¹ Sa faapea foi lo'u lava manatu, ou te le toe alu atu ia te outou ma le tiga. ² Afai na ou faatiga ia te outou, o ai ea se na te faafiafia mai ia te a'u ae o lē na faatigaina e a'u? ³ Sa ou tusi atu foi lea lava mea ia te outou, ina nei ou alu atu, ona faatigaina lea o a'u e i latou o e ua tatau ona ou olioli ai. Ou te faatuatua lava ia te outou uma o lo'u nei fiafia, o le fiafia lea o outou uma. ⁴ Aua o le puapuaga tele atoa ma le atuatuavale o le loto na ou tusia atu ia te outou ma loimata e lei ina faatigaina outou, a ia outou iloa ai lo'u alofa ua matuā tele ia te outou. ⁵ Afai ua faatupuina le tiga e se tasi, ua ia le faatiga ia te au na o a'u, ae peitai - ina nei ou faamamafa atu- ia te outou uma. ⁶ Ua lava le faasalaga na faia e le toatele ia te ia. ⁷ Ia outou faamagalo atu ma faamafanafana atu i lena tagata, nai lo le faasala ia te ia. Ia outou faia lenei mea ina nei lofituina o ia i le faanoanoa tele. ⁸ O lea ou te aioi atu ia te ouotu ina ia faamauina lo outou alofa ia te ia. ⁹ O le ala lena na ou tusi atu ai, poo outou usiusitai/anaana i mea uma. ¹⁰ Afai e te faamagalo i soo se tasi, ou te faamagalo foi i lena tagata. O le mea ou te faamagalo - afai ou te faamagalo i soo se mea - ua ou faia lenei mea i luma o Keriso ona o outou. ¹¹ Ua faia lenei mea ina aua nei olegia i tatou e Satani. Ina ia aua ai nei o tatou valea i ana togafiti. ¹² Na tatala le faitotoa mo a'u e le Alii ina ua ou sau i le aai o Teroa e folafola le tala lelei a Keriso. ¹³ Ae lei iai se filemu i lo'u loto ona ou te le mauaina lo'u uso o Tito iina. Na ou tuua i latou ma ou alu atu ai i Maketonia. ¹⁴ Ua faafetaia le Atua, o le ua matou manumalo ai pea lava ona o Keriso. E ala atu iai tatou ona faaalia le manogi lelei o le mataupu ia te ia i nuu uma. ¹⁵ Auā o le manogi lelei i tatou o Keriso i le Atua, i latou ua faaolaina atoa ma i latou ua fano/malaia. ¹⁶ Mo i latou ua fano, o le manogi o le oti e oo i le oti nisi. Mo i latou ua faaolaina, o le manogi o le ola e oo i le ola i nisi. Poo ai se tusa ma nei mea? ¹⁷ Auā o i matou nei, e lē pei o le toatele o e ua faatau atu le upu a le Atua mo se tupe mama. A ua matou tautala atu mai le loto lelei, mai le Atua foi, o i luma o le Atua, o i matou ua ia Keriso.