¹ Ndvodzana yami, uma ubeka imali yakho eceleni ubekela kuboleka makhelwane, uma ngabe utsembise kuboleka umuntfu longamati, ² kanjalo sotitsiye wena ngesitsembiso sakho phindze watibamba ngemagama emlomo wakho. ³ Uma ubanjwe magama akho, ndvodzana yami, yenta naku utotisindzisa, ngoba sowele esandleni samakhelwane wakho; hamba utitfobe wakhe sivumelwano namakhelwane wakho. ⁴ Ungavumi emehlo akho alale netinkhophe takho tingabutfoli butfongo. ⁵ Tisindzise njenge nyamatane etandleni temtingeli, njenge nyoni esandleni semtingeli wetinyoni. ⁶ Buka intfutfwane, muntfu lovilaphako, fundza tindlela tayo phindze uhlakaniphe. ⁷ Ite umphatsi, nobe indvuna, nobe umholi, ⁸ kepha iyabeka kudla kwayo ehlobo phindze nayivuna iyabeka letokudla. ⁹ Utolala sikhatsi lesidze kanganani, wena muntfu lovilaphako? Utovuka nini ebutfongweni bakho? ¹⁰ Butfongwana nje, kucimeta nje kancane, kugoca tandla kancane ngiphumule- ¹¹ indlala yakho itofika njenge lisela phindze netidzingo takho njengembutfo lohlomile. ¹² umuntfu longenamsebenti- umuntfu lokhohlakele- lophila ngekucamba emanga, ¹³ lofica emehlo, lowenta timphawu ngelunyawo lwakhe phindze akhombe ngemino yakhe. ¹⁴ Lohlela kukhohlakala ngekutentisa enhlitiyweni yakhe; uhlale abanga kucabana. ¹⁵ Ngakoke tehlakalo takhe titamukhandza ngekushesha; ngaleso sikhatsi utobe sekalimele lokungeke kusaphola. ¹⁶ Kunetintfo letisitfupha Simakadze latenyanyako, letisikhombisa letimgonyulukisako: ¹⁷ Emehlo alotitsembako, lulwimi lolucamba emanga , tandla leticitse ingati yalabamsulwa, ¹⁸ inhlitiyo leyakha tinhloso tenkhohlakalo, tinywalo letigijimela kuyokwenta lokukhohlakele, ¹⁹ fakazi lophefumula emanga naloyo lohlanyela kucabana kubanakabo. ²⁰ Ndvodzana yami, landzela umtsetfo weyihlo phindze ungayilahli imfundziso yenyoko. ²¹ Hlala uyikhungele enhlitiyweni yakho; ikhungele entsanyeni yakho. ²² Uma uhamba, titokuhola endleleni; uma ulala, titokugadza; nanasovuka, titokufundzisa. ²³ Ngoba lemitsetfo isibane, naletifundziso tikukhanya; leticondziso letita ngemitsetfo tiyindlela yekuphila. ²⁴ ikuvikela emfatini lophingako, emagameni lashelelako emfati lophingako. ²⁵ Ungahawukeli enhlitiyweni yakho buhle bakhe phindze ungamvumeli akubambe ngetinkhophe takhe. ²⁶ Kulala nengwadla kungabita linani lelifana nemali yesinkhwa, kepha umfati webantfu ungabhadala ngemphilo yakho. ²⁷ Indvodza ingawuphatsa yini umlilo esifubeni sayo tembatfo tingashi? ²⁸ Indvodza inganyatsela yini emalahleni lashisako ngaphandle kwekuyobuka tinyawo? ²⁹ Indvodza lengena kumfati wamakhelwane wakhe; lona lomtsintsile ngeke ahlale angajezi. ³⁰ Bantfu abasenyanyi sigebengu naseba sebela kucedza tidzingo taso nasilambile. ³¹ Kepha uma angabanjwa, utobhadala ngalokuphindvwe kasikhombisa kuloko latabe akwebile; kutomele abhadale ngalokunesisindvo endlini yakhe. ³² Loyo lophingako akanangcondvo; lona lowenta loku utibulala yena. ³³ Tilondza nelihlazo timfanele phindze emahlazo akhe ngeke asuswe. ³⁴ Ngoba umona wenta indvodza ikwate igone lulwabu, ngeke ivete sihawu nayatiphindziselela. ³⁵ Ngeke amukele sincephetelo futsi ngeke umbhadale kutsi ayekele, noma umnika tipho letinyenti.