¹ O ona po ia, na iai Apolo i Korinito, na ui atu ai Paulo agai i nuu maualuluga ona oo lea i Efeso; ua na iloa ai isi soo iina. ² Ona fai atu lea o Paulo ia te i latou, "Na outou maua ea le Agaga Paia ina ua outou faatuatua?" Na latou fai mai ia te ia, "Leai, matou te lei faalogo lava i le Agaga Paia." ³ Ona fai atu lea o Paulo ia te i latou, "Pe na papatisoina outou i le a? Ua fai mai i latou, "O le papatisoga a Ioane." ⁴ Ona tali atu lea o Paulo, Na papatiso Ioane ile papatisoga o le salamo. Ua fai atu ile nuu ia faatuatua i latou i le mulimuli mai o le Keriso o Iesu lea." ⁵ Na faalogo i ai latou, na papatisoina i le suafa o le Alii o Iesu. ⁶ Ua faaee atu foi e Paulo ona lima ia te i latou, ona oo lea o le Agaga Paia ia te i latou; ona latou tautala lea i gagana eseese ma perofeta i latou. ⁷ O ia tagata uama pe toasefulu ma le lua i latou/tamaloloa/alii. ⁸ Ua ulufale foi Paulo i le sunako, ma lauga faamalosi atu, ma tautalatala ma faaoleole la i latou i mea a le malo o le Atua, i masina e tolu. ⁹ A ua loto fatu nisi, ma ua le talitonu o upu leaga mai i lenei lotu i luma o le toatele; ona alu ese lea o ia ia te i latou, ma ua vavae ese le au soo, ua tautalatala o ia i lea ma lea aso i le fale a'oga o le tasi tagata ia Turano. ¹⁰ E lua tausaga na faia lenei mea, o lea na faalogo ai i le afioga le Alii o Iesu o i latou uma lava e ua nonofo i Asia, o Iutaia atoa ma Eleni. ¹¹ Ua faia foi e le Atua o vavega sili i lima o Paulo, ¹² o lea ua avea ai solosolo ma le tali otaota nai lona tino i e mamai, ona mavae ai lea o latou ma'i, ua ō i fafo foi ia te i latou agaga leaga. ¹³ Ona faamalosi lea o isi o le au taulaitu Iutaia, o e na feoai i lea ala. Na latou valaau atu i le suafa o le Alii o Iesu ina ia mafai ona latou maua le pule i agaga leaga ina ua latou faapea atu, “O Iesu lea ua folafola mai e Paulo, ou te poloai atu ai ia te outou ina ia outou o mai i fafo.” ¹⁴ Ua faia foi lenei mea e atalii e toafitu, o le faitaulaga sili, o lona igoa o Seva. ¹⁵ A ua tali mai le agaga leaga, ua faapea mai, " Ua ou iloa Iesu, ua ou iloa foi Paulo, a o ai ea outou na?" ¹⁶ Ona oso mai ai lea o le tagata ua iai le agaga leaga ma faatoilalo ma sasa ia i latou. Ona latou sōsōla ai lea i fafo o lea fale ua lē lavalavā ma manuʻa. Na iloa lenei mea e tagata uma, o Iutaia ‘atoa ma Eleni, o ē na nonofo i Efeso. ¹⁷ Sa matuā fefefe i latou, ma sa faamamaluina le suafa o le Alii o Iesu. ¹⁸ Ua o mai foi i latou e toatele o e ua faatuatua ma faaali mai ma ta'u mai a latou amio. ¹⁹ E toatele foi e na fai togafiti faatalulaitu na faapotopoto e i latou a latou tusi, ma susunu ai i tagata uma; ona latou faitau lea i a latou faatusa, ua iloa ai ua lima sefulu o afe o tupe ario. ²⁰ O lea ua matuā tupu tele ai ma ua manumalo le afioaga a le Alii. ²¹ Ua mavae ia mea, ona tuu lea e Paulo i lona loto, a uma ona ui ane i Maketonia ma Akaia, e alu i Ierusalema, ua faapea o ia, A