¹ Ua latou filifili matou te folau I Italia, ua latou tuu Paulo ma nisi pagota I lalo o le ta’ita’iga a se tasi o taitai o le toaselau e igoa ia Iulio, o se tasi o le ‘au fitafita. ² Ua matou folau atu mai Atamutiu, e ui ane i gataifale o Asia. Ua matou folau faatasi foi ma Aritako mai Maketonia. ³ Ua matou taunuu I le aai o Saitonu I le aso na sosoo ai, ua agalelei mai foi Iulio ia Paulo ma ua ia tuu atu ia te ia e mafuta ma ana uo ma talia lo latou alofa. ⁴ Ua toe faaauau la matou folauga I le itu I sasa’e o Kuperu, e latalata ane I lea motu ona ua agi malosi mai le matagi ia te I matou. ⁵ Ona matou folau lea ma ua matou latalata atu I le gataifale o Kilikia ma Pafulia. Ua matou taunuu I Mura o se aai I totonu o Lukia. ⁶ O iina na maua ai e le ta’ita’I o le toaselau se vaa mai Alesania o le a folau atu I Italia. Ua ia tuu atu iai matou. ⁷ Ua mavae atu aso e tele sa matou folau malie ai, ua matou taunuu ane e latalata I Nitoi ae ua faafaigata ona matou taula ona o le malosi o le savili, ona matou toe folau lea I le itu Mauga o Kereta, e faafesagai ma Salemone. ⁸ Ua matua faigata ona matou folau e latalata ane I le gataifale seia matou taunuu atu I se tasi nofoaga ua ta’ua o lagi matagofie, ua latalata ane I le aai o lasea. ⁹ Ua tele se taimi ua alu I folauga, ua ma’ea foi le tausamiga a le au Iutaia, ma ua matua faigata lava ona toe folau. Ona faufautua lea o Paulo ia te I latou. ¹⁰ Ua fai atu o ia, “alii e, ou te vaai atu o le folauga lea o le a tatou sauni atu ai, o le a feagai ai tatou ma manu’aga ma o le a tele ni mea o le a maumau, e le gata I oloa I luga o le vaa, aemaise ai lo tatou ola. ¹¹ A ua sili atu ona faalogo le taitai o le toaselau I le pule o le vaa nai lo upu na tautala mai ai Paulo. ¹² Aua a oo I le tau malulu, e le faigofie ona nonofo ni vaa I luga o le uafu. Ma na fautuaina alii feoa’I vaa e folau ese mai I lea nofoaga, a ia taumafai I soo auala lava ia oo I Foinie e nonofo ai mo le vaitau malulu. O Foinie o se uafu I totonu o Kereta, ma e faasaga I le itu I matu ma le itu I saute. ¹³ Ina ua agi mai le matagi mai le itu I saute, ua manatu ai alii feoa’I vaa ua latou maua le mea tonu lava na latou mananao ai. Ona latou aveese lea o le taula ma folau atu loa I Kereta e latalata ane I le matafaga. ¹⁴ Ua mavae sina taimi, o se savili e pei o le malosi o se afa, ua igoa o le Matu I Sasa’e, ua amata ona agi mai I luga o le motu. ¹⁵ Ina ua taia le vaa e le afa, ua le mafai ai ona agai atu I le itu o loo agi mai ai le matagi, na I’u ina matou le gafatia loa ma ua fetosoa’ina solo ai e le matagi. ¹⁶ Ua matou folau e latalata ane I le itu mauga o le motu itiiti ua igoa ia Kalauta, ma na matou maua ai se vaa faaola e ui I le faigata. ¹⁷ Ina ua latou sisi ane le vaa faaola I luga, ona latou faaogaina lea o maea e saisai ai le tino o le vaa. Ua fefe I latou nei fetosoa’ina I latou e agai atu I oneone o Saiti, o le ala lea ua latou tuutuu ane ai I lalo le taula. ¹⁸ Na matua matou faalogoina le saua o le agi mai o le afa ma amata ai loa ona tau’ai I lalo le uta a le vaa I le aso na sosoo ai. ¹⁹ O le aso lona tolu, na lafo ai I lalo e le auvaa meafaigaluega ma meatotino a le vaa I o latou lava lima. ²⁰ Ua amata ona leai se faamoemoe o le a faaolaina I matou, ina ua mavae atu aso e tele, ae lei vaaia lava le susulu mai o le la ma fetu. Ae o loo agi malosi mai pea le afa I o matou luga. ²¹ Ina ua latou le taumafa mo se taimi umi, ona tulai lea