¹ Aua ua iloa e outou lenei mea, le au uso e, e le o se mea faaleaoga lo matou oo atu ia te outou. ² Ua outou iloa a’o matou iai I Filipi, sa mafatia I matou ma matua faalumaina. Ae na matou lototetele I lo matou Atua ia matou tautala atu ia te outou I le tala lelei a le Atua ma le finafinau tele. ³ Aua o la matou apoapoa’I atu e le’I mafua mai ona o se mea sese, poo le le faapaiaina, poo le pepelo.

⁴ Ae peitai, e pei ona faamaonia e le Atua ina ia tuuina mai ia te I matou le talalelei, matou te tautala atu ai. Matou te tautala atu e le ina ia faafiafia I tagata, a ia faafiafia I le Atua. O ia o le su’esu’e I o tatou loto. ⁵ Aua matou te lei tautala atu lava I ni upu faa viivii, e pei ona outou iloa, e lei avea foi o se ‘alofaga e ufiufi ai le mana’o tele. O le Atua o la matou molimau. ⁶ Matou te lei sa’ili foi le mamalu mai tagata, pe mai ia te outou, pei mai isi tagata. E ui lava e iai la matou aia I faamanuiaga I le avea ai ma aposetolo a Keriso. ⁷ Ae peitai, na matou iai ia te outou ma le agamalu, e pei o se tina o loo faamafanafana I lana fanau. ⁸ O le mea lea e lagona ai pea lo matou alofa mo outou. Na matou fiafia e le gata ina folafola atu le tala lelei a le Atua ia te outou, aemaise ai le tuuina atu o o matou lava ola. Aua na avea outou ma e ua matua pele ia te I matou. ⁹ Aua ua outou manatua le au uso e, la matou galuega mamafa ma le faigata. Sa matou galulue ai I le po ma le ao ina ne’I matou faatigaina seisi o outou. I le taimi foi lea, na matou tala’I atu ai ia te outou le tala lelei a le Atua. ¹⁰ Ua fai ai outou ma molimau, ma le Atua foi, i le paia, ma le amiotonu ma le ta’uleleia o la matou amio ia te outou o e amiotonu. ¹¹ O lea foi ua outou iloa sa matou feagai ma outou taitoatasi e pei o se tama ona feagai ma lana lava fanau. ¹² Sa matou aioi ma faamalosi ma unaia outou ia outou savavali I ala e tusa ma le Atua, o le na valaau ia te outou I lona lava Malo ma le mamalu. ¹³ O le mea lea e le aunoa ai la matou faafetai I le Atua. Aua ina ua outou maua mai ia te I matou, le feau mai le Atua na outou faalogologo iai, na outou talia e le o se upu mai tagata. Ae peitai, na outou talia e pei o lona uiga moni, o le Upu a le Atua. O le upu foi lea o loo galue pea ia te outou o e talitonu. ¹⁴ Aua ua avea outou le au uso e ma faata’ita’iga I ekalesia a le Atua o loo i sa Iuta ia Keriso Iesu. Na outou mafatia foi I le mafuaaga lava e tasi mai tagata o lo outou lava nuu, e pei ona tigaina I latou foi ia Iutaia. ¹⁵ Aua o le au Iutaia, e na fasioti I le Alii o Iesu ma le au perofeta. O le au Iutaia foi e na tutuli ia tei tatou I fafo. Ua latou le faafiafia I le Atua ae ua avea I latou ma e ua tetee I tagata uma. ¹⁶ Ua latou faasaina I matou ona tautala atu I tagata nuu ese ina ia faaolaina I latou. E I’u ai lava ina faatumuina I latou I a latou agasala. O le toasa o le a oo mai lea ia te I latou I le gataaga. ^{19 17} Na tuueseina I matou mai ia te outou, le au uso e, mo sina taimi, I le tino ma le loto. Na matou naunau tele ina ia matou vaai I o outou foliga. ¹⁸ Aua na matou mana’o ia oo atu ia te outou, O a’u lenei o Paulo, sa ou mana’o ou te alu atu ia te outou I lea taimi ma lea taimi, ae na taofia I matou e Satani. Aua o le a ea lo matou faamoemoe, ma le olioli, ma le pale e mitamita ai i I luma o lo tatou Alii o Iesu I lona toe afio mai? E le’o outou ea e pei lava o isi? ²⁰ . Aua o outou o la matou mamalu ma lou matou olioli.