¹ Ningatfokoti, Israyeli, ngentfokoyto lefana neyalabanye bantfu.Ngoba bewungaka tsembeki, washiya Nkulunkulu wakho. Uyatsandza kubhadala intsengo yetingwadla lefunwako etindzaweni tekusebenta. ² Kepha lendzawo yekusebenta neliwayini angeke ibondle bona; leliwayini lelisha litobahlulekisa. ³ Angeke bachubeke bahlale eveni laSimakadze; esikhundleni, Ephraim utobuyela eGibhithe, futsi ngalelinye lilanga batokudla kudla lokungakahlobi eAsiriya. ⁴ Angeke batsele ngaphandle liwayini lemnikelo kuSimakadze, noma bajabulisa kuye. Imihlatjelo yabo kubo itofana kubo bantfu labatile kudla: bonkhe labakudla kona batawugcola. Ngoba lokudla kutoba ngekwabo bodvwa; angeke kute endlini ya Simakadze. ⁵ Utokwentani ngalelilanga lelabekwa lemkhosi, ngalelilanga lemkhosi waSimakadze? ⁶ Ngako, buka, umabaphunyula ekubhujisweni, IGibhithe itoba hlanganisa, bese Memphies utoba ngcwaba. Ngekwe magugu abo esiliva - tihlahla letihlabanako titobalimata, futsi nemanyeva atogcwala emathendeni abo. ⁷ Emalanga ekujeziswa ayeta; emalanga ekubhadala konkhe lowakwenta ayeta. Akutsi wonkhe Israyeli atati letintfo leti. Lomprofethi usilima, nalemadvodza lanemndlandla ayiphili, ngenca yebukhulu bekugcola kwakho kanye nesitsa lesikhulu. ⁸ Lomphorofithi ungumlindzi waNkulunkulu wami ngetulu kwa Ephraim. Kepha inyoni ibeke ligibe kutotonkhe tindlela takhe, kanye nesitsa sita kuye endlini yaNkulunkulu wakhe. ⁹ Batikhohlakalisa ngalokujulile njengasemalanga aGibeah. Nkulunkulu utobabita kubakhumbuta ngekungangcola bese uyaba jezisa tono tabo. ¹⁰ Simakadze utsi, ''mangitfola Israyeli, bekufana nekutfola emagelebisi ehlane. kwaku njenge sitselo sekucala sesikhatsi esihlahla semkhiwa, ngatfola boyihlo. Kepha bahamba baya e Baal Peor, base batinikela kululihlazo lesithico. Babese bayanyanyeka njengalesithico labebasitsandzako. ¹¹ Ngekwa Ifrayem, ludvumo labo litawundiza liye etulu njenge nyoni. Kutaba bete kutalwa, kute kukhulelwa, futsi kute kulalana. ¹² Kepha bakhulisa umntfwana, ngitobatsatsa ngibayise khashane futsi kute ngisho namunye lotosala. Kepha uma ngibuya ngitobagucukela bona! ¹³ Ngimubonile Ifrayem, njenga Tyre, lohlanyelwe ensimini, kepha Ifrayemi utoletsa bantfwa bakhe kulomuntfu lotoba bulala.'' Banike, Simakadze-utobaniketa ini? ¹⁴ Banikete sibeletfo lesingakhoni kubamba bamntfwana kanye nemabele langaphumi lubisi. ¹⁵ ''Ngenca yakokonkhe kukhohlakala kwabo kwase Giligale, ngulapho langacala kubanyanya. Ngenca yetento tabo tekona, ngitoba khipha ngaphandle kwendlu yami. Angeke ngisachubeka ngibatsandze; tonkhe letisebenti tiyatelega. ^{16 17} Ifrayem unesifo, netimphandze takhe tomile; akasatseli netitselo, noma banabo bantfwana, ngitofaka labantfwa babo labatsandzako ekufeni.'' Nkulunkulu wami utobala ngoba abakamutfobeli. Batoba yimihambima emkhatsini wetive.