¹ Ua le mafai ona onosa'i le popole atu, ua manatu ai o le a nonofo na'o matou i Athens. ² Ua matou auina atu Timoteo, o ia o le uso i le galuega a le Atua i le talalelei a Keriso, ina ia fa'amalosia ma fa'amafanafana outou e uiga i lo outou fa'atuatua, ³ ina ia leai se isi e fa'avaivai i nei puapuaga. Ua outou iloa lelei ua tofia i tatou. ⁴ E moni lava, I le taimi a'o fa'atasi i tatou, sa ta'u atu lava i a outou o le a o'o i matou i puapuaga, ma sa tupu lava e pei ona outou iloa. ⁵ O le mea lea, ua le mafai ai le popole, ae auina atu o ia ina ia ou iloa lo outou fa'atuatua ua iai. Atonu na fa'aosoosoina outou e fa'aosoosoga, ma ua leai ai se aoga o le matou galuega sa fai. ⁶ Ae ua fo'i mai Timoteo ma ta'u mai ia te i matou le tala fiafia e uiga i lo outou fa'atuatua ma lo outou alofa. Sa fai mai o ia e manatua pea le mafutaga mafana, ma o lo'o mo'omo'o outou i le fia vaai mai e pei o lo matou mo'omo'o e fia vaai atu. ⁷ O le mea lea, le au uso e, ua fa'amafanafanaina i matou i taimi o puapuaga ma fa'afitauli ona o lo outou fa'atuatua. ⁸ Ua maua e matou le ola, ona o lo outou tūtūmau i le Ali'i. ⁹ E le lava la matou fa'afetai i le Atua, ona o le olioli ua matou maua i luma o le Atua ona o outou? ¹⁰ Sa matou tatalo i le ao ma le po ina ia mafai ona vaai atu iā te outou ma fesoasoani atu i ni vaega ua le ato'atoa ai lo outou fa'atuatua. ¹¹ Tatalo i le Atua le Tama, le Ali'i o Iesu ina ia ta'ita'i atu matou. ¹² Ia fa'atupuina e le Ali'i outou i le alofa i le tasi i le tasi ma tagata uma, e pei ona matou faia. ¹³ Ia fa'alototeleina outou ina ia lē ta'uleagaina outou i luma o le mamalu o le Atua le Tama i le afio mai o lo tatou Ali'i o Iesu Keriso ma tagata paia uma.