¹ Simakadze wakhuluma ku Mose watsi, '' ² Lona kutowukuba ngumtsetfo wemuntfu lonesifo ngelilanga lekuhlatjululwa. Utawumikiswa kumpristi. ³ Lompristi utophumela ngaphandle kwenkambu ayohlolisisa kutsi lomuntfu lonesifo sesikhumba lesitsatselwanako sipholile yini. ⁴ Umpristi keyena utawuyaleta kutsi loyo lofanele kuhlantjululwa akatsatse tinyoni letimbili letiphilako letihlobile, tinkhuni temsedari, nemtiya lobovu ngalukutopele ne hisop. ⁵ Umpristi utawuyaleta kutsi abulalele yinye yaletinyoni eludziweni lolunemanti lahlantekile. ⁶ Umpristi utobese utsatsa lenyoni lephilako naletinkhuni temsedari, nemtiyalobovu ne hisop, akwenye konkhe loko nalenyoni levako engatini yalenyoni lebulawelwe emantini lahlantekile. ⁷ Umpristi utowubese unyenyeta lamanti kasikhombisa kulomuntfu lokufanele ahlanjululwe kulesifo, umpristi utawumemetela kutsi sowuhlobile. Umpristi utase ukhulula lenyoni lephilako itindizele emasimini. ⁸ Lomuntfu lohlanjululwako utowuwasha timphahla takhe, ahhule tonkhe tinywele takhe, ageze emantini, bese kuba kuhloba kwakhe. Emvakwaloko sekangaya enkambo, kepha utowuhlala ngaphandle kwelithende emalanga lasikhombisa. ⁹ Ngelilanga lesikhombisa utowuhhula tonkhe tinwele takhe enhloko, bese uhhula tonkhe tinywele esilevini nakumashiya akhe. Kufanele ahhule tonkhe tinwele takhe, awashe timphahala takhe aphindze ageze emantini; kube kuhloba kwakhe. ¹⁰ Ngelilanga lesiphohlongo kufanele atsatse timvu letimbili letindvuna letingenasici, yinye imvu lensikati lenemunyaka lengenasici, nencenye yalokutsatfu elushumini la fulawa locolisakele uhlanganiswe nemafutsa njengeminikelo wenhlanyelo, nelitha yemafutsa. ¹¹ Lompristi lomhlambululako utamusukumisa amente eme kanye naletintfo embikwa Simakadze ekungeneni kwelithende lekuhlangana. ¹² Umpristi utawutsatsa yinye yetimvu letindvuna ayinikele njenge munikelo welicala, kanye nalelitha yemafutsa; Utowetfula njengemnikelo wekujikitiswa embikwa Simakadze. ¹³ Kufanele abulale imvu lendvuna kulendzawo lapho kubulalelwa khona iminikelo yesono neminikelo wekushiswa, endzaweni yalithabanekeli, ngoba lomnikelo wesono wempristi, njenge welicala, ngoba ungcwele kakhulu. ¹⁴ Lompristi utawutsatsa ingati yemnikelo welicala awubeke esicongweni sendlebe yangasekudla kulomuntfu loto hlanjululwa, esitfupheni sesandla sakhe sangasekudla, nakubhozo welunyawo lwakhe lwangasekudla. ¹⁵ Lompristi utose utsatsa emafutsa kulelitha bese uyitsela entsendzeni yesandla sakhe sangasencele, ¹⁶ bese wenya umuno wangasekudla kulamafutsa lakulesandla sesencele, bese unyenyeta ngencenye yemafutsa ngemuno kasikhombisa embikwa Simakadze. ¹⁷ Umpristi tawutsatsa lamafutsa lasele esandleni sakhe awabeke esicongweni sendlebe yangasekudla yalomuntfu lotewuhlanjululwa, ngesitfupha sesandla sakhe sangasekudla, naku