¹ O’u uso e, ina ua ou alu atu ia te outou, ou te lei alu atu ma ni upu malie ma le poto ina ua ou folafola atu le mea moni sa natia e uiga I le Atua. ² Aua na ou filifili ia aua nei ou iloa se tasi mea a’o o’u iai ma outou, tau lava o Iesu Keriso, le na faasatauroina. ³ Aua na ou iai ia te outou ma le vaivai, ma le mata’u ma le gatete tele. ⁴ O la’u ta’utinoga ma la’u talaiga e lei faia I upu faatauanau o le poto. Ae peitai, o upu na faasino mai e le Agaga Paia ma le mana. ⁵ Ina ia le iai lo outou faatuatua I le poto o tagata, a’o le mana o le Atua. ⁶ O lea ua matou tautala ai ma le poto I e ua faamatuaina, ae le’o le poto o lenei lalolagi, poo alii sili o lenei augatupulaga ua mou malie atu lava. ⁷ Ae peitai, matou te tautala I le poto o le Atua o le upu moni sa lilo, na afuafua mai e le Atua a’o lei oo mai augatupulaga ua mavae, ina ia faamamaluina ai I tatou. ⁸ O le mea e le’I iloa e se alii sili o lenei lalolagi, aua foi ana latou malamalama iai, po ua latou le faasatauroina le Alii e ona le mamalu. ⁹ Ae pei ona tusia, o mea e lei vaai e mata, e lei lagona foi e taliga e lei oo foi I se loto o se tagata, o mea ia ua saunia e le Atua mo I latou o e alolofa ia te ia. ¹⁰ O mea nei ua faaali mai e le Atua ia te I tatou e ala mai I le Agaga Paia. Aua e suesue e le Agaga Paia mea uma, e oo I mea loloto uma a le Atua. ¹¹ Aua o ai na te iloa mafaufauga o le tagata, sei vagana ai le agaga o le tagata ua I totonu ia te ia? E faapea foi mea loloto a le Atua, e leai se tasi na te iloa, ua na’o le Agaga o le Atua. ¹² A ua maua e I tatou e le o le Agaga o le lalolagi, ao le Agaga mai le Atua, ina ia tatou iloa o mea ua foai fua mai e le Atua ia te i tatou. ¹³ O upu foi matou te tautala ai I nei mea, e a’oa’oina mai e le Agaga ia te I matou, e le mafai e le atamai o le tagata ona aoaoina. E faamatala foi e le Agaga upu faaleagaga I le poto faaleagaga. ¹⁴ Ae le maua e le tagata faaletino, o mea e faatatau I le Agaga o le Atua, aua o le mea valea lea ia te ia. Na te le mafai foi ona iloa, aua e faamasinoina faaleagaga. ¹⁵ O le tagata faaleagaga na te faamasino I mea uma, ae le mafai ona faamasinoina o ia e se tasi. ¹⁶ “Aua o ai ua ia iloa le manatu o le Alii, na te mafai ai ona faatonu ia te ia?” A ua tatau maua le mafaufau o Keriso.