¹ '' Beka impalampala etindzebeni takho! Lukhozi luyeta endlini yaSimakadze ngoba bantfu baphule sivumelwano sami phindze bahlubuka umtsetfo wami. ² Bayakhala kimi, ''Nkulunkulu wami, tsine ka Israyeli siyakwati.'' ³ Kodvwa Israyeli walile lokulungile, futsi nesitsa sitamucosha. ⁴ Babekele Emakhosi lugibe, kepha hhayi mine. Bente bantfwabenkhosi labadvuna, ngaphandle kwekungatisa. Ngesiliva nangeligolide labo bente tithico tabo, kepha bekukutsi batoyekelelwa''.'' ⁵ litfole lakho laliwe, samariya. Intfukutselo yami iyavutsa imelene nanaba bantfu. Kuyawute kube nini bahleti batisola? ⁶ Ngoba lesithico sabuya kaIsrayeli; Sakhiwa yingcweti; asisuye Nkulunkulu! Litfole lase Samaria liyawuphihlika libe ticucu. ⁷ Ngoba bantfu bahlanyela umoya baphindze bavune incitsakalo. Inhlanyelo lemile ite tinhloko; ayikhokhi fulaha. Nakwenteka igcine ivutsiwe, betive batawuyidla. ⁸ Israyeli umitiwe, nyalo sebasemkhatsini wetive njengentfo lengenamsebenti. ⁹ Ngoba bahambe baya etulu eAssyria njenge mbongolo yesiganga bahamba bodvwa. Ephraem sewucashe tingani aticashela yena lucobo. ¹⁰ Noma baticashile tingani emkhatsini wetive, ngitawubabutsela ndzawonye. Batawucala kushabalala ngenca yekucindzetelwa yinkhosi yebantfwabenkhosi labadvuna labasebancane. ¹¹ Ephrayemu wakhulisa linani lemathempeli emihlatjelo yesono, kodvwa esikhundleni saloko, sewagucuke emalathi ekwenta tono. ¹² Ngingababhalela umtsetfo wami kube tinkhulungwane letilishumi, kepha batawuyibona njengentfo lengakatayeleki kubo. ¹³ Mayelana nemihlatjelo neminikelo yami, banikela inyama phindze bayidle, Kepha mine, Simakadze, angiyemukeli. Nyalo ngitawucabanga ngetiphambeko tabo ngijezise tono tabo. Batawubuyela eGibhithe. ¹⁴ Israyeli sewukhohliwe ngimi, umenti wakhe, futsi wakhe tigodlo. Juda uvikele emadolobha lamanyenti, kepha ngitawutfumela umlilo kulamanyenti emadolobha akhe; iyawubhubhisa emadolobha lavikelekile.