¹ Ina ua matou sao mai, ona matou iloa ai lea o le motu e ta'ua o Malta. ² Na agalelei mai le motu o tagata ia tei matou, ua latou faia le afi ma valaaulia i matou uma, ona o le timu ma le malūlū tele. ³ A o fa'aputu e Paulo ia fafie ma tu'u luga o le afi, na sau ai le gata ona o le vevela ma ua ū lona lima. ⁴ Ina ua vaa'ia e tagata o le motu le gata o tautau i lona lima, sa latou faiatu le tasi i le isi, "O le tagata lenei e mautinoa lava o se fasioti tagata, e ui lava sa sao mai le sami, ae le'i fa'atagaina o ia e le Faamasinoga ona ola o ia." ⁵ Ae na lulu ese i ia le gata i le afi, ma e le'i afaina ai o ia. ⁶ Sa latou fa'atalitali pe fufula lona tino pe fa'afuasei foi ona pa'ū ma oti. Ae ina ua umi lava na latou matamata e leai lava se mea na afaina ai o ia, ona sui ai lea o latou manatu ma fa'apea ane o ia o le atua. ⁷ O lo'o i ai i lea nu'u fanua o le ali'i sili i lea motu, e igoa ia Publius. Na ia taliaina ma tausi lelei i matou mo aso e tolu. ⁸ Na o'o foi i le tama o Publius sa taoto o ia i le ma'i o le fiva ma le manava tātā. Ua alu fo'i Paulo, tatalo, pa'i atu ona lima iā te ia, ma malōlō ai o ia. ⁹ Ina ua mavae atu lea mea, ona omai ai fo'i isi tagata mama'i o le motu ma fa'amalōlōina. ¹⁰ Na fa'aaloalo mai fo'i tagata ia i matou i le tele o mea. Ina ua matou sauni e malaga ese, na latou aumai mea sa matou mana'omia. ¹¹ Ina ua mavae le tolu masina, sa matou folau atu i se va'a mai Alexandria, sa taula i le motu i le taumalulu, ma o lo'o iai o "atua masaga" i lona taumua. ¹² Ina ua matou taunu'u i le aai o Surakusa, sa matou nonofo ai mo aso e tolu. ¹³ Ona matou folau lea ma taunu'u atu i le aai o Phegium. Ua mavae le tasi aso, ua fa'afuasei ona agi mai le matagi i saute, ma i le lua o aso na matou taunu'u atu lea i le aai o Puteoli. ¹⁴ I inā na matou fetaui ai ma ni uso ma valaaulia i matou e nonofo mo le fitu aso. O le ala lea na matou o'o atu ai i Roma. ¹⁵ O inā , ina ua fa'alogo uso e uiga ia i matou, na latou omai e feiloai ma i matou i le maketi o Appius ma Three Taverns. Ina ua vaai atu Paulo i uso, ua lototele o ia ma fa'afetai atu i le Atua. ¹⁶ Ina ua matou ulufale i Roma, sa fa'atagaina Paulo e nofo na o ia ma le fitafita e leoleoina o ia. ¹⁷ I le mavae o le tolu o aso, na valaauina e Paulo ia ali'i e ta'ita'i i totonu o Iutaia. Ina ua latou potopoto mai, sa ia fa'apea atu ia tei latou, "Uso e, e ui lava oute le'i agasala i le nu'u poo tu masani a o tatou tuaā, ae sa tu'uina atu a'u o se pagota mai Ierusalema i lima o Roma. ¹⁸ Ina ua uma ona fesiligia a'u, sa latou manana'o e fa'asa'oloto au, aua e leai se mafuaga e tatau ai le fa'asalaga oti i la'u mataupu. ¹⁹ Ae ina ua tete'e tagata Iutaia i lo latou mana'o, sa fa'amalosia atu e saili ia Kaisara, e ui e leo ou alu e molia lo'u nuu. ²⁰ O le mafuaaga lea na ou valaauina ai outou, ina ia ou vaai ma talanoa atu iā te outou, aua o le fa'amoemoe o Isaraelu ua saisaiina ai au i nei filifili. ²¹ Ona latou faimai lea iā te ia, "E leai ni tusi na matou maua mai i Iutaia e uiga iā te oe, ma e leai fo'i se tasi o uso na sau ma fa'ailoa mai se tala leaga e uiga iā te oe. ²² Ae matou te fia fa'alogo atu iā te oe i ou manatu e uiga lenei vaega, aua ua matou iloa e tete'e atu i latou i nofoaga uma. ²³ Ina ua latou fa'atonu le aso mo ia, e to'atele tagata na omai iā te ia. Na ia fa'amatala le mataupu iā i latou, ma molimau atu i le malo o le Atua. Na ia taumafai e fa'amaonia atu iā i latou mea uma e uiga ia Iesu, e ala i le tulafono a Mose ma perofeta, mai le taeao se ia o'o i le afiafi. ²⁴ O nisi na talitonu i mea na fai mai ai, a'o nisi e le'i talitonu. ²⁵ Ina ua latou le malilie i le tasi i le isi, sa latou ō ese ina ua uma ona fai atu e Paulo lenei upu e tasi: "Na sa'o le tautala a le Agaga Paia e ala mai ia Isaia le perofeta i o outou tamā. ²⁶ "Na ia fai mai. 'Inā alu atu ia i lenei nu'u ma fai atu, "E fa'alogologo pea outou ae le malamalama lava; e va'avaai foi i ai outou ae le iloa lava." ²⁷ Aua ua fa'avaivai loto o lenei nu'u, ma ua punitia o latou taliga i le fa'alogo, ma ua tauaso o latou mata. Pe afai latou te vaai moni i o latou mata, fa'alogo i o latou taliga, ma malamalama i o latou loto, ona liliu ai lea o i latou, ma ou fa'amalōlōina i latou." ²⁸ O le mea lea, ia outou iloa ua auina atu lenei fa'aolataga a le Atua i tagata o nu'u ese, ma o le ā latou fa'alogo. ²⁹ "Ina ua uma ona ia fai atu nei upu, sa o ese le au Iutaia. Sa matuā feeseesea'i i latou. ³⁰ Sa nofo Paulo mo le lua tausaga atoa i lona lava fale mautotogi, ma sa talia ma agalelei i ē uma na omai iā te ia. ³¹ Sa folafola atu le malo o le Atua ma a'oa'o atu i mea e uiga i le Ali'i o Iesu Keriso ma le lototele e aunoa ma se taofia.