¹ Ia fa'ata'ita'i mai iā te a'u, e pei ona ou fa'ata'ita'i iā Keriso. ² O lenei, ou te fa'aeaea lava outou ona o lo outou manatu mai iā te a'u i mea uma. Ou te fa'aeaea ona o lo outou taofimau i tu masani e pei ona ou tu'uina atu iā outou. ³ O lenei ou te mana'o ia outou malamalama o Keriso o le ulu lea o tagata uma, o le tane o le ulu lea o le fafine, ma o le Atua o le ulu lea o Keriso. ⁴ O so'o se tane e tatalo pe perofeta ane ae o lo'o ufiufi lona ulu, ua fa'alumaina lona ulu. ⁵ Ae o so'o se fafine e tatalo ma perofeta ane ae o lo'o ufiufi lona ulu, ua fa'alumaina lona ulu, aua e tutusa lava ma le oti ese ina o lona laulu. ⁶ A o le fafine e lē ufiufiina lona ulu, e tatau ona oti fa'apupu'u lona laulu. Ae afai e maasiasi o ia pe a oti lona laulu ona tu'u lea o ia e ufiufi i lona ulu. ⁷ E le tatau i le tane ona ufiufi lona ulu, aua o ia o le fa'atusa ma le mamalu o le Atua, a'o le fafine o le mamalu lea o le tane. ⁸ E le'i faia le tane mai le fafine, ae o le fafine na faia o ia mai le tane. ⁹ Aua e le'i faia le tane mo le fafine, ae o le fafine na faia mo le tane. ¹⁰ O le mafua'aga lea e tatau ai i le fafine ona i ai se fa'ailoga o se pule i luga o lona ulu, ona o agelu. ¹¹ Ae o le taua lea, i le Ali'i, e le tuto'atasi le fafine mai le tane, e le tuto'atasi fo'i le tane mai le fafine. ¹² Aua e pei ona sau le fafine mai le tane, e fa'apena foi i le tane e sau mai le fafine, ma o mea uma lava e mai le Atua lea. ¹³ Ia filifili lava outou ia: Pe e talafeagai ea i le fafine ona tatalo atu i le Atua ma lona ulu e lē ufiufia? ¹⁴ E le o a'oa'oina ea outou e le natura i lea mea, pe afai e uumi le lauulu o le tane, ua lē ava ea o ia? ¹⁵ E le o a'oa'oina ea outou e le natura, afai e uumi lauulu o le fafine, o lona mamalu lea? Aua ua avatu iā te ia lona laulu e fai ma ufiufi. ¹⁶ Ae afai e finaua'i se tasi i lenei mea, e leai lava la se isi matou tu masani, e o'o foi i le ekalesia a le Atua. ¹⁷ A o nisi nei o fa'atonuga, oute le fa'aea ia te outou, aua a outou omai ma potopoto fa'atasi, ua lē ose mea e lelei, ae ua leaga tele. . ¹⁸ O le mea muamua lava, ua ou fa'alogo pe a outou omai fa'atasi i le lotu, e fevaevaea'i lava outou, ma oute talitoni i nisi o tala ia. ¹⁹ Ona e tatau lava ona vaevae outou i vaega, ina ia mafai ona e iloa tonu tagata ua fa'amaoniaina o i latou. ²⁰ A outou omai fa'atasi, e fa'apea lava outou o lo'o outou aai i le Talisuaga a le Ali'i, ae e leai. ²¹ Aua pe a aai outou, e ai lava le tagata ia i laga meaai ae le'i aai o isi. O isi ua fiaa'ai a'o isi ua onanā. ²² E leai ea ni tou aiga tou te aai ma feinu ai? Ua le ava ea outou i le ekalesia a le Atua ma fa'alumaina i latou e leai ni mea e maua? O le a ea la'u tala o le a fai atu ia te outou? Pe oute fa'aeaea ia outou? Ae oute te le fa'aeaea ia te outou ona o lenei mea. ²³ Na ou maua mai le Ali'i lea mea na ou tufaina atu ia te outou, e fa'apea i lea lava po na faalataina ai le Ali'i o Iesu, sa tago ai o ia i le areto. ²⁴ Ua ia avatu le fa'afetai, ona tofitofi lea o le areto ma fai atu, " O lo'u tino lenei, ua tu'uina atu mo outou. Ia outou faia lenei mea e manatua ai pea a'u. ²⁵ Ua fa'apea fo'i ona tago atu i le ipu ina ua uma le taumafataga, ma fa'apea mai, "O le ipu lenei o le feagaiga fou lea i le lou toto. Ia fai lenei mea i le tele o taimi tou te feuni ai, e manatua ai a'u." ²⁶ Aua o le taimi lava tou te aai ai lenei areto ma feuni lenei ipu, ua outou folafola atu le maliu o le Ali'i seia o'o i le toe afio mai o ia. ²⁷ O lenei, ai sē ai lenei areto, pe inu i le ipu a le Ali'i ma le lē migao, e nofo sala o ia i le tino ma le toto o le Ali'i. ²⁸ A ia suesue ifo le tagata ia te ia lava, ae lei ai i le areto ma inu i lea ipu. ²⁹ Aua o le ai ma inu e aunoa ma se malamalama manino i le tino, e fa'amasinoina i latou. ³⁰ O le mafua'aga lea ua mama'i ai nisi, ma ua feoti ai nisi o outou. ³¹ Ae afai e suesue lava tatou ia tatou, e le fa'amasinoina i tatou. ³² A e afai fo'i e fa'amasinoina i tatou e le Ali'i, o lo'o a'oa'oina ai tatou, ina ia aua ne'i fa'asala tatou fa'atasi ma le lalolagi. ³³ O le mea lea, uso e, pe a outou potopoto fa'atasi e aai, ia fa'atali le tasi i le tasi. ³⁴ A o se ua fia ai lava, ia ai o ia i lona aiga, ina ne'i avea ma mea e fa'amasinoina ai pe a potopoto fa'atasi. A o isi mea na outou tusia, oute avatu fa'atonuga pe ou toe sau.