¹ A o tautala atu Peteru ma Ioane i tagata, ona ō mai ai lea ia te i laua o faitaulaga ma le taitaiau o le malumalu atoa ma le au Satukaio. ² Ua matuā atuatuvale i latou, ona ua aoao atu Peteru ma Ioane i tagata ma talai atu le toetū mai ia Iesu nai ē ua oti. ³ Ua latou pupue iā i laʻua ma tuu atu i le falepuipui seʻia oo i le taeao, auā ua afiafi lava. ⁴ E toatele o e na falogologo i lue upu ua talitonu latou; o le aofai foi o tagata fa‘atuatua e tusa ma le lima afe. ⁵ Ua o‘o i le aso na sosoo ai, ona fa‘apotopoto ai lea i Ierusalema o o latou ali‘i, o toeaina, ma le au tusiupu. ⁶ Sa i ai Ana le ositaulaga sili, ma Kaifa, ma Ioane, ma Alesana, atoa uma lava ma le i latou uma o le aiga o le ositaulaga sili. ⁷ Ua tu‘u atu e i latou Peteru ma Ioane i o latou luma, ona latou fesili atu lea, “O le ā le mana, ma le igoa/suafa o ai, ua oulua fai ai lenei mea?” ⁸ Ona faapea atu lea o Peteru ia te i latou, ua tumu o ia i le Agaga Pa‘ia, “O outou alii o le nu‘u ma toeaina, ⁹ afai ua fa‘amasinoina i maua i le aso nei i le mea lelei na faia i le tagata ma‘i, ¹⁰ pe na fa‘apefea foi ona fa‘amaloloina lenei tagata, ia iloa e outou uma, atoa ma le nuu uma o Isaraelu, o le suafa o Iesu Keriso le Nasareta, o lē na outou faasatauroina, a o lē na toe faatuina e le Atua nai e ua oti. ¹¹ O Iesu Keriso o le maa lenei na faaleaogaina e outou tufuga fai fale, a ua avea ma tulimanu aupitoaluga. ¹² E leai foi se tasi ua iai le faaolataga, e leai lava se isi igoa i lalo o le lagi ua foaiina mai i tagata e mafaia ona faaolaina ai i tatou.” ¹³ Ua va‘ai atu i latou i le lototetele o Peteru ma Ioane, ua iloa fo‘i o i laua o tagata e lei aoaoina, ona ofo ai lea o i latou, ina ua latou iloa o Peteru ma Ioane sa fa‘atasi ma Iesu. ¹⁴ Auā na latou va‘aia le tagata na faamaloloina o loo tu fa‘atasi ma i latou, ua le mautali i latou. ¹⁵ Ae ina ua uma ona latou faatonuina le au aposetolo e o ese mai le fono, ona latou fetautalatalaʻi ai lea. ¹⁶ Ua latou faapea ane, “O le ā se mea tatou te faia i nei tagata? Auā ua faia e i latou se faailoga uiga ese, ua iloa foi lenei mea i tagata uma o loo nonofo i Ierusalema, e lē mafai foi ona tatou faafitia. ¹⁷ Ae peitai ina nei alualu ona salalau i le nuu, ia tatou matuā lapataia i latou e aua nei toe tautala atu i se tasi i lenei igoa.” ¹⁸ Ona aami atu lea ia te i laua ma vavao atu, ‘aua lava ne‘i tautala pe a‘oa‘o atu i le suafa o Iesu. ¹⁹ A ua tali atu Peteru ma Ioane ua fa‘apea atu ia te i latou, Pe tonu i luma o le Atua ona ma faalogo ia te outou, a e ma te le faalogo i le Atua, ina filifili/faamasino ia outou. ²⁰ Aua ma te le mafaia ona le tautala i mea ua ma vaai i ai ma faalogo i ai. ²¹ Ina ua uma ona toe lapataia atili Peteru ma Ioane, ona latou tuu atu lea o i laua e ō. Ua lē maua e i latou se alofaga e fa‘asalaina ai i latou, auā ua vivii atu tagata uma i le Atua ona o le mea ua faia. ²² O le tagata na faia ai lenei fa‘ailoga o le fa‘amaloloina, ua sili atu i le fa sefulu ona tausaga. ²³ Ua faasaolotoina i lāua, ona ō atu ai lea o Peteru ma Ioane i o la tagata, ma ta‘u atu mea uma na fai atu ai le au ositaulaga sili ma toeaina iiā te i laua. ²⁴ Ua fa‘alogo ai i latou, ona latou alalaga atu lea i le Atua ma le loto e tasi, ua faapea atu, “Le Ali‘i e, na e faia le lagi, ma le lalolagi, ma le sami, ma mea uma lava o i ai. ²⁵ O lē na fetalai mai i le fofoga o lau auauna o Tavita, "Aisea ua lilivau/feita ai Nuu ese, ma mafaufau ai nuu/tagata i mea e lē aogā?" ²⁶ Ua outou fai ane, Ua faapotopotoina tupu o le lalolagi, ua faapotopoto foi faipule e tetee atu i le Alii ma lona Keriso. ²⁷ 27 Aua e moni lava, o Herota ma Ponotio Pilato, ma tagata o Nuu ese ma tagata o Isaraelu, na faapotopotoina i latou i lenei aai e tetee atu i lau Auauna paia o Iesu, o lē na e faauuina. ²⁸ Ua latou faapotopoto faatasi e faia mea uma na e finagalo i ai i lou aao ma lou finagalo. ²⁹ 29 O lenei, le Alii e, ia e silasila mai i la latou lapataiga ma foai mai i au auauna e tautala atu i lau afioga ma le loto tele. ³⁰ Ua faaloaloa mai lou aao e faamalolo ai ma ia e faia faailoga ma mea ofoofogia e ala i le suafa o lau Auauna paia o Iesu.” ³¹ Ua uma ona tatalo i latou, ona luluina ai lea o le mea na potopoto ai i latou, ma ua faatumuina i latou uma i le Agaga Paia, ona latou tautala atu ai lea i afioga a le Atua ma le lototele. ³² 32 Ua tasi lava le loto ma manatu/agaga o ē na faatuatua uma lava. E leai se tasi na fai mai o mea uma ua ia te ia, o ana lava ia, ae sa tutusa uma i latou. ³³ Ua folafola atu foi e le au aposetolo ma le mana tele la latou mau i le toe tu mai o le Alii o Iesu, ma ua i o latou luga uma lava le alofa tunoa tele. ³⁴ 34 E leai foi se tasi o i latou na mativa i se mea, auā o i latou uma na i ai fanua po o fale, na latou faatau atu, ua aumai tupe o mea na fa‘atauina ³⁵ ma tuu atu i vae o le au aposetolo, ona tufatufa atu ai lea i tagata taitoatasi e tusa ma o latou lava manaomia. ³⁶ 36 O Iosefa, ua faaigoaina e le au aposetolo o Panapa, (o lona uiga pe a faamatalaina o le Alo o le Faamafanafanaga), o le sa Levī, o le tagata Kuperu, ³⁷ ua faatau atu e ia lona fanua ma ua ia aumaia le tupe ma tuu mai i le au aposetolo.