¹ O a'u o Paulo, ua valaauina e Keriso Iesu e fai ma Aposetolo ona o le finagalo o le Atua, atoa ma Sosene lo tatou uso, ² mo le ekalesia a le Atua i Korinito, o i latou na faamamaina ia Keriso Iesu ma valaauina e fai ma tagata pa'ia, faapea ma i latou uma mai soo se mea o lo o latou valaau atu ai i le Igoa o lo tatou Alii o Iesu Keriso, o lo latou Alii, e faapea fo'i i tatou. ³ Ia ia te outou le alofa tunoa ma le filemu mai le Atua lo tatou Tama ma le Alii o Iesu Keriso. ⁴ E fai ma a'u masani ona ou avatu le faafetai i lo'u Atua mo oe, ona o le alofa tunoa o le Atua na foa'i atu e Keriso Iesu ia te oe. ⁵ Ua ia faatama'o'aigaina outou i ala uma, i le lauga atu ma le malamalama uma. ⁶ e pei ona faamaonia mai ia te outou le moni o le molimau ia Keriso. ⁷ O lea ua le matitiva ai outou i meaaalofa faaleagaga, a o outou faatalitali atu ma le faamoemoe mo le faaaliga a lo tatou Alii o Iesu Keriso. ⁸ E na te faamalosia fo'i outou se'ia oo i le i'uga, ina ia leai se mea e tu'ua'ia ai outou i le aso o lo tatou Alii o Iesu Keriso. ⁹ E faamaoni lava le Atua, o le na vaalauina outou i le mafutaga ma lona Alo o Iesu Keriso lo tatou Alii. ¹⁰ O lenei oute ai'oi atu ia te outou, o'u uso e, e ala i le Suafa o lo tatou Alii o Iesu Keriso, ua outou malilie uma, ina ia leai se fevaevaea'i ia te outou. Oute ai'oi atu ina ia tuufaatasia outou i le mafaufau e tasi, ma le faamoemoe e tasi. ¹¹ Aua ua oo mai ia te a'u tala e uiga ia te outou, o'u uso e, e mai tagata o Keloe, faapea o lo o i ai fe'ese'esea'iga ia te outou. ¹² O la'u tala moni lenei: Ua ta'ito'atasi outou ma fai mai, "O a'u oute ia Paulo", po o "O a'u oute ia Apolo", po o "O a'u oute ia Kefa", po o "O a'u oute ia Keriso". ¹³ Po ua mavaevae ea Keriso?, Na faasatauroina Paulo mo outou? Na papatisoina outou i le igoa o Paulo? ¹⁴ Oute faafetai i le Atua ona oute le i papatisoina se tasi o outou, se i vagana ai Kiripo ma Kaio. ¹⁵ O le mea lena, ina ia leai se isi o outou e fai mai na papatisoina oe i lo'u igoa. ¹⁶ (Na ou papatisoina fo'i le aiga o Setefana. E ese mai lena, oute le iloa pe na ou papatisoina se isi o outou) ¹⁷ Aua e le i auina mai a'u e Keriso e paptiso atu, ae tala'i atu ia te outou le talalelei - e le ona o le atamai i upu, ina ia aua ne i avesea le mana mai le satauro o Keriso. ¹⁸ Aua o le mataupu i le sataro o le vale lea i e o malaia, a o le mana o le Atua ia i latou ua faaolaina. ¹⁹ Aua ua tusia, "Oute faaumatia le poto o e popoto, ma oute tuueseina le malamalama o e atamamai" ²⁰ O fea le tagata poto? O fea le na a'oa'oina?, O fea le finauina mea o lenei lalolagi? E le i liua ea e le Atua le poto o lenei lalolagi ma mea faavalevalea? ²¹ Aua o le poto o le lalolagi ua latou le iloa ai le Atua, e fiafia le Atua e faaolaina i latou o e talitonu e ala i le valea o le laugaina o lana upu. ²² Aua ua fesili mai Iutaia ini faailoga i vavega, o lo o saili mai e Eleni le poto ²³ Ae matou te laugaina le faasatauroina o Keriso, o se mea e inoino i ai Iutaia ae o le valea i tagata o Eleni. ²⁴ A o i latou ua vaalauina e le Atua, o i la'ua o le Iutaia ma le Eleni, matou te lauga Keriso aua o le mana ma le poto o le Atua. ²⁵ Aua o le valea o le Atua e poto atu i le poto o tagata, o le vaivai o le Atua e malosi atu i le malosi o tagata. ²⁶ Ia outou vaai i lo outou valaauina, o'u uso e, e le to'atele nisi o outou e popoto pe a fua i le poto o lenei lalolalgi. E le toatele nisi o outou e malolosi. E le to'atele nisi o outou na fananau mai i aiga taualoa. ²⁷ Ae na filifilia e le Atua mea valea o lenei lalolagi e faamaina ai le poto. Na filifilia e le Atua mea vaivai o lenei lalolagi e faamaina ai mea malolosi. ²⁸ E filiflia e le Atua mea maualalo ma mea e faatauvaa i le lalolagi. E nate filifilia fo'i mea ua leai so latou taua, ina ia suia mai i le leai o so latou taua, e avea ma mea e sili ona taua. ²⁹ Na ia fai lenei mea, ina ia aua lava ne'i i ai se mea e tasi ua tatou maua o le tino nei, tatou te miatmita fua ai i ona luma ³⁰ Ona o le mea na faia e le Atua, o lenei ua e i totonu o Keriso Iesu, o le ua ave o Ia ma poto mo i tatou mai le Atua. Ua avea o Ia ma tatou amiotonu, faapaiaina ma lo tatou faaolaina. ³¹ O le tali lena e pei ona tusia, "A e mitamita, ia e mitamita i le Alii"