¹ Na o ae faatasi Peteru ma Ioane i le malumalu ile itula e fai ai le tatalo, o le itula lea e tolu i le afiafi. ² Na ave foi le tasi o tagata ua pipili talu ona fanau mai o ia, ma amo atu i le faitotoa o le malumalu ua igoa o le Matagofie. Na tuuina o ia e i latou iina i aso taitasi, ina ia faatoga atu o ia, i ai latou e ulu atu i le malumalu mo se meaalofa/tupe. ³ Ina ua ia vaaia Peteru ma Ioane o ulufale atu i le malumalu, na ia fesili iai laua mo se meaalofa/tupe. ⁴ Ona pulatoa atu lea o Peteru ma Ioane ia te ia, ma faapea atu, "Vaaia mai ia te i maua." ⁵ Na tilotilo/vaai atu foi le tamaloa ua pipili iai laua, ma lona faamoemoega e maua mai se mea i ai laua. ⁶ Ae peitai ua faapea ane Peteru, " E le o i ai maua se siliva ma se auro, ao le mea ua ia te a'u, ou te avatua lea ia te oe. I le suafa o Iesu Keriso le Nasareta, savali." ⁷ Ona ia tago lea i lona lima taumatau, ua faatulai e Peteru ia te ia ma na faafuasei lava ona faamalosia o ona vae ma ona tapuvae. ⁸ Ua oso ia i luga ma tu, ua amata foi ona savali; ma ua ia ulu faatasi atu ma Peteru ma Ioane i totonu ole malumalu, o loo savali o ia, ma oso, ma vivii atu i le Atua. ⁹ Na iloa uma mai o ia e tagata o loo savali atu ma vivii i le Atua. ¹⁰ Na latou iloa o le tamaloa lea sa faatoga/fesili i tagata mo se meaalofa i le faitotoa o le malumalu o Matagofie; ua matuā ofo ai i latou ma ua segia ai o latou mauli i le mea ua oo ia te ia. ¹¹ Ao pipii mau pea o ia ia Peteru ma Ioane, ua tamomoe mai tagata uma i totonu o le faapaologa e igoa o le faapaologa o Solomona, ua ofo tele. ¹² Ina ua vaai atu iai Peteru, na ia tali atu i tagata. " "O outou tagata Isaraelu e, aisea tou tou te ofo ai i lenei mea? Aisea foi tou te pulatoa mai ai ia te i maua, peiseai o so maua mana ma sa maua amio Atua ua savali ai lenei tagata? ¹³ O le Atua o Aperaamo ma Isaako, ma le Atua o tatou tamā, ua tuuina atu e ia le mamalu i lana auauana o Iesu. O ia na outou tuuina atu ma outou faafiti ia te ia i luma o Pilato, ina ua manatu o ia e tatalaina ia te ia. ¹⁴ Na outou faafiti i lē Paia ma lē Amiotonu, ae peitai ua outou fai atu ina ia tuuina atu ia te outou lē fasioti tagata. ¹⁵ Na outou fasioti foi i le Alii ole ola, o ia na toe faatuina mai e ua oti - ae na molimau iai matou i lena mea. ¹⁶ Ona o le faatuatua i lona suafa, o lona suafa foi ua faamalosia ai lenei tagata, ua outou vaavaai i ai, ma outou iloa. O le faatuatua e ala atu ia Iesu ua foai atu ia te ia lenei malosi atoatoa i lona tino i o outou luma uma lava. ¹⁷ O lenei, le au uso e, ua ou iloa na outou faia ma le lē iloa e faapea foi o outou alii. ¹⁸ A o ia mea ua muai faailoa mai e le Atua i fofoga/gutu o perofeta uma lava, e tigā lana Keriso, ma ua faapea lava ona faataunuuina. ¹⁹ O lenei ia outou salamō, ma outou liliu, ina ia soloiesea a outou agasala, ²⁰ ina ia oo mai ai o tausaga e filemu mai luma o le Alii, ina ia tuuina mai e ia le Keriso o lē na tofia mo oe, o Iesu. ²¹ O ia lava e toatasi e tatau ona talia e le lagi seia oo i le taimi o le toe fuataina o mea uma lava, o mea lava ia na fetalai ai le Atua mai aso ua tuanai/aso anamua i fofoga o ana perofeta paia. ²² Aua na fai mai lava Mose, ' O le ā faatuina e le Alii le Atua se perofeta e pei o a'u mai se isi o outou uso. Ia outou faalogo i mea uma e fai atu ai o ia te outou. ²³ O tagata uma o le nuu o le a le faalogo i lena perofeta, o le a faaumatia uma mai i latou. ²⁴ Ioe, ma perofeta uma e afua mai ia Samuelu ma i latou na mulimuli mai ia te ia, na latou folafola ma faailoa mai aso nei. ²⁵ O outou o atalii/fanau outou o le au perofeta ma le feagaiga na faia e le Atua ma o tatou tuaa, e pei ona ia fetalai atu ia Aperaamo, o so o lau fanau e manuia uma ai aiga o le lalolagi. ²⁶ Ina ua maea ona faatuina e le Atua lana auauna, na ia muamua ona auina atu o ia ia te outou, ina ia faamanuia ia te outou i le faaliliueseina o outou taitasi mai a outou amio leaga.