¹ Ua mavae atu nei mea ona tuua lea e Paulo o Atenai ma agai atu i Korinito. ² O iina na la fetaui ai ma le tagata Iutaia e igoa ia Akula, na fanau i Pono, faatoa sau mai Italia ma lana avā o Pisila, aua na faatonuina e Kalaotio ia o ese uma tagata Iutaia mai Roma. Na alu atu Paulo ia te i laua, ³ ona ua tasi foi le latou galuega/faiva , na ia nonofo faatasi ma i laua ma galue, aua o lo latou faiva o le fai fale ie. ⁴ Na lauga Pauli i totonu o le sunako i Sapati uma, ma taumafai e faatauanau atu i tagata Iutaia ma tagata Eleni. ⁵ A ua o mai Sila ma Timoteo mai Maketonia, na tinoū atu lea o Paulo i le upu, ma molimau atu i tagata Iutaia o Iesu o le Keriso lava lea. ⁶ Ae ina ua tetee/faatuiese ma upu leaga tagata Iutaia ia te ia, na lulu e Paulo o ona ofu iai latou ma faapea atu iai latou, "O lo outou na toto e luga o outou ulu lea; ou te mamā. E afua i le aso nei, ona ou alu i nuu ese." ⁷ Ona alu atu ai lea o ia ma alu atu i le fale o le tagata e igoa ia Iuso (Titius Justus) o se tagata e viivii/tapuai i le Atua. E sosoo lona fale ma le sunako. ⁸ O Kiripo, o le taitai o le sunako, na talitonu o ia i le Alii, faatasi ma lona au aiga atoa; ma le toatele o tagata Korinito o e na latou faalogo ma ua faatuatua i latou ma ua papatisoina. ⁹ Na fetalai atu le Alii ia Paulo i le faaliga i le po, "Aua e te fefe, a ia e tautala atu ma aua le faalologo/fifilemu. ¹⁰ Aua ou te ia te oe, e leai ma se tasi na te faaoo se manua/faasaua ia te oe, ona e toatele o'u tagata i lenei aai." ¹¹ Na nofo ai iina Paulo i le tausaga ma le ono masina, ma na ia a'oa'o atu ia te i latou le afioga a le Atua ¹² Ua fai Kaliona ma kovana/sui konesula i Akaia, na feosofi ifo tagata Iutaia ia Paulo ma le loto gatasi ma latou taitai ia te ia i le nofoa faamasino, ¹³ ma latou faapea atu, " O lenei tagata/tamaloa ua ia faatauanaua tagata ina ia tapuai i le Atua e le tusa ai ma le tulafono." ¹⁴ Ae ua oo i le taimi e lauga ai Paulo, na faapea atu Kaliona i tagata Iutaia, "Afai ua solia e lenei tagata le tulafono a Roma, semanau ou te faalogo atu i le mea ua outou fai mai ai outou tagata Iutaia ia te a'u. ¹⁵ Ae peitai o nei fesili e faatatau i upu ma igoa ma a outou lava tulafono, faitalia lava outou. Ou te le manao e avea a'u ma faamasino i na mea. " ¹⁶ Na tuli atu lea e Kaliona o i latou mai le nofoa faamasino. ¹⁷ Na latou pue ia Sosene lē pule i le sunako ma fasi ia te ia i luma o le nofoa faamasino. Ae lei popole iai Kaliona i le latou mea na fai. ¹⁸ Ua nofo pea Paulo i lea mea i aso e tele, ona faamavae lea o ia i ona soo ma folau atu i Suria ma Pisila ma Akula. Ao lei tuua le uafu o Kenikerea, na ia sele mamā/poo ai lona lauulu ona o se tautoga na ia faia. ¹⁹ Na latou oo i gatai o Efeso, na tuua e Paulo ia Pisila ma Akula i lea mea, a ua ia ulufale i le sunako ma ia felafolafoai ma Iutaia. ²⁰ Na latou fesili ia Paulo ina ia toe nofo i nai aso ma i latou, ae na le mafai o ia. ²¹ Ae o faamavae atu o ia iai latou, na ia faapea atu, "Ou te toe foi mai ia te outou pe a finagalo iai le Atua." Ona folau/tuuvaa atu lea o ia i Efeso. ²² Na oo atu Paulo i Kaisareia, na alu ae ma faafeiloai i le ekalesia o Ierusalema ona alu ifo ai lea i Anetioka. ²³ Na ia mafuta atu i se taimi i lea mea, ona alu ese ai lea o Paulo ma ua oso atu agai i aai o Kalatia ma Ferukia, ma faamalosi atu i soo uma. ²⁴ O le tasi Iutaia mai Efeso ua igoa ia Apolo, na fanau i Alesania. O le tagata mau upu o ia ma le poto i Tusi. ²⁵ Na aoaoina Apolo i ala o le Alii. Na ia finafinau i lona loto, sa ia tautala ma a'oa'o atu i mea tau ia Iesu, ae na o le papatisoga a Ioane na ia iloa. ²⁶ Na amata ona tautala faamalosi Apolo i totonu o le sunako. Ae ina ua faalogo iai Pisili ma Akula, na la ave ia te ia i lo la fale ma la faamatala sa'o/manino atu ia te ia le tele o mea e ala ia Iesu. ²⁷ Na ia naunau e alu atu i Akaia, na faamalosi atu le au uso ia te ia ma tusi i le au soo i totonu o Akaia ina ia talia o ia. Ina ua ia taunuu, na ia fesoasoani tele iai latou na faatuatua ona o le alofa tunoa. ²⁸ Na finau malosi Apolo i tagata Iutaia i nofoaga lautele, ua ia faasino atu i Tusi, o Iesu o le Keriso.