¹ A o mea na outou tusi mai ai, "E lelei ona le tago se tagata/tamaloa i se fafine." ² Ae ona o faaosoosoga mo le tele o amioga lē mamā, e tatau i tane taitoatasi ona fai lana lava avā, ma e tatau i fafine taʻitoʻatasi ona fai lana lava tane. ³ E ao i le tane ona faataunuu lona tiute o le faia o feusuaʻiga ma lana avā, e faapea foʻi le avā i lana tane. ⁴ E lē o le avā e pule i lona lava tino, a o le tane. E faapena foʻi, e lē pule le tane i lona lava tino, ae e pule le avā. ⁵ Aua le fa'afitia e le tasi le isi, se'i vagana ua malilie fa'atasi mo se vaitaimi patino. Ia faia lenei mea ina ia outou faasaga/tuuto i le tatalo. Ona outou toe faapotopoto ai lea, ina nei faaosoosoina outou e Satani ona o lo outou lē pulea o outou lava. ⁶ A ua ou fai atu nei mea ‘iā te outou o le faitalia, ae lē o se poloa‘iga. ⁷ Ou te mana‘o ina ia pei o a‘u tagata uma. Ae e tofu le tagata ma lana meaalofa mai le Atua. E i ai i le tasi lenei ituaiga meaalofa, ae o le isi o lena ituaiga. ⁸ O la'u lenei upu i tagata taataanoa ma fafine ua oti a latou tane, e lelei ona latou nonofo pea pei o a'u nei. ⁹ Ae afai latou te le lavā oono, ia fai avā nofotane i latou, auā e lelei ona avā a e leaga ona mu. ¹⁰ Ou te fai atu foi i le ua fai avā ma nofotane, e le o a'u, a o le Alii, Aua le te'a ese le avā i lana tane. ¹¹ (ae afai foi e te'a, ia nofo fua pea ia, pe toe lelei ma lana tane) ma e le tatau i le tane ona faatea lana avā. ¹² A o isi, o la'u nei upu ia te i latou, e le o a'u o le Alii; ai se tasi o le au uso ua iai le avā lē talitonu, a ua loto ina la nonofo ma ia, aua nei tetea ma ia. ¹³ Afai e iai se tane lē talitonu se fafine, ma afai ua lotomalie o ia e nonofo ma ia, e lē tatau ona ia faateʻa iā te ia. ¹⁴ Auā ua vavaeeseina le tane lē talitonu ona o lana avā, ua vavaeeseina foʻi le avā lē talitonu ona o le uso. A leai, o le a lē mamā a outou fanau, ae o le mea moni ua vavaeeseina i latou. ¹⁵ Ae afai e alu ese le lē fa‘atuatua, tu‘u atu ia e alu. I tulaga faapena, e lē noatia le uso po o le tuafafine i a latou tautoga. Ua valaauina i tatou e le Atua e ola i le filemu. ¹⁶ Auā e fa‘apefea ‘ona e iloa, e oe le avā/fafine, pe ola/faaolaina lau tane ia te oe? Pe faapefea foi ona e iloa e oe tane/alii, pe e ola/faaolaina lau avā oa te oe? ¹⁷ A ia taitoatasi ma savali e pei ona tufatufa mai e le Atua ia te ia; ia taitoasi pei ona valaauina o ia e le Alii. Ua faapea foi ona ou faatonuina i ekalesia uma lava. ¹⁸ Pe na peritomeina ea se tasi ina ua valaauina e talitonu? E lē tatau ona ia taumafai e foliga mai e leʻi peritomeina. E lei peritomeina ea se tasi ina ua valaauina i le faatuatua? ¹⁹ E lē tatau ona peritomeina o ia. Auā e lē tāua le peritome po o le lē peritomeina. O le mea taua o le usiusitai i poloaiga a le Atua. ²⁰ Ia taitasi ma nofo pea i le mea na valaauina ai o ia. ²¹ Pe na fai ea oe ma pologa ina ua valaauina oe e le Atua? Aua le popole i ai. Ae afai ua e saoloto, ia faaaoga lelei. uā