¹ Afai oute tautala i gagana a tagata ma agelu, ae leai so'u alofa, ua avea a'u na o ni mea tagitagi e faatiga taliga. ² Afai fo'i e ia te a'u le meaalofa o le perofeta ane, ma ou iloa o mea lilo uma i le poto ma le malamalama ua natia, ma ou maua le faatuatua uma oute faatonu ai i mauga e mou ese, ae leai so'u alofa, o a'u lava ua na o se tagata e gaogao i i. ³ Afai fo'i oute foaina atu uma lo'u oa ma lo'u tamaoaiga e fafaga a'i e matitiva, ma ou foaina atu lo'u tino e susunuina, ae leai so'u alofa, ou te le maua se mea e tasi mai ia mea uma. ⁴ E onosa'i le alofa ma agamalu. E le lotoleaga le alofa ma e le faalialia vale fo'i. E le mimita ⁵ pe amio mataga. E le manatu faapito na o ia lava. E le itaita gofie, na te le taofia fo'i i lona loto ni sese o nisi. ⁶ E le fiafia o ia i le amio leaga. Ae olioli i le mea moni. ⁷ O le alofa e lavatia mea uma, na te mafaia mea uma i le faatuatua, ma lona faamoemoe atoa ma lona onosaia o mea uma. ⁸ E leai se mea e gata mai ai le alofa. Afai e i ai o ni faaperofetaga, e i'u ina mavae atu. Afai e i ai ni gagana ese, e i'u ina mou atu. Afai e i ai o le poto, e i'u ina mavae atu. ⁹ Aua ua le atoatoa lo tatou iloa ma le atoatoa a tatou faaperofetaga. ¹⁰ Ae a oo mai le ua atoatoa, ona aveeesea lea o so tatou le atoatoa. ¹¹ A o o'u tamaititi, sa ou tautala faatamaititi, sa ou manatunatu fo'i faatamaititi. Ae ina ua ou matua, ona ou tuuese lea o mea faatamaiti. ¹² O lenei ua le manino la tatou vaai atu ina ua faafesaga'i ma le faata. A o lenei ua ou iloa na o se vaega, ae mulimuli ane ona ou iloa atoatoa lea e pei ona ou iloaina atoatoa muamua. ¹³ Ae peita'i i le taimi nei, e tumau pea mea nei e tolu: faatuatua, faamoemoe, atoa ma le alofa. Ae silisli lava i nei mea uma o le alofa.