¹ Afai e iai se tasi o outou e iai se finauga ma se tasi tagata, e na te faamalosia ona ave le faamasinoga i luma o i latou e lē amio le tonu, nai lō o luma o tagata paia o le Atua? ² E te lē iloa o tagata paia o le Atua o le a latou faamasino i le lalolagi? Afai o le a e faamasinoina le lalolagi, e te le mafaia ea ona e foia ni mataupu faatauvaa? ³ E te le iloa ea o le ā tatou faamasinoina agelu? E le sili ea la ona tatou faamasinoina o mataupu/mea o lenei olaga? ⁴ O lenei, afai e te faia faaiuga mo lou olaga i aso uma, aisea e te avea ai nei mataupu i luma o i latou e leai ni tofiga i le ekalesia/lotu? ⁵ Ua ou tau atu, o le maasiasi lea ia te oe. E leai lava se tasi o outou e mafai ona foia le faafitauli i le va o uso? ⁶ Ae peitai, ua ave le tagi i le tulafono e faasaga i le tasi uso - ae ua ave i luma o i latou e lē talitonu. ⁷ O le mea moni, o loo iai faasalaga e faasaga a le tasi ile tasi, o le toilalo lea mo outou. Aisea e le onosaia ai le sese? Aisea e te le faatagaina ai oe e faaseseina? ⁸ Ae o oe foi e te faia mea sese ma e tau faasese, ae o loo e faia lenei mea i ou uso! ⁹ E te le iloa lava, o i latou e le amiotonu e lē fai mo i latou le malo o le Atua? Aua nei faaseseina outou; o e faitaaga, o e ifo i tupua, o e mulilua, e le o ni alii foi e gauai atu ile faatauatane, poo tamaloloa foi e faia fa'a feusuaiga, ¹⁰ poo tagata gaoi, poo le matape'ape'a, poo ē onanā, poo le taufaalega, poo ni tagata taufaavalea, e le faia mo i latou le malo o le Atua. ¹¹ E faapena nisi o outou. Ae peitai ua faamamaina outou, ma ua faapaiaina, ua tauamiotonuina outou i le suafa o le Alii o Iesu ma le Agaga o lo taotu Atua. ¹² "E taga uma mea ia te a'u," ae lē aogā mea uma ia te a'u. "E taga mea uma ia te a'u," ae ou te le pule i se mea e tasi. ¹³ " O meaai e mo le manava, ae o le manava mo le meaai," ae faaumatia e le Atua i laua uma. E lei faia le tino mo feusuaiga le mama. Ae o le tino, e mo le Alii ma o le a saunia e le Alii mea uma mo le tino. ¹⁴ Na faatuina e le Atua le Alii, na te toe faatuina foi i tatou i lona lava mana. ¹⁵ Tou te le iloa ea o outou tino o itu tino o Keriso? Pe tatau ea ona ou ave le tino o Keriso ma faatasi atu ma fafine talitane? ¹⁶ Tou te le iloa lava o i latou e faatasi atu i fafine nofotane ua avea i latou ma tino e tasi? E pei ona tusia i le tusi, " Ua avea i laua ma tino e tasi." ¹⁷ Ae peitai, o ia ua faatasi atu i le Alii ua avea ma agaga e tasi ma ia. ¹⁸ Ina sosola ese ia outou i le faitaaga. O isi lava agasala e faia e tagata i fafo atu o lona tino, ae o le tagata faitaaga e agasala i lona lava tino. ¹⁹ E te le iloa lava o outou tino o le malumalu lea o le Agaga Paia, o loo mau i totonu ia te outou, na outou maua mai le Atua? E te le iloa ea e le aia foi outou ia te outou? ²⁰ Auā ua faatauina outou ile tau. O lea ia outou vivii atu i le Atua i o outou tino ma outou agaga, e a le Atua ia.