¹ Ndvodzana yami, landzela emavi ami phindze ugcine nemitsetfo yami kuwe. ² Landzela imitsetfo yami uphile ulandzela teluleko tami tibe mcoka kakhulu kuwe. ³ Uyibhale phasi uyikhungele eminweni yakho; wabhale enhlitiyweni yakho. ⁴ Tsani kulwati, ''ungudzadzewetfu,'' phindze ubite kucondza ngesihlobo sakho, ⁵ kute utotiphephisa emfatini lophingako, khashane nemavi lashelelako engwadla. ⁶ Efasitelweni lendlu yami bengihlola ngephandle etikhaleni telikhethini. ⁷ Ngabuka labantfu labalibele, ngaphindze nganaka kibo bekunemajaha lamancane ngeminyaka ete ingcondvo ⁸ Wengca ngesitaladi lesidvutane nelikona lalomfati, phindze wahamba waya macondzana nalendlu yakhe lomfati. ⁹ Kwakukuhliswa, entsambama, ngesikhatsi sebusuku nebumnyama. ¹⁰ Kulapho ladibana khona nemfati, ngekugcoka afana nengwadla, netinhloso letingalungi. ¹¹ Bekamemeta enta matsandza, bekangahlali ekhaya. ¹² Nyalo etitaladini, wabese uya emakethe, phindze lonkhe likona lelikhona ahlala kilo agadze kutuma indvodza. ¹³ Ngakoke wayibamba lendvodza wayigodla phindze wayicabuza, ngebuso besibindzi watsi kulendvodza, ¹⁴ ''Ngente umnikelo wekudla namuhla, ngagcwalisa tifungo tami, ¹⁵ ngakoke ngiphume ngitohlangana nawe, ngitobona wena, ngakutfola. ¹⁶ Ngendlale emashidi embhedzeni wami,lamabalala ekwakhiwa eGibhithe. ¹⁷ Ngivuvutele umbhendze wami ngemakha emyrrh, tinhlaba nesinamoni. ¹⁸ Wota, sijabulisane kuze kuse; sijabulisane ngatotonkhe tindlela tekulalana. ¹⁹ Ngoba indvodza yami ayikho ekhaya, uhambe luhambo loludze. ²⁰ Uhambe nelisaka lemali; utobuya inyeti uma igcwele. ²¹ Ngekukhuluma wayiheha lendvodza; ngetindzebe talomfati letishelelako wayiphambukisa lendvodza. ²² Ngekushesha lendvodza yamlandzela lomfati njengenkhabi iyawuhlatjwa, njengenyamatane ibanjwe ngusochaka, ²³ kute umtingeli atoyicedzela. Lendvodza yayifana nenyoni ingena esitsiyweni. Bekangati kutsi utobhadala ngemphilo yakhe. ²⁴ Ngakoke, madvodzana ami,ngilaleleni; lalelisani loku lengikushoko. ²⁵ Inhlitiyo yakho ayingayi ngakuye lomfati; ungaphambukeli ngasetentweni letifana netakhe. ²⁶ Lomfati sobangele bantfu labanengi kutsi bafe, banengi lakabacedzile. ²⁷ Indlu yakhe isendleleni leya kulabafile; yehlela entasi emathuneni.