¹ Sa i Ikonio Paulo ma Panapa ma la ulufale faatasi atu i le malumalu o tagata Iutaia ma o upu na laua lauga atu ai, ua talitonu/faatuatua ai le motu o tagata Iutaia faapea ma Eleni. ² Ae peitai o tagata Iutaia le faalogo na latou faaoso atu i tagata o nuu ese ina ia o latou faaonoono ia te i laua/faaita atu i loto o tagata ia te i laua. ³ Na laua nonofo ai mo sina taimi umi, ma tautala faamalosi ma le mana i le afioga a le Alii, ua molimau foi o ia i le upu o lona alofa tunoa. Na la faailoa ia mea i le faia o faailoga ma vavega i o lima o Paulo ma Panapa. ⁴ Ae pei tai ua vaeluaina tagata o le aai, o nisi ua au ma tagata Iutaia, o nisi ua au ma le au aposetolo. ⁵ O tagata Iutaia faapea ma tagata o nuu ese (faatasi mo latou taitai) na taumafai e faasaua ma tauai/fetogi ia i laua i maa, ⁶ ae o le taimi lava na laua iloa ai, na sosola atu ai i aai o Lukaonia o Lusa ma Teipe, ma nuu lata ane, ⁷ ma faaauau ai le folafolaina o le tala lelei. ⁸ Sa nofo foi i Lusa le tasi tagata ua le lavā i ona vae/le malosi i ona vae, na pipili mai lava o ia mai le manava o lona tinā, ae lei savali lava o ia. ⁹ Na ia faalogo o loo tautala Paulo. Na pulatoa atu Paulo ia te ia ma ia iloa ai o loo iai lona faatuatua e malolo ai o ia. ¹⁰ Na ia faapea atu ia te ia i le leo tele, "Ina tu ia i luga i ou vae/Ina tu ia i luga." Ona oso lea o ia i luga ma savali solo. ¹¹ Ua iloa e le motu e tagata le mea na faia e Paulo, ona alalaga lea, i le gagana a Lukaonia, ua faapea ane "Ua afio ifo atua ia te i tatou ua pei ni tagata." ¹² Na latou faaigoa ia Panapa, o Seu, a o Paulo o Hereme aua o ia o le failauga autu/autu o upu. ¹³ O le faitaulaga o Seu, o lona malumalu sa i tua lava o le aai,, na aumai o povi poa ma pale i faitotoa; o ia ma le motu o tagata na mananao e osi le taulaga. ¹⁴ Ae ina ua faalogo iai aposetolo o Panapa ma Paulo, na la saiea o laua ofu ma faavave ona o atu i le motu o tagata, ma alaga atu, ¹⁵ "Alii e, se a le mea ua outou fai ai lena mea? O tagata foi i maua, e pei foi o outou. ua ma folafola atu le tala lelei ia te outou ia outou lafoai nei mea le aoga ma liliu mai i le Atua soifua o le na faia le lagi ma lalolagi ma le sami ma mea uma lava o i ai. ¹⁶ O augatupulaga ua mavae atu latou, na ia faatagaina/tuuina i latou e savavali i o latou ala. ¹⁷ E ui lava i lea, ua le tuu e ia o ona faailoga, i lona agalelei mai, ma foai mai o ua mai le lagi ia te i tatou ma tausaga o fuata a le tau ma ona ua faamalilie i o tatou loto i le mea e ai ma le olioli. ¹⁸ O loo fai atu nei upu, ae sa le mafai e Paulo ma Panapa ona taofia le motu o tagata mai le faia o taulaga ia i laua. ¹⁹ Ao nisi o tagata Iutaia mai Anetioka ma Ikonio na latou o mai ma tauanau le motu o tagata. Na latou fetogi/tauai i maa Paulo ma toso i fafo o le aai, ma lo latou manatu ua oti o ia. ²⁰ Ao tutu faataamilomilo soo ia te ia, na ia tu i luga ma ulufale atu i le aai. O le aso na sosoo ai, na la o alu atu ai i Teipe ma Panapa. ²¹ Ua uma foi ona folafola le tala lelei i lena aai ma toatele ua fai ma soo, na latou toe foi i Lusa, ma Ikonio ma Anetioka. ²² Ua faamalosi i loto ole au soo ma apoapoai atu ina ia tumau i le faatuatua, ua faapea atu, "O puapuaga e tele e tatau ona matou sao atu ai i le malo le Atua./E tatau ona tatou ulufale atu i le malo ole Atua e ala atu i puapuaga e tele." ²³ Na tofia e i laua o toeaina mo i latou i lea ekalesia ma lea ekalesia, ua tatalo ma anapopogi, ona la tuuina atu lea o i latou i le Alii, ua latou faatuatua i ai. ²⁴ Ona la ui ane lea i Pisitia, ona oo lea i Pafulia. ²⁵ Ua la tautala atu foi i le upu i Pereka, ona la o ifo lea i Ataleia. ²⁶ O iina na la folau atu ai i Anetioka, i le mea na tuuina atu ai i laua i le alofa tunoa o le Atua ona o le galuega sa la faia ua mae'a. ²⁷ Ua oo foi i laua i Anetioka ona la faapotopotoina lea o le ekalesia, ma faamatalaina atu mea uma na faia e le Atua e i laua, ma lona tatalaina/faaavanoaina o le faitotoa o le faatuatua mo nuu ese. ²⁸ Na la nonofo ai foi i i se taimi umi/po e tele faatasi ma le au soo.