¹ O’u uso e, ou te manao ia outou iloa, na I lalo o tatou Tama I le ao, na latou ui ane uma i le sami. ² Na papatisoina uma I latou ia Mose I le ao ma le sami. ³ Na aai uma foi I le meaai faaleagaga. ⁴ Na feinu uma foi I le vai faaleagaga. Aua na latou inu mai le papa faaleagaga na mulimuli ia te I latou. O lena papa foi o Keriso lea. ⁵ Ae peitai o le toatele o I latou ua le fiafia iai le Atua, aua na faataatitia solo o latou tino I le vao. ⁶ Na fai nei mea ma faata’ita’iga mo I tatou, ina nei tatou loto atu I mea leaga sa latou faia. ⁷ Aua foi tou te ifo I tupua, pei o isi o I latou. E pei ona tusia, “Ua nonofo I lalo tagata e aai ma feinu, ona latou tutu lea I luga e sisiva. ⁸ Aua foi nei tatou faitaaga, e pei ona faia e I latou. Na mafua ai ona fano o tagata e lua sefulu ma le tolu o afe. ⁹ Aua foi tatou te faatiga ia Keriso, e pei ona faatiga ai le toatele o I latou ma faaumatia ai e gata. ¹⁰ Aua foi tou te muimui, e pei ona muimui ai le toatele o I latou ma faaumatia ai e le agelu o le oti. ¹¹ Na oo nei mea ia te I latou ina ia fai ma faata’ita’iga mo I tatou, Na tusia foi e fai ma faatonuga mo I tatou e ua aulia mai augatupulaga e gata ai. ¹² O lenei, o le manatu o loo tu o ia, ia faaeteete ia ne’I pa’u. ¹³ E leai se tofotofoga e oo ia te outou e ese mai I tofotofoga e oo I tagata uma. Ae faamaoni le Atua. Na te le tuuina ia te outou se tofotofoga e sili I mea ua outou gafatia. Ae na te saunia faatasi ma le faaosoosoga le auala tou te sao ai, ina ou outou mafaia ona onosa’ia. ¹⁴ O le mea lea, le au pele e, ia outou sosola ese mai le ifo I Tupua.

¹⁵ Ou te tautala atu ia te outou o e ua iai le malamalama, ina ia faamasinoina e outou mea ou te fai atu ai.

¹⁶ O le ipu o le manuia o loo tatou faamanuia ai, e leo le mafuta faatasi ea lea ma le toto o Keriso? O le areto o loo tatou tofitofi ai, e leo le mafuta faatasi ea lea ma le tino o Keriso?

¹⁷ Aua o I tatou uma, e ui ina toatele ae ua tino e tasi, ae tofutofusia faatasi I tatou uma I le areto e tasi. ¹⁸ tatou vaavaai I le nuu o Isaraelu, E le o I latou uma o e auai i faigataulaga latou te aai foi I le taulaga?

¹⁹ O le a la lona uiga? E iai ea se taua o tupua, pe iai foi se taua o meaai ua faataulagaina mo tupua? ²⁰ Ae ou te talanoa atu I mea ua faataulaga e nuu ese faapaupau. Latou te ofoina atu nei taulaga I temoni ae le’o le Atua. Ou te le mana’o ina ia outou mafutafuta faatasi ma temoni! ²¹ E le mafai ona outou inu I le ipu a le Alii ma le ipu a temoni. E le mafia foi ona outou mafuta I le laulau a le Alii ma le laulau a temoni. ²² Pe tatou te faatupu ea le fua o le Alii? Pe sili atu ea lo tatou Malosi ia te ia? ²³ O tatala mea uma, ae le o mea uma e aoga. Ua tatala mea uma, ae leo mea uma e atiina a’e ai I luga tagata. ²⁴ Aua nei saili e se tasi lona lava lelei, A ia taitasi ma saili le lelei o le la te tuaoi. ²⁵ E mafia ona ‘ai soo se mea lava o loo faatau I le maketi, aua lava nei fesili ina nei afaina le loto fuatiaifo.

²⁶ Aua o le lalolagi e i le pule a le Alii, ma mea uma lava o loo iai.

²⁷ Afai e valaaulia oe e se tagata le talitonu lua te aai, afai e te taliaina le valaau, ia outou aai I mea uma lava ua laulauina atu ia te outou, aua lava le fesili ina nei afaina le loto fuatia ifo. ²⁸ Ae afai e fai atu se tasi ia te oe, “O mea nei na ofoina mo taulaga,” aua tou te aai ai, ina nei afaina le loto fuatia ifo a le na ta’uina atu ia te oe, aemaise ai le afaina o loto fuatia ifo. ²⁹ O le loto fuatia ifo lea ou te fai atu ai, o le loto fuatia ifo o le tasi tagata ae le o lou loto fuatia ifo. Aisea o le a faamasinoina ai lo’u saolotoga I le loto fuatia ifo o leisi tagata? ³⁰ Afai o loo o’u ‘ai ma le loto faafetai, aisea ua upuleagaina ai a’u ona o le mea ua avatu ai lo’u agaga faafetai? ³¹ O lenei pe tou te aai pe tou te inu, ia faia mea uma I le viiga o le Atua. ³² Aua nei faatiga I tagata Iutaia, poo Eleni poo le ekalesia a le Atua. ³³ O a’u foi ou te taumafai ina ia faafiafia tagata uma I mea uma. Ou te le saili so’u lava manuia, ae o le manuia o tagata e toatele. Ou te faia lenei mea ina ia faaolaina I latou.