¹ Ua te'a atu le vavao tele, ona aami atu lea e Paulo o le 'au soo ma ia faamalosi atu ia i latou, ua ia faamavae ona ia tuua ai lea o i latou ae malaga atu i Maketonia. ² Na ui atu o ia i le tele o ia atunuu ma ia tautala i ai i le tele o Upu faamalosi, ona taunuu ai lea o ia i Eleni. ³ Ina ua mae'a le 3 masina o i ai pea o ia, sa lamatia o ia i se fuafuaga a nisi o Iutaia a o tapena atu o ia e malaga atu i Suria, o le ala lea na toe fo'i ai ma ui atu i Maketonia. ⁴ Na malaga o ia i Asia ma Sopata le Perea, o ia o le atalii o Purou. O Aritako ma Sekuno mai Tesalonia, ma Kaio le Teipe, ma Timoteo, faapea ma Tuiko ma Tofimo mai Asia ⁵ Na muamua atu i latou ma faatali mai i matou i Teroa ⁶ Na matou folau ese mai Filipi ina ua maea aso o le areto e le faafefeteina, ona matou o ai lea i Teroa i le aso lona lima, ma matou nonofo ai mo aso e fitu. ⁷ Ina ua matou potopoto faatasi mai i le aso muamua o le vaiaso e tofitofi le areto. ona lauga lea o Paulo i le au uso talitonu. Na i ai le fuafuaga e malaga ese Paulo i le aso e sosoo ai, ona faaumiumi lea o lana lauga seia oo i le vaeluaga o le po. ⁸ E tele moli i le afeafe aupitoaluga na matou potopoto ai. ⁹ Na nofo i luga o le faamalama se alii talavou o Eutiko lona igoa, ma ua moe gase. Ua umi le lauga a Paulo, ae o lo o moe lava le alii talavou lenei, ona pa'u ifo ai lea o i ai mai i le fogafale tolu, ma e si'i atu ua oti o ia. ¹⁰ Ona alu ifo lea o Paulo, ua fao i luga ma fusi mai o ia. Ma ia faapea atu, "Aua le faanoanoa outou aua o lo o ola o ia. " ¹¹ Ona toe fo'i lea o Paulo i le fogafale i luga ma ia tofitofi ai le areto ma aai. Na talanoa i latou se'ia oo ina ao ona fato'a alu ese ai lea o ia. ¹² A ua fiafia i latou ina ua latou aumai le taulealea o lo o ola o ia, ¹³ Na matou malaga muamua atu ia Paulo i le vaa, ona matou folau ese atu ai lea i Aso, ma o lo o matou fuafua e matou te malaga faatasi ai ma Paulo. O le manaoga lea o Paulo na i ai, ona o lo o malaga ane o ia i uta i le laueleele. ¹⁴ Ina ua matou feiloa'i i Aso, ona matou aumaia lea o ia i luga o le vaa, ma matou malaga faatasi ai ma ia i Metelo. ¹⁵ Na matou folau ese mai ai lea, ma matou taunuu i le aso na sosoo ai i le motu o Kioi. O le isi aso na sosoo ai na matou taunuu ai i le motu o Samo, a o le isi aso na sosoo ai na matou taunuu ai i le taulaga o Metelo. ¹⁶ Na manatu Paulo matou te folau lau ae aua ne'i afe i Efeso, ina ia aua ne'i i ai se taimi e nofo ai i Asia, ona sa taumafai o ia ina ia taunuu i Ierusalema i le aso o le Penetekoso, pe a mafai. ¹⁷ Na ia auina atu nisi mai Meleto e o atu i Efeso e aami toeaiina o le ekalesia ¹⁸ Ina ua latou o mai, ona ia faapea atu lea ia te i latou, "O lo o outou iloa lelei, e mai lava i le aso muamua na ou taunuu mai ai i Asia, e tele lo'u taimi na ou mafuta atu ai ia te outou ¹⁹ Na faaauau ona ou auauna pea i le Alii ma le loto maualalo ma loimata, faapea fo'i i taimi o faigata na tutupu ona o le tau faamata'u mai o le 'au Iutaia ²⁰ Tou te iloa lelei oute le taofia se mea aoga mai i le faailoa atu ia te outou, faapea fo'i lo'u a'oa'o pea ia te outou i mafutaga tetele faapea fo'i mai lea fale i lea fale ²¹ ma ou molimau atu i le 'au Iutaia ma Eleni e uiga i le salamo i luma o le Atua, faapea le faatuatua atu i le Alii o Iesu. ²² Ae vaai outou, oute alu i Ierusalema ona o le faamalosi mai o le Agaga, ae oute le iloa po o le a se mea o le a tupu ai ²³ se i vagana ai le molimau mai o le Agaga Paia ia te a'u, o lo o faatali mai le lokaina ma puapuaga e oo ia te a'u i aai uma ²⁴ Ae oute le o toe manatu e i ai se taua o lo'u ola ia te a'u, ae pau le tulaga taua ia mae'a la'u tamo'ega, ma faataunuuina ato'atoa lo'u valaauina na ou maua mai i le Alii o Iesu, ina ia ou molimau atu le talalelei o le alofa tunoa o le Atua. ²⁵ Silasila fo'i, oute iloa o le toatele o outou sa faapea ona ou alu atu i ai ma tala'i atu i ai le malo o le lagi, o le a le toe vaai mai ia te a'u ²⁶ O lea oute molimau atu ai ia te outou i lenei aso, e mama a'u mai le toto o outou uma ²⁷ Aua oute le'i taofia ona ou faailoa atu ia te outou le finagalo atoatoa o le Atua. ²⁸ O lenei, ia outou faaetete outou ia te outou, e faapea fo'i le lafu mamoe na tofia ai outou e le Agaga Paia e vaavaai. Ia tausia ma le faaetete le ekalesia a le Atua ²⁹ Oute iloa lelei pe a ou tuua outou, o le a o mai luko fe'ai i totonu ma latou faaleaga le lafu ³⁰ E oo fo'i lava i nisi lava o outou, o le a tula'i mai i latou ma latou faaseseina le mea moni ina ia faaseseina ai le au soo, mai le mulimuli atu ia te outou. ³¹ Ia outou mataala, Ia outou manatua le tolu tausaga oute le i malolo ai, i lo'u talanoa atu taitoatasi ia te outou ma loimata i le po ma le ao ³² O lenei, oute tuuina atu outou i le Atua ma le Upu o lona Alofa Tunoa, e mafai ai ona atia'e outou, ma outou maua le 'oa mo'i latou uma ua faamamaina. ³³ Oute le'i mana'o i se siliva, auro po o se lavalava a se isi o outou ³⁴ Ua outou iloa lelei, o lo o tali lava i o'u lava lima o'u manao, faapea ma manaoga o i latou o galulue ma a'u ³⁵ Na 'ou faataitai atu mea uma ia te outou, pe faafefea ona outou fesoasoani atu ia i latou vaivai, i la outou auaunaga, pe faafefea fo'i ona outou manatua le upu a le Alii Iesu, lana upu na ia faapea mai ai : "E sili atu le manuia o le foa'i, i lo o le na te talia". ³⁶ Ina uauma ona ia tautala atu ia i latou, ona toatuli lea o ia ma tatalo ma i latou ³⁷ Na matua fetagisi i latou, ma latou fusi ma kisi atu ia te ia ³⁸ Na matua lagona e i latou uma le tiga ona o lana tala, o le a faapea ona latou le toe vaaia ona foliga, ona latou faamavae atu lea ia te ia i le vaa.