¹ Sa i le ekalesia i Anetioka nisi o perofeta ma aoao. O i latou ia o Panapa, o Simeona (ua igoa ia Nikeru), o Lukio le Kurene, o Manaena (o le uso sa tausia faatasi o ia ma Herota le tupu), atoa ma Saulo. ² A o tapua‘i i latou i le Ali‘i ma anapopogi, ona fetalai mai lea o le Agaga Paia,"Ia totofi ia mo a'u o Panapa ma Saulo, e fai le galuega ua ou valaauina ai i laua.” ³ Na maea le latou anapogi ma tatalo, ona faaee lea o latou lima i luga ia te i laua ona latou tu‘uina atu lea o i latou e ō. ⁴ Ona a‘auina atu lea e le Agaga Pa‘ia Panapa ma Saulo, ona ō ifo lea i Selukeia; ona folau atu lea o i laua i Kuperu. ⁵ A o i ai i laua i le aai o Salamina, ua la folafola atu le afioga a le Atua i sunako o tagata Iutaia. Sa fesoasoani foi Ioane ia i laua. ⁶ Ua latou ui atu i le motu atoa e oo atu i Pafo, ona latou iloa ai lea o le taulāitu, o le perofeta pepelo Iutaia, o Pā-Iesu lona igoa. ⁷ O lenei taulāitu na au‘auna ma le suikonesula, o Sekio Paulo, o le tagata poto. Ua aami e lenei tagata ia Panapa ma Saulo, auā ua ia fia faalogo i le afioga a le Atua. ⁸ A ua tete‘e atu ia te i latou o Elima le taulāitu (o le fa‘aliliuina lea o lona igoa). sa taumafai o ia e faaliliu ese le kovana mai le faatuatua. ⁹ A o Saulo, o Paulo foi lea, ua tumu i le Agaga Pa‘ia, ua pulatoa atu ia te ia, ¹⁰ ma fai atu, “O oe na le atali‘i o le tiapolo, ua tumu oe i le taufaaoleole ma le amio leaga uma; E te lē taofia lava le mimilo o ala tonu/saʻo o le Alii, a ea? ¹¹ O lenei, faauta, ua i luga ia te outou le aao o le Alii, ma o le a outou tauaso. Tou te lē toe vaai foi i le la mo sina taimi.” Na faafuasei ona oo loa lea o le puao ma le pouliuli i luga o Elima, ua fealuai solo e saili tagata e taitaiina o ia i lona lima. ¹² Ua iloa foi e le sui konesula le mea ua tupu, ona talitonu ai lea, ua matuā ofo tele i le aoaoga/mataupu e uiga i le Alii. ^{13 14 15} Ona folau atu lea o Paulo ma ana uo mai i Pafo, ua oo atu i Pereka i Pafulia. Ae na tuua i latou e Ioane ma toe foi atu i Ierusalema. Ua malaga atu Paulo ma ana uō mai Pereka, ua oo atu i Anetioka i Pisitia. Ua ulu atu i laua i le sunako i le aso Sapati, ma nonofo ai i lalo. Ua maea ona faitau le tulafono ma le au perofeta, ona a‘auina atu lea e taitai o le sunako le fe‘au ‘iā te i latou, ‘ua fa‘apea atu, “Uso e, ‘āfai ‘ua ‘iā te ‘outou se ‘upu fa‘amafanafana i tagata ‘i‘inei, ‘inā fai atu ia.” ¹⁶ Ona tula‘i lea o Paulo ma talotalo atu lona lima; na ia fetalai atu: “Tagata Isaraelu ma outou o e matataʻu i le Atua, faalogo mai ia. ¹⁷ O le Atua o lenei nuu o Isaraelu na filifilia o tatou tamā, ma faaeaina le nuu ina ua latou nonofo i le nuu o Aikupito, ma na ia taitaiina atu i latou mai i le aao sii. ¹⁸ pe fagafulu o tausaga na ia onosai ai ma i latou i le vao. ¹⁹ Ua uma ona faaumatia e ia o nu‘u e fitu i le laueleele o Kanana, ona tuuina mai lea e ia lo latou laueleele e fai mo tatou tofi. ²⁰ O nei mea uma na tutupu i le silia ma le 450 tausaga. Ina ua mavae ia mea uma, ona tuuina atu lea e le Atua ia te i latou o faamasino seia oo ia Samuelu le perofeta. ²¹ Ona talosaga atu lea o le nu‘u mo se tupu, ona tuu atu lea e le Atua iā te i latou o Saulo le atalii o Kiso, o le tagata mai le ituaiga o Peniamina, e fai ma tupu i tausaga e fagasefulu. ²² Ina ua aveesea o ia e le Atua mai i le tulaga tautupu, ona ia faatūina lea o Tavita e fai mo latou tupu. Na molimau le Atua e uiga ia Tavita, ua faapea mai, ‘Ua ou maua Tavita le atalii o Iese, o le tagata e fiafia i ai lo’u loto/o le tagata e tusa ma lo'u nei loto, na te faia o mea uma lava ou te manao i ai. ²³ O le aiga/fanau a lenei tagata ua aumaia ai e le Atua ia Isaraelu le Faaola, o Iesu, e pei ona ia folafola ²⁴ mai. A o le‘i afio mai Iesu, na folafola atu e Ioane le papatisoga o le salamō i tagata uma o Isaraelu. ²⁵ Ua fa‘auma e Ioane lana galuega, ona fai atu lea o ia, “O ai ‘ea a‘u i so ‘outou manatu? E le o a'u lea. Ae