o le tusigaigoa ma na iai foi tagata na ia taitai eseina. Na fasiotia foi o ia ao oi latou uma na mulimuli ia te ia na faataapeapeina. ³⁸ O lenei ou te fai atu ia te outou, faamamao mai outou mai nei tagata, tuu ai pea i latou, afai o galuega nei a tagata, o le a faatoilaloina/e faaumatia ia.. ³⁹ Ae afai e tupu mai le Atua, e le mafai ona e faatoilaloina i latou, ina nei e iloa mulimuli ane o loo e tau faasaga i le Atua." Na faamalieina o latou loto. ⁴⁰ Ona latou aami lea o le au aposetolo, ua sasa i ai latou ma faatonu i latou e aua nei toe tautala atu/tautau atu le igoa/suafa o Iesu ma tuu atu loa latou e o. ⁴¹ Na o ese i latou mai luma o le fono ua olioli ina ua tauaogaina i latou ia faaleagaina ona o lona suafa. ⁴² Ua le mapu foi i latou i aso uma, ona a'oa'o atu i totonu o le malumalu ma lea fale ma lea fale o le tala lelei o Iesu Keriso