mavae ona ou i ai, e tatau ona ou asiasi i Roma." ²² Ona aauina atu lea e Paulo i Maketonia tagata e toalua o e na auauna ia te ia, o Timoteo ma Erato. Ae sa nofo o ia i Asia mo sina taimi. ²³ E tusa o ia ona po sa leai se vevesi itiiti i Efeso e uiga i le Ala. ²⁴ O le tasi tufuga fai ario e igoa ia Temetiu, o lē na faia malumalu ario o Tiana, na ia maua ai le tele o oloa mo tufuga. ²⁵ Ona fa‘apotopotoina lea e ia o ē galulue i lea galuega, ma fai atu, “Ali‘i e, ‘ua ‘outou iloa o lenei pisinisi tatou te maua ai tupe e tele. ²⁶ Ua outou vaai ma fa‘alogo foi, e lē gata i Efeso, ‘ae toetoe lava i Asia uma, ‘ua fa‘aoleole ma fa‘aliliu‘eseina e lenei Paulo tagata e to‘atele. Fai mai o ia o atua na faia e lima e le o ni atua. ²⁷ E lē gata ina ta‘uleagaina la tatou galuega, a ‘ia ta‘uleagaina fo‘i le malumalu o le atua fafine sili o Tiana, e fa‘aumatia fo‘i lona mamalu, o lē ‘ua tapua‘i i ai Asia uma ma le lalolagi.” ²⁸ Ua fa‘alogo i latou i lenei mea, ona matuā feita ai lea o i latou, ma ‘alaga atu, “E sili lava Tiana o Efeso.” ²⁹ Ua tumu le ‘a‘ai uma i le fememea‘i, ‘ona feosofi atu lea o tagata ma le loto e tasi i le fale mata‘aga. ‘Ua latou pu‘eina fo‘i le ‘au malaga a Paulo, o Kaio ma Aritako, o ē na ō mai mai Maketonia. ³⁰ Na manao Paulo e ulufale atu i le motu o tagata, ae na taofia o ia e le au soo. ³¹ E lē gata i lea, o nisi o alii sili o le itumalo o Asia, o ē na avea ma ana uō, na latou auina atu se feau iā te ia e ʻaiʻoi atu iā te ia e aua neʻi alu i le fale mataʻaga. ³² Ua alalaga isi tagata i le tasi mea, a o isi i le isi mea, auā ua fememeai le motu o tagata. O le toatele o i latou e lei iloa pe aiseā na latou ō mai ai. ³³ Na fautua atu nisi o le motu o tagata iā Alesana, o lē o loo uunaʻia e tagata Iutaia. Ona talotalo atu lea o Alesana i lona lima, ua manao e tali atu i le faapotopotoga. ³⁴ Ae ina ua latou iloa o ia o le Iutaia, ona alalaga lea o i latou uma pe tusa ma le lua itula ma le leo e tasi, ua faapea mai, “E silisili lava Tiana o Efeso.” ³⁵ Ua fa‘afilemu e le failautusi o le aai le motu o tagata, ona fai atu lea o ia, “Tagata Efeso e, o ai se tagata e lē iloa o le ‘a‘ai o Efeso o le leoleo lea o le malumalu o Tiana le sili ma le tupua na paū ifo mai le lagi? ³⁶ O lenei ona ua le mafai ona upueseina fo‘i nei mea, e tusa ona outou nonofo sa'o, ma ia aua le soona fai se mea. ³⁷ Auā ua taitai mai e outou nei tagata, e le ni e fao i mea sa, pe upu leaga i latou i lo outou atua fafine. ³⁸ O le mea lea, ‘āfai e molia e Temetiu ma le ‘au tufuga o lo‘o iā te ia se tasi, ua tatala le fa‘amasinoga ma o lo‘o i ai fo‘i suikonesula. Ia latou molia le tasi i le isi. ³⁹ Ae afai tou te toe saʻilia se isi mea, e ao ona foʻia i le faapotopotoga masani. ⁴⁰ Auā e ono molia i tatou i le vevesi i le asō, ma e leai se mea e mafai ona tatou faia e taʻutonuina ai lenei vevesi.” Ina ua ia fai atu nei upu, ona ia tuu atu lea o le faapotopotoga.