¹ Ua fa'alogo le 'au 'aposetolo ma le 'au uso sa Iutaia, ua talia e tagata nu'u ese le afioga a le Atua. ² Ua o'o Peteru i Ierusalema, ua faitio foi o e ua peritomeina ia te ia, ³ ma fai atu ia te ia "Ua e feso'otai atu ma e lē i peritomeina ma aai fa'atasi ma i latou. ⁴ A'o Peteru ua ia fa'amatala auiliili ia te i latou le mataupu, ua ia fa'apea atu, ⁵ sa ou tatalo i le a'ai o Iopa ma ou vaaia ai se fa'aliga o se pusa ua sau i lalo, e pei o se ie tele ua aumai i lalo mai le lagi ona tulimanu e fa. Ua alu ifo ia te au. ⁶ Na ou vaai i ai ma mafaufau i ai. sa ou vaaia manu vae fa o le lau eleele, o manu feai, o manu fetolofi ma manulele o le lagi. ⁷ Ona ou fa'alogo lea i le leo ua fetalai mai, 'Peteru e, ina tulai e fasi ma ai'. ⁸ Ua ou tali atu, leai le Alii e, aua e leai se mea lē paia ma lē mama na ulu mai i lou gutu. ⁹ Ae ua toe tali mai le leo mai le lagi ua faapea mai, "O mea ua fa'amamaina e le Atua, aua e te taua e leaga. ¹⁰ E fa'atolu on tupu o lenei mea, ona toe aveina a'e lea o mea uma i le lagi. ¹¹ Fa'auta foi, ua tutū tagata e toatolu i luma o le fale sa matou i ai, na auina mai i latou mai Kaiseria ia te au. ¹² Sa poloaiina au e le Agaga ou te alu ma i latou, ma ia ou lē faia se faaeseesega ia te i latou. O nei uso e toaono na o ma au. Sa matou o i le fale o le tamaloa. ¹³ Ua ia tau mai ia te i matou na ia vaaia le agelu o tu i totonu o lona fale ma faapea mai, "Ia auina atu tama i Iopa ma aumai Simeona ua igoa ia Peteru. ¹⁴ O le a ia tau atu se feau ia te oe, e fa'aolaina ai oe; o oe ma lou aiga uma. ¹⁵ Ua amata ona ou tautala atu ia te i latou, ona afio ifo lea o le Agaga Paia i luga ia te i latou, e pei ona i luga ia te i tatou i le amataga. ¹⁶ Ou te manatua upu o le Alii, ina ua ia fetalai atu, 'O Ioane lava sa papatiso i le vai, a o oe o le a papatiso i le Agaga Paia. ¹⁷ O lea, afai fo'i ua foaiina atu e le Atua iā te i latou le meaalofa lava e tasi e pei o i tatou, ona ua tatou fa'atuatua i le Alii o Iesu Keriso, o ai ea a'u e mafai ai ona tete'e atu i le Atua?" ¹⁸ Ua fa'alogo i latou i lenei mea, ona fifilemu ai lea o i latou, ae ua vivi'i atu i le Atua, ma fa'apea atu, " Ua fa'apea fo'i ona foaiina atu e le Atua le avanoa e salamō ai tagata nu'u ese." ¹⁹ O lenei, o i latou na fa'ataapeapeina ona o le sauaga sa o'o ia Setefano ua salalau solo, ua oo atu i Foinikia ma Kuperu, ma Anetioka, na tautala i upu na o Iutaia. ²⁰ A o nisi o i latou, tagata mai Kuperu ma Kurene, na o atu i Anitioka ma tautala atu i tagata Eleni, ma talai atu le talalelei e uiga ia Iesu Keriso. ²¹ Sa iai le aoao o le Alii i ia te i latou; e toatele foi i latou ua talitonu ma liliu atu i le Ali'i. ²² Ua o'o atu le tala e uiga ia te i latou i taliga o le ekalesia i Ierusalema ona latou auina atu lea o Panapa e oo atu i Anitioka. ²³ Ua sau foi o ia ma vaai i le alofa tunoa o le Atua. Ua fiafia o ia ma fa'amalosi atu ia te i latou ina ia tumau i le Alii ma le loto naunau(fa'amoemoe). ²⁴ Aua o ia o le tagata lelei, ua tumu foi o ia i le Agaga Paia ma le fa'atuatua, e toatele foi tagata ua fa'aopopoina i le Ali'i. ²⁵ Ona alu atu lea o Panapa i Taso e saili ma le fa'aeteete ia Saulo. ²⁶ Ina ua maua o ia, ua ia aumai o ia i Anitioka. O le tausaga atoa foi ua latou fa'apotopoto fa'atasi ma le ekalesia, ma a'oa'o atu i tagata e toatele. Na ta'ua le auso'o muamua o Kerisiano i Anitioka ²⁷ O ia ona po, sa o ifo ai nisi o perofeta mai Ierusalema i Anitioka. ²⁸ O le tasi o i latou o Akapo lona igoa, na tu o ia ma fa'ailoa mai le Agaga, o le a oo mai le oge tele i le lalolagi atoa. Na tupu lenei mea i aso o Kalaotio. ²⁹ O le auso'o foi, e pei ona mafaia e le tagata taitoatasi, ua ia fuafua e avatu se foa'i e fesoasoani aua se to'omaga o le au uso i Iutaia. ³⁰ Ua latou faia lenei mea, ua avatu tupe i e toeaina e ala i le lima o Panapa ma Saulo.