Sehluko 15

1 Simakadze wakhuluma kuMosi na Aroni, watsi, ''Khulumani kubantfu baka Israyeli, nitsi, 2 ''Uma nome ngubani umuntfu akhipha lokungemanti lanemagciwane emtimbeni wakhe, uba ngulongcolile. 3 Lokungcola kwakhe kubangelwa nguloku lokungemanti lokunemagciwane. Nome uyachubeka kukhipha lamanti nome sekuyema, kungcolile. 4 Wonkhe umbhedze lalala kuwo ungcolile, nako konkhe lahlala kuko kutaba ngulokungcolile. 5 Wonkhe lotsintsa umbhedze wakhe kumele awashe timphahla takhe abuye ageze ngemanti, utaba ngulongcolile kuze kube kusihlwa. 6 Nome ngubani lohlala lapho kuke kwahlala lomuntfu lonalokukhipha emanti lanemagciwane, kufanele awashe timphahla takhe abuye ageze umtimba ngemanti, utaba ngulongcolile kuze kube kusihlwa. 7 Wonkhe lotsintsa umtimba walomuntfu lokhipha lamanti lanemagciwane kufanele awashe timphahla takhe abuye ageze umtimba ngemanti, abe ngulongcolile kuze kube kusihlwa. 8 Uma lomuntfu analokuphuma lokunje kwemanti akhafulela lomunye umuntfu lohlobile, loyo muntfu kufanele awashe timphahla takhe aphinze ageze umtimba ngemanti, utaba ngulongcolile kuze kube kusihlwa. 9 Nome ngusiphi silwane lesigitjelwako lasigibelako lowo lokhipha emanti sitaba ngulesingcolile. 10 Ngakoke noma ngubani lotsintsa lokuke kwaba ngaphansi kwalowo muntfu utaba ngulongcolile kuze kube kusihlwa, futsi nome ngubani lowetfwala letotintfo kufanele awashe timphahla takhe aphindze ageze umtimba ngemanti, utaba ngulongcolile kuze kube kusihlwa. 11 Nome ngubani lotsintfwa ngulomuntfu lokhipha lamanti angakagezi tandla kufanele awashe timphahla takhe aphindze ageze umtimba ngemanti, utaba ngulingcolile kuze kube kusihlwa. 12 Lonkhe ludziwo lolutsintfwa ngulokhipha lamanti langcolile emtimbeni wakhe kufanele luphihlitwe, sonkhe sitja sesigodvo kufanele siyakatwe ngemanti. 13 Uma lowo lokhipha lamanti langcolile asahlanjululiwe kulokungcola, kufanele atibalele tinsuku letisikhombisa mayelana nalokuhlanjululwa kwakhe ; bese uwasha timphahla takhe ageze umtimba wakhe emantini lagijimako. utaba ngulohlobile. 14 Ngelilanga lesiphohlongo kufanele atsatse ematuba lamabili nome emazini lamabili asondzele kuSimakadze ekungeneni kwelithende lekuhlangana; lapho kumele atinike umpristi letinyoni. 15 Umpristi kufanele awanikele, linye libe ngumnikelo wesono lelinye libe ngumnikelo wekushiswa, lompristi kufanele amncusele embikwa Simakadze ngenca yalokungcola. 16 Uma nome ngubani umuntfu lokhipha sidvodza, kufanele ageze wonkhe umtimba wakhe emantini; utaba ngulongcolile kuze kube kusihlwa. 17 Konkhe kwembatsa nome sikhumba lesinesidvodza kufanele siwashwe ngemanti; kutaba ngulokungcolile kuze kube kusihlwa. 18 Uma indvodza ilala newesifazane bese kuphuma sidvodza, bobabili kufanele bageze umtimba ngemanti babe ngulabangcolile kuze kube kusihlwa. 19 Uma wesifazane asemfuleni, kungcola kwakhe kutawuchubeka emalanga lasikhombisa, wonkhe lomtsintsako utaba ngulongcolile kuze kube kusihlwa. 20 Konkhe lalala etikwako ngalesikhatsi semfula kuye kutaba ngulokungcolile. 21 Nome ngubani lotsintsa umbhedze wakhe kufanele awashe timphahla takhe aphindze ageze umtimba emantini; lowo muntfu utaba ngulongcolile kuze kube kusihlwa. 22 Nome ngubani lotsintsa nome yini lahleli etikwayo kufanele awashe timphahla takhe abuye ageze umtimba emantini; lowo muntfu utaba ngulongcolile kuze kube kusihlwa. 23 Noma kusembhedzeni noma yini lahlala kuyo,uma akutsintsa, lowo muntfu utaba ngulongcolile kuze kube kusihlwa. 24 Uma noma nguyiphi indvodza ilala naye, uma lokopha kwakhe lokungcolile kumtsintsa, utaba ngulongcolile emalanga lasikhombisa. Wonkhe umbhedze lalala kuwo lona lomdvuna utaba ngulongcolile. 25 Uma wesifazane opha emalanga lamanyenti kungasiko kutsi sikhatsi sakhe sekuya emfuleni, nome ophe kuze kwengce sikhatsi sakhe sekuyekela kuya emfuleni, ngalesikhatsi salokopha kwakhe lokungcolile, utaba sengatsi usemalangeni akhe ekuya emfuleni. Ungcolile. 26 Wonkhe umbhedze lalala kuwo ngalesikhatsi sekopha kwakhe kuye utaba njengembhedze lalala kuwo nakasemfuleni, nako konkhe lahlala kuko kutaba ngulokungcolile , njengekungcola kwanakasemfuleni. 27 Nome ngubani lotsintsa letotintfo utaba ngulongcolile; kufanele awashe timphahla takhe aphindze ageze umtimba ngemanti, utaba ngulongcolile kuze kube kusihlwa. 28 Kepha uma sekahlanjululiwe kulokopha kwakhe, utase utibalela emalanga lasikhombisa, emvakwaloko utaba ngulohlobile. 29 Ngelilanga lesiphohlongo utawutsatsa ematuba lamabili nome emazini lamabili awamikise kumpristi ngasekungeneni kwelithende lekuhlangana. 30 Lompristi utawunikela yinye inyoni ibe ngumnikelo wesono bese kutsi lelenye iba ngumnikelo wekushiswa wekushiswa, utamncusela embikwa Simakadze ngenca yalokopha kwakhe lokungcolile. 31 Utabehlukanisa kanjena ke bantfu baka Israyeli nekungcola kwabo, kuze bangetikufa ngenca yalokungcola kwabo, ngekungcolisa lithabanekeli lami, lapho ngihlala khona emkhatsini wabo. 32 Lena ngimicabo yanome ngubani lokhipha lokungemanti, yanome nguyiphi indvodza lekhipha sidvodza simente abe ngulongcolile, 33 noma ngumuphi wesifazane loya emfuleni, noma ngubani lokhipha lokungemanti, nome mdvuna nome msikati,kanye naye wonkhe lolala newesifazane longcolile