¹ O Paulo, o le aposetolo a Iesu Keriso i le finagalo a le Atua, ma lo tatou uso o Timoteo, i le Ekalesia a le Atua o i Korinito, atoa ma le au paia uma o i Akaia uma lava. ² Ia ia te outou le alofa tunoa ma le manuia mai le Atua lo tatou Tamā, atoa ma le Alii o Iesu Keriso. ³ Ia faamanūina le Atua, o le Tamā o lo tatou Alii o Iesu Keriso. O le Tamā e ona le alofa mutimuti vale, o le Atua foi e ana le faamafanafanaga uma. ⁴ O le Atua na te faamafanafanaina mai ia te i matou i lo matou puapuaga uma lava, ina ia matou mafaia ona faamafanafana atu ia te i latou ua maua i soo puapuaga. Matou te faamafanafana atu i isi e pei ona faamafanafanaina ai i matou e le Atua. ⁵ Aua pei ona tele o tiga o Keriso ona o i tatou, ua faapea foi ona tele o le faamafanafanaina oi matou ia Keriso. ⁶ Pe afai ua puapuagatia i matou, ua faapeaina ona o le faamafanafanaina ma le faaolaina o outou; ae afai ua faamafanafanaina i matou, ua faapeaina ona ole faamafanafanaina o outou. O loo matuā galue ma le onosai i ia lava tiga ua matou tiga ai; pe afai foi ua faamafanafanaina i matou. ⁷ Ua tumau foi lo matou faatuatua ia te outou; o loo matou iloa, faapei ona faatasia outou i tiga, e faapea foi i le faamafanafanaina. ⁸ Auā, le au uso e, matou te loto ina ia outou iloa lo matou puapuaga na oo mai ia te i matou i Asia. Sa silisili ona matou mafatia tele ai, e lei au iai lo matou malosi, na oo lava ina matou masalo ai a matou oti. ⁹ E moni, sa i o matou luga le faasalaga o le oti. Na mafua lea mea, ina ia aua nei o matou faatuatua ia te i matou, a ia faatuatua i le Atua, o lē na te toe faatuina ē ua oti. ¹⁰ O lē na laveai mai ai ia i matou ai le oti e matua leaga, o le a ia laveai foi iai matou. Na matou faamoemoe foi ia te ia, e na te laveaina i matou. ¹¹ O le a ia faia foi lenei mea, ona o la outou fesoasoani i le tatalo mo i matou. E toatele o le a faafetai mo i matou, ona o le alofa tunoa ua tuuina mai iai matou e ala atu i le tatalo a le toatele. ¹² Auā o lenei le mea matou te mitamita ai; O le mau o le matou loto futia ifo, o le paia ma le faamaoni faaleatua sa matou amio ai i totonu o lenei lalolagi, aemaise i le faafeagai ma outou, e le ona o le poto faalelalolagi, ao le alofa tunoa o le Atua. ¹³ E leai se mea ua matou tusia e le mafai ona outou faitau ma malamalama iai, ua ou faamoemoe foi o le a atoatoa lo outou malamalama ¹⁴ e pei ona faaleatoatoa nei lo outou malamalama i lenei mea; ua mafai ai ona outou mitamita ona o i matou, ia fapea foi ona matou mitamia ona o outou i le aso o le Alii o Iesu. ¹⁵ O lo'u mautinoa foi i lenei mea, sa ou manatu ai ou te muai alu atu ia te outou, ina ia outou maua faalua se alofa; ¹⁶ Sa ou fuafua, ou te ui atu ai ia te outou i Maketonia, ou te toe sau foi ia te outou mai Maketonia, ona momoli ai lea o a'u e outou i Iutaia. ¹⁷ Ao ou mafafau i lea itu, na ou faalotoloto lua ea? Ou fuafuaina ea i mea e tusa i le tino, ina ia ou tali i le "Ioe, ioe" ma "Leai, leai" i le taimi lava e tasi. ¹⁸ Ae peitai, e faamaoni lava le Atua, o la matou upu ia te outou, e lē o le "Ioe" ma "Leai". ¹⁹ Aua o le Alo o le Atua, o Iesu Keriso, o le na talaiina atu ia te outou e i matou, o a'u, ma Siluano, ma Timoteo, sa lē "Ioe" ma "Leai". A o ia, o le "Ioe" i mea uma. ²⁰ Aua o ia o le "Ioe" i mea uma ua folafolaina e le Atua. O le mea lea ua tatou "Amene" ai foi e ala ia te ia, e oo ai i le viiga o le Atua. ²¹ O le faatumauina foi i matou faatasi ma outou ia Keriso, ²² ma na faauuina i tatou, o le Atua lea; o le ua faamaufaailogaina mai i tatou, ma ua foaiina mai le faamaoni o le Agaga i o tatou loto. ²³ Ou te augani foi, ia sisila mai le Atua i lo'u nei loto, o lo'u faapelepele ia te outou, na le oo ai la'u malaga i Korinito. ²⁴ E leai fo sa matou fia pule i lo outou faatuatua. Ae peitai, o i matou o auauna faatasi mo outou i lo outou olioli, ina ia outou tutumau/mauaa ai i lo outou faatuatua. OR auā o le faatuatua tou te tumau ai.