¹ O ona po ia na pupuee ai e Herota le tupu i nisi o le ekalesia ina ia faasauaina i latou. ² Na ia fasiotia Iakopo le uso o Ioane i le pelu. ³ Ua iloa e ia ua fiafia tagata Iutaia i lea mea, ona ia pu‘e ai lea o Peteru. O le taimi lenā i aso o areto e lē faafefeteina. ⁴ Ua pueina o ia, ona tuuina atu lea o ia i le fale puipui, ma tofia o ia i au e toafa e leoleo ia te ia; na ia manatu e avatu o ia i tagata pe a uma le Paseka. ⁵ O lea na taofia ai Peteru i le falepuipui, ae na tatalo faatauanau atu i le Atua mo ia tagata o le ekalesia. ⁶ I le pō a o lumanai le taitaiina atu o ia e Herota mo le faamasinoga, sa moe ai Peteru i le va o fitafita e toalua, ua noanoatia i filifili e lua, a o leoleo i luma o le faitotoa na leoleoina le falepuipui. ⁷ Faauta foi, ua faafuasei ona faaali ia te ia le agelu a le Alii, ma ua pupula mai le malamalama i le potu o le falepuipui. Ua ia ta le itu o Peteru, ma fafagu ia te ia, ma fai atu, “Inā tulai ia, ia vave,” ona pauu ai lea o filifili mai ona lima. ⁸ Ua fai atu le agelu ia te ia, “Inā fusi ia ou ofu ma faamau ifo ou seevae." Na faapea ona faia e Peteru. Ua fai atu le agelu ia te ia, "Ia e ofu i lou ofu tele ma mulimuli mai ia te au." ⁹ Ona mulimuli atu lea o Peteru i le agelu ma alu i fafo. Na te lei iloa e moni le mea na faia e le agelu. Sa ia manatu o loo ia vaai i se faaaliga. ¹⁰ Ua latou ui ane i le leoleo muamua ma le lona lua, ona latou oo atu lea i le faitotoa uamea e ui atu i le aai; na tatalaina mo i latou lava ia. Na latou ō atu i fafo ma agai atu i le auala, ona tuua loa lea o ia e le agelu. ¹¹ Ua toe mafaufau Peteru, ona fa‘apea ane lea o ia, “O lenei, ua ou iloa moni lava ua auina mai e le Alii lana agelu ma laveai ia te au ai le lima o Herota, ma mea uma foi na faatalitali ai tagata Iutaia. ¹² Ua silafia e ia lenei mea, ona maliu atu lea o ia i le fale o Maria le tinā o Ioane, e igoa fo‘i o Mareko, o i ai foi tagata e toatele o loo fa‘apotopoto ai ma tatalo. ¹³ Ina ua ia tuitui atu i le faitotoa, ona sau ai lea o se auauna teine ​​e igoa iā Rota/Rosa e tali mai. ¹⁴ Ua iloa e ia le leo o Peteru, ona lē mafai ai lea ona tatala o le faitoto‘a ona o le olioli; ae peitai, sa tamoe atu o ia i totonu o le potu; ua tau atu e ia o loo tu Peteru i le faitoto‘a. ¹⁵ Ona latou fai mai lea ia te ia, "Ua e valea." Ae sa finau atu pea o ia, e moni lava. Na latou fai mai, "O lana agelu lea." ¹⁶ A ua tuitui atu pea Peteru, ma ua tatalaina e i latou le faitotoa, ona latou iloa atu ai lea ia te ia, ma ua ofo ai. ¹⁷ Ua talo atu Peteru ia te i latou e filemu, ona ta‘u atu lea e ia ‘ia te i latou le auala na aumaia ai o ia e le Alii mai fafo o le falepuipui. Ua faapea atu o ia, “Ia ta‘u atu nei mea ia Iakopo ma le au uso.” Ona alu ese ai lea o ia ma alu atu i le isi nofoaga. ¹⁸ Ua ao foi, ua vevesi fitafita i le mea na tupu ia Peteru. ¹⁹ Ua sailii e Herota ia te ia, ae lei maua o ia, ona fesili atu lea o ia i leoleo, ma ia faatonu atu ia fasiotia i latou. Ona alu ifo lea o Herota mai Iutaia i Kaisareia ma nofo ai. ²⁰ Ua matuā ita lava Herota i tagata o Turo ma Saitonu. Ua latou ō atu ia te ia ma le loto gatasi, ua latou faaoleole atu ia Pasō, le fesoasoani a le tupu, ina ia fesoasoani atu ia i latou, ona latou aioi atu ia te ia mo se leleiga auā na maua e lo latou nuu mea‘ai mai i le tupu. ²¹ O le aso foi na atofaina ua ofu ai Herota i ofu tautupu, ma nofo i le nofoalii; ua ia lauga atu ia te i latou. ²² Ua alalaga le nuu, “O le siufofoga lea o se atua, ae le o se tagata!” ²³ Ona taia lea o ia e le agelu a le Alii, auā na te lei avatua le viiga i le Atua; ua aina o ia e anufe ma oti ai. ²⁴ A ua tupu ma faateleina le afioga a le Atua. ²⁵ Ua maea foi le galuega a Panapa ma Saulo, ona foi mai lea o i laua mai Ierusalema, ua la aumai foi ma Ioane, e taua foi o Mareko.