¹ Ona fai mai lea o Akeripa ia Paulo, “E mafai ona e tautala mai oe mo oe lava.” Ona faaloaloa atu lea e Paulo o lona lima, ma tali atu. ² “Le tupu e Akeripa e, ua ou fiafia e tuu atu la‘u finauga i ou luma i le asō i nei i tuuaiga uma a Iutaia, ³ aemaise ua sili foi lou silafia i tu ma suesuega/fesili uma a Iutaia. O lea ou te aioi atu ai ia te oe, ia e faafofoga mai ia te au ma le onosai. ⁴ E moni, ua iloa e tagata Iutaia uma loʻu ola mai i loʻu talavou i loʻu lava nuu ma Ierusalema. ⁵ Na latou iloa a‘u talu mai le amataga, pe afai latou te loto e tautino mai, sa ou ola o se Faresaio, o le vaega e pito sili ona saua o la tatou tapuaiga. ⁶ O lenei ua ou tulai atu nei ina ia faamasinoina a'u ona o lou faamoemoe i le folafolaga a le Atua i o tatou tamā. ⁷ O le folafolaga lenei ua faamoemoe o tatou ituaiga e sefulu ma le lua e maua, a o latou tapuai ma le naunau i le Atua i le po ma le ao, ae o le faamoemoe foi lea, le tupu e, ua molia ai a‘u e tagata Iutaia. ⁸ Aisea le mea ua outou manatu ai e lē mafai e le Atua ona toe faatutuina ē ua oti? ⁹ O lenei, e moni, o aʻu lava na ou manatu e tatau ona ou faia mea e tele i le suafa o Iesu le Nasareta. ¹⁰ Na ou faia nei mea i Ierusalema. Na ou lokaina i le falepuipui le toatele o tagata paia o le Atua i le pule na ou maua mai i le au ositaulaga sili; ma ina ua fasiotia i latou, sa ou palota faasaga ia te i latou. ¹¹ Na ou faasalaina i latou i le tele o taimi i sunako uma ma ou taumafai e faamalosi i latou i upu leaga. Na ou matuā ita lava iā i latou ma na ou sauaina i latou e oo lava i aai ese. ¹² A o ou faia lenei mea, ona ou alu atu ai lea i Tamaseko ma le pule ma poloaiga a le au ositaulaga sili; ¹³ ao ou agai atu i le ala i le tutonu o le ao, le tupu e, na ou iloa ai le malamalama mai le lagi e sili atu lona pupula i lo le la, ma ua susulu faataamilo mai ia te a'u atoa ma tagata na matou malaga faatasi. ¹⁴ Sa matou pauu uma i le eleele, ona ou faalogo atu ai lea i le leo ua fetalai mai, o loo fetalai mai i le gagana Eperu, ‘Saulo, Saulo e, aisea ua e saua mai ai ia te a‘u? O le mea faigata ia te oe ona e aa i se tui.' ¹⁵ Ona ou fai atu lea, "Le Alii e, o ai ea oe? ‘Ua tali atu le Ali‘i, ‘O a‘u o Iesu o lē ua e sauaina. ¹⁶ O lenei, tu ia i luga; aua o le mea lea na ou faaali atu ai ia te oe, ina ia tofia oe e fai ma auauna ma molimau i mea ua e iloa nei e uiga ia te a‘u, atoa ma mea ou te faaali atu ai ia te oe i se taimi mulimuli ane; ¹⁷ ou te laveaiina mai foi oe mai i nuu ma tagata o Nuu ese o le a ou auina atu i ai oe, ¹⁸ ina ia pupula o latou mata, ma liliu ese mai le pouliuli i le malamalama, ma le pule a Satani i le Atua, ina ia maua e i latou mai le Atua le faamagaloina o agasala. agasala ma le tofi ou te tuuina atu ia i latou o e ua faapaiaina i le faatuatua ia te au. ¹⁹ O le mea lea, le Tupu e Akeripa, ou te lei le usiusitai i le faaaliga vaaia faalelagi; ²⁰ ae peitai, na ou avatu le feau ia te i latou i Tamaseko, ona mulimuli ai lea i Ierusalema, ma le nuu uma o Iutaia, atoa ma tagata o Nuu ese, ia latou salamō ma liliu atu i le Atua, ma faia galuega e tatau ai ona salamō. ²¹ O le mea lea na pue mai ai e tagata Iutaia ia te a‘u i le malumalu ma taumafai e fasioti ia te a‘u. ²² O le mea lea ua ou maua ai le fesoasoani mai le Atua e oo mai i le asō, ma ou te tu atu foi ma molimau atu i tagata laiti ma e matutua e uiga i se mea e tasi e sili atu i le mea na fai mai ai le au perofeta ma Mose o le a taunuu - ²³ e tatau ona puapuagatia Keriso, ma o le avea o ia ma tagata muamua na toetu mai le oti, o le a ia folafola atu ai le malamalama i o tatou lava tagata ma Nuuese.” ²⁴ Ao tau faauma atu le tali a Paulo, ae ua fai atu lea o Feso ma le leo tele, “Paulo e, ua e valea; o le tele o lou suesue/aoaoina ua e faavalevalea ai. ²⁵ A ua fai atu Paulo, “Le alii e, Feso e, ou te lē valea, ae ou te tau atu le upu moni ma le faamasinoga tonu. ²⁶ Aua ua silafia e le tupu nei mea uma, o lea ua ou tautala atu ai ma le lototele ia te ia, auā ua ou mautinoa e lē o se mea o ia mea ua natia mai ia te ia; aua na le faia faalilolilo lenei mea. ²⁷ Le tupu e Akeripa, e te talitonu i perofeta? Ua ou iloa lava ua e talitonu.” ²⁸ Ona fai mai lea o Akeripa iā Paulo: Pe e te faaliliuina ea a'u e avea ma Kerisiano i se taimi puupuu? " ²⁹ Ona fai atu lea o Paulo: “Ou te tatalo i le Atua, pe puupuu pe umi foi le taimi, ae aua lava nei na o oe, ae aofia ai i latou uma foi o e faalogo/faafofoga mai ia te a‘u i lenei aso, ia latou faapei o a'u, a ia aunoa ma nei filifili o le falepuipui.” ³⁰ Na tulai lea o le tupu, ma le alii kovana, faapea ma Perenike, ma e sa nonofo faatasi ma i latou; ³¹ ua tuua e i latou le maota, ona latou fetautalatalai ai lea, ua fa‘apea ane, “E le i faia e lenei tagata se mea e tatau ai le oti, po o se fusifusia/noanoataga.” ³² Ona fai atu lea o Akeripa ia Feso, “Semanu e fa‘asaolotoina lenei tagata pe ana le valaau o ia ia Kaisara.”