faalogo mai, o loo mulimuli mai le tasi ia te au, ou te le aoga ona ou tatala i lona seevae. ²⁶ Le ‘au uso e, le fānau a Aperaamo, ma i latou o outou o ē matatau i le Atua, ua auina mai iā te i tatou le feau o le faaolataga. ²⁷ Auā e lei iloa o ia e i latou o ē nonofo i Ierusalema ma o latou alii, ma ua latou faataunuu le upu a le au perofeta, ua faitauina i Sapati uma lava, i lo latou fa‘asalaina o ia. ²⁸ E ui lava e lei maua e i latou se mafuaaga e tatau ona oti ai o ia, ae na latou valaau atu iā Pilato e fasiotia iā te ia. ²⁹ Ua faaiu foi e i latou mea uma ua tusia e uiga iā te ia, ona latou ave ifo lea o ia i lalo mai le laau ma tuu i le tuugamau. ³⁰ Ae na toe faatuina mai o ia e le Atua mai le oti. ³¹ Na iloa o ia i aso e tele e i latou na ō a‘e ma ia mai Kalilaia i Ierusalema. Ua avea nei tagata ma ana molimau i tagata. ³² O le mea lea matou te folafola atu ai le tala lelei: O le folafolaga na o‘o mai i o tatou tamā ³³ ua fa‘ataunu‘uina e le Atua mo i tatou, o a latou fanau, i lona toe faatūina mai o Iesu. E pei ona tusia i le Salamo e lua: 'O loʻu Atalii oe, ua avea aʻu ma ou Tamā i le asō.' ³⁴ O lona toe fa‘atūina mai o ia nai ē ‘ua oti, e lē toe fo‘i mai lava i le pala, ua fa‘apea ona fetalai mai o ia, ‘Ou te foa‘iina atu iā te outou le manuia/mea paia ma le mautinoa na folafolaina iā Tavita. ³⁵ O le mea lea na ia fetalai mai ai foi i le isi Salamo, 'E te le tuuina atu lou Tagata Paia ia iloa le pala.' ³⁶ O Tavita foi, ina ua uma ona auauna i le finagalo o le Atua i lana lava tupulaga, ‘ona moe ai lea o ia; ua taoto o ia fa‘atasi ma ona tamā ma ua pala foi lona tino. ³⁷ A o lē na toe faatuina e le Atua, e lei oo ia te ia le pala. ³⁸ O lenei, le au uso e, ia iloa e outou, o lenei tagata ua folafola atu ai le faamagaloina o agasala ia te outou. E le mafai e le tulafono a Mose ona avea oe ma tagata amiotonu. ³⁹ A o lenei tagata ua ta'uamiotonuina ai e le Atua i latou uma o ē faatuatua. ⁴⁰ O lenei, ia outou faaeteete ina nei oo iā te outou le mea na fai mai ai le auperofeta: ⁴¹ Faauta, o outou o ē inoino, ia outou taufaiofo ma mou/fano atu ai; Auā o lo‘o ou faia se galuega i o outou aso, o le galuega tou te lē talitonu ai lava, e tusa lava pe ta‘u atu e se tasi iā te outou.’” ⁴² A o o ese atu Paulo ma Panapa, sa aioi atu tagata ia te i laua ina ia toe folafolaina atu nei lava upu i le Sapati e soosoo ai. ⁴³ Ua uma le sauniga i le sunako, ona mulimuli atu lea iā Paulo ma Panapa e to‘atele o Iutaia ma ē na liliu ese mai le Atua, o ē na tautala atu iā te i laua, ma apoapoai ia te i latou ia tumau i le alofa tunoa o le Atua. ⁴⁴ I le Sapati na sosoo ai, toetoe lava o le aai atoa na faapotopoto e faalogologo i le afioga a le Alii. ⁴⁵ Ua va‘ai atu tagata Iutaia i le motu o tagata, ona tumu ai lea o i latou i le matau‘a, ma ua upu leaga i mea na fai mai ai Paulo, ma upu leaga iā te ia. ⁴⁶ A ua tautala atu ma le lototetele Paulo ma Panapa, ua fa‘apea atu, “Sa tatau ona muai tau atu iā te outou le afioga a le Atua; a ua outou tetee mai ma ua tauleaogaina outou e outou lava ile ola e faavavau, faauta, ole mea lea ma te liliu atu ai i tagata o Nuuese. ⁴⁷ Auā ua faapea ona poloai mai o le Alii iā te i matou, ua faapea mai, Ua ou tofia oe e fai ma malamalama o Nuuese, ina ia e aumaia/avea le faaolataga i tulu‘iga uma o le lalolagi. ⁴⁸ Ua fa‘alogo i ai tagata o Nu‘u ese, ona latou fiafia ai lea ma vivii atu i le afioga a le Alii. Ua faatuatua foi i latou uma lava e ua saunia i le ola e faavavau. ⁴⁹ Ua folafolaina/salalau atu le afioga a le Ali‘i i le nu‘u uma. ⁵⁰ Ae na faaoso e tagata Iutaia fafine maualuluga o le Atua, ma alii sili o le aai. Ua latou fa‘atupu sauāga iā Paulo ma Panapa, ma tutuli ese i latou i lo latou nu‘u. ⁵¹ A o Paulo ma Panapa ua lūlū ese atu le efuefu/eleele mai i o la vae ia te i latou. Ona o atu ai lea o i laua i Ikonio. ⁵² Ma sa faatumulia le au soo i le olioli ma le Agaga Paia.