¹ Ua oo mai le ripoti o lo o i ai feusuaiga e le tatau ia te outou, o le ituaiga feusuaiga e oo lava i tagata faapaupau latou te le faatagaina, O le toe momoe lea o le atalii ma le toa'lua o lona tama. ² Ua outou loto faamaualuluga! Aisea ua outou faanoanoa ai, aua e talafeagai i le na faia lea mea leaga ona tuliesea mai ia te outou?. ³ Aua e ui lava e le o i ai lo'u tino ia te outou, ae o lo o o'u i ai i le agaga. Ua mae'a ona ou faia atu le faaiuga i le na faia lenei mea, e peisea'i na 'ou i ai ina. ⁴ A outou potopoto mai i le Suafa o lo tatou Alii o Iesu, ae o lo o o'u ia te outou i le agaga, a o i ai ma le mana o lo tatou Alii o Iesu, ⁵ ia tuuina atu o ia ia Satani e faaleagaina lona tino, ina ia faaolaina lona agaga i le aso o lo tatou Alii. ⁶ E le lelei pe a outou faamaualuluga. Toute le iloa ea e laititi lava le mea faafefete e faafefeteina ai le papa falaoa atoa. ⁷ Ia tu'u'ese ma outou le mea faafefete tuai, ina ia avea outou ma paluga fou, o le paluga falaoa e le faafefeteina, e pei o lou lava tagata moni lena. O Keriso le mamoe e fai ai le taulaga mo la tatou Paseka. ⁸ Ia tatou faamanatu lea aso fiafia, aua ne'i i ai le mea faafefete tuai, le mea faafefete o amio leaga ma amio mataga. A ia tatou faamanatu i le falaoa e le faafefeteina o le loto lelei ma le faamaoni. ⁹ O lo o o'u tusi atu ia te outou i lenei tusi, ina ia aua ne'i outou toe feofeoa'i ma tagata e fai feusua'iga e le tatau. ¹⁰ Oute le o faatatau atu la'u tala i tagata leaga o i lenei lalolagi, po o e matape'ape'a, ma e faomea, po o e ifo i tupua, aua afai e ao ina tatou tutumamao mai ma'i latou, o lona uiga e tatau ona e le toe ola i lenei lalolagi. ¹¹ A o lenei ua 'ou tusi atu ia te outou, ina ia aua ne'i outou feofeoa'i ma so o se tasi e ta'ua o outou uso, ae o lo o ola i feusuaiga le tatau, po o e matape'ape'a, po o e ifo i tupua, po o e gutu leaga, po o e onana, po o e faomea. Aua fo'i ne'i outou aai faatasi ma nei ituaiga tagata. ¹² Ae aisea oute faamasino atu ai fua ia i latou o i fafo ma le lotu? Ae peita'i, e le o tatou ea tatou te faamasino ia i latou o lo o i totonu o le lotu? ¹³ Ae e faamasino le Atua ia i latou o i fafo, "Ia outou tuliese le tagata amio leaga o ia te outou.