bhozo welunyawo lwangasekudla. Kufanele abeke lamafutsa etikwalengati yemnikelo welicala. ¹⁸ Lamafutsa lamanye lasele esandleni sempristi, utawabeka enhloko yalomuntfu lotohlatjululwa, umpristi ke utomuncusela embikwa Simakadze. ¹⁹ Umpristi utawubese unikela umnikelo wesono ancusele loyo lotohlanjululwa ngenca yekungcola kwakhe, emvakwaloko utawubulala lomnikelo wekushiswa. ²⁰ Umpristi utawunikela lomnikelo wekushiswa nemnikelo wetinhlavu elathini. Umpristi utoncuselwa kumuntfu, bese kubakuhloba kwakhe. ²¹ Kepha uma umuntfu lomphofu noma angawukhoni lomhlatjelo, sekangatsatsa yinye imvu lendvuna ibe ngumnikelo welicala kutsi ajikitiswe, kutsi umncusele, nencenye yelishumi yeligogogo lafulawa loconsakele ahlanganiswe nemafutsa nemnikelo walokutinhlavu, nelitha yemafutsa, ²² kanye nematuba lamabili noma emazini lamabili, njengalawa angahle awatfole; yinye inyoni itawuba ngumnikelo wesono bese lelenye ibangumnikelo wekusishwa. ²³ Ngelilanga lesiphohlongo kufanele awaletse kumpristi kute atohlanjululwa, ekungeneni kwelithede lekuhlangana, embikwa Simakadze. ²⁴ Umpristi utotsatsa limvu njenge mhlatjelo, phindze atsatse emafutsa langabayincenye yelitha, utowaphakamisa etulu awetfule kuSimakadze. ²⁵ Utobulala lemvu njenge mnikelo wekutisola, utotsasa lenye incenye yalengati yemnikelo wekutisola bese ukubeka esicongweni lendlebe yesekudla kuloyo lotogezwa, ngesitfupha sangesandla sesekudla, futsi nabhozolomkhulungelunyawo lwakhe lwangasekudla. ²⁶ Wabese umpristi utsela emafutsa lamancane entsendzeni yesandla sakhe sangasencele, ²⁷ futsi utawubese unyenyeta ngemuno wakhe wangasekudla emafutsana lasesandleni sakhe sangasencele kasikhombisa embikwa Simakadze ²⁸ Umpristi utawubeka emafutsa lasesandleni sakhe esicongweni sendlebe yangasekudla kuloyo lotohlengwa, nesitfupha sangasekudla, phindze nabhozo welunyawo lwangasekudla , netindzawo letifanako lapho abeka khona lomnikelowekutisola. ²⁹ Utobeka lencenye lesalako yemafutsa lesesandleni sakhe enhloko yatohlengwa, atoncuselwa embikwa Simakadze. ³⁰ Kufanele anikele linye lematuba lekufuywa noma lituba lesiganga, ³¹ njengalomuntfu lofanele munye nje ngeminikelo wesonobese lolomunye njenge mnikelo loshisiwe, kanye nemnikelo wetinhlavu. Bese lompristi utokwenta umcuseli walolotohlengwaembikwa Simakadze. ³² Lona ngumtsetfo wemuntfu longena sifo sesikhumba, nongakhoni kumelana naleminikelo yekuhlengwa.'' ³³ Simakadze wakhuluma ku Mose na ku Aaroni, watsi ³⁴ ''Uma senifikile eveni laseKhenani lenganinika lona kuts kube lifa lenu, uma ngibeka kukhuntsa lokwandza nendlu kulelive lelilifa lenu, ³⁵ lomnikati wendlu kufanele ayotjela umpristi. Atsi, 'Ngazutsi kunentfo lefana nekukhuntsa endlini yami.' ³⁶ Lompristi keyena utokhipha umyalo wekutsi kukhokhwe konkhe lokulandlini