o Paulo nai le auvaa ma faapea mai, “alii e, sa tatau ona outou faalogo mai ia te a’u, ia aua nei tatou folau ese mai Kereta, ina ia le oo ai nei manu’aga ma nei mea ua maumau. ²² O lea out e aioi atu ai ia outou lototetele, aua o le a leai se ola e maumau, sei vagana ai le faaleagaina o le vaa. ²³ Aua foi na faaali mai anapo le agelu a le Atua le e ona a’u, ma le ou te tapuai ai, na tu mai lana agelu I o’u tafatafa. ²⁴ Ua faapea mai, Paulo, Aua e te fefe. Aua e tatau ona e tulai I luma o Kaisara, ia e iloa foi, o le Atua I lona agalelei ua ia foai atu ia te oe o I latou uma ua folau ma oe. ²⁵ O lea ia outou fiafia ai le au uso e, aua ou te talitonu I le Atua o le a faataunuuina lava e pei ona ia fetalai mai ai ia te au. ²⁶ Ae o le a tatou pa’ulia I se tasi o motu. ²⁷ Ina ua oo I le po lona sefulu ma le fa, ua tosoina I matou I le itu o loo iai le vasa o Ateria, ua oo ile tu lua o po ma ao, ae ua manatu le auvaa ua latou latalata I se motu. ²⁸ Ua latou fua le loloto o le sami ma maua mai ai e 120 futu, ina ua mavae atu sina taimi ona latou toe fua lea ma maua mai ai pe a ma le 90 futu le loloto. ²⁹ Ua latou popole ina nei matou fetoai ma ni maa, ona latou lafo lea o ni taula se 4 mai ptio I tua o le vaa ma ua latou tatalo ina ia vave ona oo mai le taeao. ³⁰ Ua saili e le auvaa se auala e sosola ese ai ma le vaa ona latou tuutuu ifo lea o le vaa faaola I lalo I le sami. ua latou lafo foi le taula ia peiseai na lafo mai I le pito I luma. ³¹ A ua faiatu Paulo I le alii o le toaselau ma le au fitafita, “A le nonofo I latou nei I luga o le vaa, e le mafai ona faaolaina outou.” ³² Ona tipi lea e le fitafita manoa sa saisai ai le vaa faaola ma tuuina e tafea ese atu. ³³ Ina ua tafa mai ata o le taeao, ua tauanau foi e Paulo I latou uma ina ia taumafa. Ua ia faapea au, o le aso lona sefulu ma le fa lenei ua outou faatali ai ae le taumafa. ³⁴ Ou te aioi atu ia te outou ia outou tufatufa a outou meaai. Aua e aoga e faaolaina ai outou. Aua e leai se tasi o outou o le a maumau se laulu I lona ulu. ³⁵ Ua ia faiatu nei upu, ona ia tago ai lea I le falaoa ma faafetai I le Atua ao vaavaai atu iai o tagata uma. Ua ia tofitofi le falaoa ma amata loa ona ‘ai. ³⁶ Ua faamalosia I latou uma ona latou aai ai lea. ³⁷ E toa 276 tagata sa I luga o le vaa. ³⁸ Ina ua latou maoona, ua latou lafo le saito I le sami ina ia faamama ai le vaa. ³⁹ Ina ua oo ile taeao, ua latou le iloa atu le eleele matutu, a ua latou iloa atu le matafaga. Ma ua latou talatalanoa pe mafai ona latou ave le vaa I lea nofoaga. ⁴⁰ Ona latou tipi ese ai lea o le taula ma tuu ai I le sami, I le taimi lava lea ua latou tatala ai manoa o le foeuli ma tuu ifo I luga le taumua I le matagi, ona latou agai atu lea I le matafaga. ⁴¹ A ua latou oo mai I se nofoaga e fetaui ai ala matagi e lua, ona pa’ulia ai lea o le vaa. Ua mau foi le pito I luma o le vaa I lea mea ma ua mausali lava. A ua malepe le pito I tua o le vaa ona o le malolosi o galu. ⁴² Na manatu fitafita e fasioti uma pagota ina ia aua nei aau ese se tasi ma sola ese ai. ⁴³ A ua manao le taitai o le toaselau e laveai ia Paulo, ona ia taofi ai lea I le latou fuafuaga ma ua ia faatonuina ai I latou uma o e mafai ona aau e agai atu loa I le eleele matutu. ⁴⁴ Ona mulimuli atu lea I tua o nisi o taulelea, o nisi o loo mau I laupapa o le vaa, ao isi I luga o nisi vaega o le vaa. Na I’u ai lava ina taunuu ma le manuia mai I matou uma I luga o le matafaga.