¹ Lalela kuhlakanipha kukubita ? Kucondza kuyamemeta yini? ² Etulu etintsabeni eceleni kwemigwaco, lokuhlangana khona imigwaco. Kuhlakanipha kutsetse indzawo. ³ Ngaphambili kwemagede ekungena edolobheni, ekungeneni kwasedolobheni , uyamemeta ⁴ Ngikhuluma nani, bantfu, ngibita nine; emavi ami ebantfu bonkhe. Nine ⁵ lenilibele, fundzani kuhlakanipha; phindze nani nine lenilibele; tfolani tingcondvo leticondzile. ⁶ Lalelani ngoba ngitonichazela tintfo letikahle kakhulu, nakuvuleka umlomo wami ngitokhuluma tintfo letilungile. ⁷ Ngoba umlomo wami ukhuluma lokutsembekile, kungatsembeki kuyawugonyulukisa umlomo wami. ⁸ Onkhe emavi emlomo wami alungile; kute lokuphambene nobe lokudukisako lakucuketse. ⁹ Onkhe lamavi ami emuntfu locondzako; emavi ami alungile alabo labatfola lwati. ¹⁰ Tfola tecwayiso esikhundleni selisiliva; tfola lwati esikhundleni seligolide lelihlantekile. ¹¹ Ngoba inhlakanipho incono kunebucwebe; kute bucwebe lobungalinganiselwa kuye. ¹² Mine, Nhlakanipho, ngihlala nelwati lwemphilo, phindze ngiphetse lwati nekucophelisisa. ¹³ Kwesaba Simakadze kwenyanya lokukhohlakele. Ngiyakwenyanya kutati nekutigcaba, indlela lekhohlakele, tinkhulumo tebucaba. Ngiyakwenyanya konkhe. ¹⁴ Ngiphetse tecwayiso letinhle nekuhlakanipha lokwetsembekile; nginekucondza lokungiko; emandla ngewami. ¹⁵ Ngami emakhosi ayabusa, phindze tishaya mtsetfo tibeka imitsetfo lengiyo. ¹⁶ Ngami tinkhosana tiyabusa, tindvuna nabo bonkhe lababusa ngekungabandlululi. ¹⁷ Ngitsandza labo labangitsandzako, nalabo labangifuna ngesineke, bangitfole. ¹⁸ Ngami kunengcebo nekuhlonishwa, kunjinga lokungapheli nemphilo yekulunga. ¹⁹ Titselo tami tincono kuneligolide, ngisho neligolide lelitsambile; titselo tami tincono kunelisiva lelicengiwe. ²⁰ Ngihamba endleni yekulunga, endleni yekungabandlululi. ²¹ Kanjalo, ngenta labo labangitsandzako banjinge; ngigcwalisa bucwebe bakho ²² Simakadze wangidala ekucaleni, ngaba wekucala etintfweni latidala ekucaleni. ²³ Wangidala kadzeni kakhulu-kusukela ekucaleni ngca, kusukela ekucaleni kwemhlaba. ²⁴ Ngapgambi kwekutsi kwakhiwe lwandle, ngadalwa- ngaphambi kwekutsi kube netiyalo temanti. ²⁵ Ngaphambi kwekutsi kube netintsaba, ngatalwa. ²⁶ Ngatalwa ngaphambi kwekutsi Simakadze adale umhlaba nobe emasimu, ngisho nelutfuli lwekucala emhlabeni kusete. ²⁷ Bengikhona Simakadze nakakha emazulu, nakadvweba indingilizi letungeletela kutsi liso lemuntfu litobona ligcinephi elwandle. ²⁸ Bengikhona nakadala emafu etulu phindze nakadala tiyalo lengingephasi kwelwandle. ²⁹ Bengikhona nakadala kutsi lwandle litogcinaphi, kute emanti angengci lalashito khona, phindze lokutogcina khona umhlaba lowomile. ³⁰ Bngiseceleni kwakhe, njengembati lomkhulu; bengiyinjabulo yakhe onkhe malanga, ngijabulile embikwakhe. ³¹ Bengijabulile kuyoyonkhe indalo yakhe, kutfokota kwami bekusemadvodzaneni ebantfu: ³² Nyalo, madvodzana ami, lalelani, labo labagcina tifundziso tami bayobusiseka ³³ Lalelani umlayeto wami bese niyahlakanipha; ningayidlabhatisi. ³⁴ Loyo lolalela mine uyobusiseka. Labo labema ngaphandle emnyango wami onkhe malanga, bangimele khona. ³⁵ Loyo lotfola mine,utfola kuphila, phindze atfole lutsandvo lwaSimakadze. ³⁶ Kepha loyo lohlulekako, ulimata imphilo yakhe; wonkhe lonyanya mine utsandza kufa.''