angakefiki yena kutobona lokukhuntsa kuze kubete kulendlu Emvakwaloko lompristi kufanele ahambe ayobona lendlu. ³⁷ Kufanele abukisise lokukhuntsa kutsi kusetibondzeni talendlu yini, aphindze abone kutsi kubukuka kuluhlatana yini noma kubovana kuletimfa telubondza. ³⁸ Uma lendlu inako lokukhuntsa, lompristi utawuphuma kulendlu avale umnyango wayo emalanga lasikhombisa. ³⁹ Umpristi utobuyela futsi ngelilanga lesikhombisa atawubuka kutsi lokukhuntsa khucubekile yini nekwandza kulolubonza kwalendlu. ⁴⁰ Umangabe ucubekile lompristi utobese ukhipha umyalo wekukhipha lamatje latfolakele analokukhuntsa kutsi alahlwe endzaweni lengcolile ngaphandle kwelidolobha. ⁴¹ Utodzinga onkhe lamabondza angekhatsi kulendlu kutsi acacabulwe, bese batsatsa lokungcola kwaletintfo tekwakha ngaphandle kwalelidolobha bakulahle endzaweni lengakahlobi. ⁴² Fanele batsatse lamanye ematje bawabeke endzaweni yematje lawo labawasusile, bese basebentisa libovu kuboca lendlu. ⁴³ Umakukhuntsa kuta futsi bese kuyaphula endlini ematjeni latsetfwe ne mabhondza ahwaywa abese apentwa kabusha, ⁴⁴ bese umpristi utokuta atohlola lendlu kubona kutsi lokukhuntsa kwandzile yini kulendlu. Uma kwentekile, loko kutokusho kutsi kukhuntsa lokuyingoti, phindze lendlu ayikahlobi. ⁴⁵ Lendlu fanele indzilitwe. Lamatje, emaplango, nakokonkhe kwekuplasitela kulendlu kufanele kukhiswe edolobheni kuyiswe endzaweni lengakahlobi. ⁴⁶ Wonkhe umuntfu loya kulendlu ngalesikhatsi lesi kuvaliwe utobe angcolile kute kufike ntsambama. ⁴⁷ Umuntfu lolele endlini kufanele awashe timphahala takhe, futsi umuntfu lodle endlini kufanele awashe timphahala takhe. ⁴⁸ Uma umpristi angena endlini kutohlolisisa kubonakutsi lokukhuntsa sekwandzile endlini emvakweku plasitela, bese, uma lokukhuntsa kuhambile, utokusho kutsi lendlu ihlobile. ⁴⁹ Bese lompristi utotsatsa tinyoni letimbili atihlante lendlu, netinkhuni tasemdari, nemtiya lobovungalokutopele, nehhoyisopi. ⁵⁰ Utobulala yinye yaletinyoni ngewemanti lahlantekile ekhatsi ejekeni lwelubumba. ⁵¹ Utotsatsaletinkhuni tasemdari, nehhoyisopi, nemtiya lobovu ngalokutopele, nenyoni lephilako, bese ucobhota kulengati yalenyoni lebulelwe, nasemantini lohlobile, nekuvuvutelwa kwendlu kasikhombisa. ⁵² Utohlanta lendlu ngelengati yenyoni ngemanti lahlantekile, nenyoni lephilako, netinkhuni tasemdari, ihhoyisopi, nemtiya lobovu ngalokutopele. ⁵³ Kepha utovumela lenyoni lephilako kutsi ihambe iye edolobheni kumasimu lavulekile. Endleleni kufaneke ancusele endlini, bese kuyahloba. ⁵⁴ Lona ngutsetfo watotonkhe tinhlobo tesifo, futsi nekulunywa, ⁵⁵ phindze kwekukhuntsa etimphahleni nasendlini, ⁵⁶ nekuvuvuka, nemacucumba nemabala lakhanyako, ⁵⁷ kucinisekisa kutsi lamacala akahlobi noma ahlobile.Lona ngumtsetfo wesifo sesikhumba lesitselelanako nekukhuntsa.