o lē ua vala‘auina e le Ali‘i e fai ma pologa, o le sa‘oloto lea o le Ali‘i. ²² E fa‘apea fo‘i le tagata sa‘oloto ‘ina ‘ua vala‘auina o ia e fa‘atuatua, o le ‘au‘auna lea a Keriso. ²³ Ua fa‘atauina outou i le tau, o lea aua nei fai outou ma pologa a tagata. ²⁴ Le ‘au uso e, po o le ā lava le tulaga na i ai o ia ina ua valaauina o ia, ia taitasi ma tumau faatasi ma le Atua. ²⁵ O lenei e uiga i taupou, e leai se poloaiga mai le Alii mo i latou. Ae ou te tu‘uina atu lo‘u taofi/manatu o lē ua fa‘atuatuaina, ona o le alofa mutimutivale o le Alii. ²⁶ O le mea lea, ou te manatu ai, ona o le malaia o lo‘o agai/o‘o mai, e lelei i le tagata ona tumau pea o ia. ²⁷ Ua noatia ea oe i le avā? Aua e te saili ina ia tatalaina le faaipoipoga. Afai ua e saoloto mai se avā, aua e te suea se avā. ²⁸ Ae afai e te faaipoipo, e te lē agasala ai, afai e faaipoipo se taupou e lē agasala ai o ia. Ae oi latou o ē faia, o le a maua le puapuaga i le tino, ma ou te manao e faasaoina oe mai ia mea ²⁹ A o le mea lenei ou te fai atu ai, uso e: Ua puupuu le taimi. E amata atu i le taimi nei, ia ola i latou e iai avā e peiseaī ua leai ni a latou avā. ³⁰ O ē fetagisi e tatau ona fai e peiseai ua lē fetagisi, ma ē ‘oli‘oli e peiseaī ‘ua lē ‘oli‘oli, ma ē fa‘atau mai e peiseai e leai ni a latou mea, ³¹ ma o ē fa‘aaogāina le lalolagi, aua ne‘i faapea ua latou faaaogāina i le atoatoa. Auā o le lalolagi i lona tulaga o lo'o i ai nei, o le a fa'aumatia. ³² Ou te manao ia e saoloto mai popolega. E popole le tane e leʻi faaipoipo i mea a le Alii, pe faapefea ona faafiafiaina o ia. ³³ A o le tane ua faaipoipo, e popole o ia i mea a le lalolagi, pe faapefea ona faafiafia i lana avā, ³⁴ ua vaeluaina. O le fafine e leʻi faaipoipo po o le taupou e popole i mea a le Alii, pe faapefea ona vaetofiina/vavaeeseina i le tino ma le agaga. A o le fafine ua faaipoipo, e popole o ia i mea a le lalolagi, pe faapefea ona faafiafia lana tane. ³⁵ Ua ou fai atu ai lenei mea ina ia outou manuia ai, ae lē pulea outou. Ua ou fai atu lenei mea mo le mea sa‘o, ‘ina ‘ia ‘outou fa‘amaoni i le Ali‘i e aunoa ma se fa‘alavelave. ³⁶ Ae afai e manatu se tasi ua ia lē faaaloalo i lana taupou—pe afai ua sili atu lona matua i le tausaga e faaipoipo ai, e tatau ona ia faia le mea e manao ai. E le o agasala o ia. E tatau ona latou faaipoipo. ³⁷ Ae afai e tumau o ia i lona loto, afai fo‘i e lē fa‘amalosi o ia, a ua mafai ona pulea e ia lona lava loto, ma afai fo‘i ua tonu i lona loto e fai lenei mea, ina ia tausia lona lava taupou, ona lelei lea o ia. ³⁸ O lē e faaipoipo i lana taupou e lelei lea, ma o lē e filifili e lē faaipoipo, e sili atu ona lelei. ³⁹ Ua noatia le fafine i lana tane a o ola o ia. Ae afai e oti lana tane, ua sa‘oloto o ia e fai avā i so o se tasi e mana‘o i ai, ae tau lava i le ua i le Alii. ⁴⁰ Ae peitaʻi, i loʻu manatu, e sili ona fiafia o ia pe a ola e pei o ia. Ma ou te manatu ua ia te au foi le Agaga o le Atua.